ສຳເລັດຊຸດຝຶກອົບຮົມປ້ອງກັນພະຍາດ ໂຄວິດ-19 ໃຫ້ແຂວງ ແລະເມືອງເປົ້າໝາຍ

  ຊຸດຝຶກອົບຮົມວຽກງານປ້ອງກັນພະຍາດໂຄວິດ-19 ໄດ້ໄຂຂຶ້ນໃນວັນທີ 22 ແລະອັດລົງໃນວັນທີ 23 ຕຸລາ ປີ 2020 ທີ່ແຂວງຄູສາລະວັນໂດຍການເປັນປະທານຂອງ ທ່ານ ປະສອນໄຊ ອິນສີຊຽງໃໝ່ຮອງຜູ້ອຳນວຍການກອງທຶນຫຼຸດຜ່ອນຄວາມທຸກຍາກສູນກາງ ແລະທ່ານ ກິພະຈັນ ໂພສາລິຮອງຫົວໜ້າພະແນກກະສີກຳ ແລະປ່າໄມ້ແຂວງສາລະວັນຫົວໜ້າກອງທຶນຫຼຸດຜ່ອນຄວາມທຸກຍາກແຂວງ, ໃຫ້ກຽດເຂົ້າ ຮ່ວມມີຜູ້ຕາງໜ້າຈາກກະຊວງສາທາລະນະສຸກ, ກະຊວງສຶກສາທິການ ແລະກີລາ, ມີຜູ້ຕາງໜ້າຈາກສູນກາງສະຫະພັນແມ່ຍິງລາວ, ພ້ອມດ້ວຍສຳມະນາກອນຈາກ 4 ແຂວງ ຄື: ສາລະວັນ, ເຊກອງ, ອັດຕະປື ແລະແຂວງສະຫວັນນະເຂດ, ຊຶ່ງ ມີ 14 ເມືອງເປົ້າໝາຍເຂົ້າຮ່ວມທັງໝົດ 122 ຄົນ

  ຈຸດປະສົງໃນການຝຶກອົບຮົມໃນຄັ້ງນີ້ແນໃສ່ເຮັດໃຫ້ສໍາມະນາກອນແຕ່ລະແຂວງ, ເມືອງໄດ້ຮັບຮູ້ກ່ຽວກັບຄວາມເປັນມາ-ຜົນຮ້າຍຂອງພະຍາດໂຄວິດ-19 ແລະການປ້ອງກັນການລະບາດພະຍາດດັ່ງກ່າວ, ພ້ອມດ້ວຍວິທີປ້ອງກັນ-ວິທີນຳສົ່ງຜູ້ຕິດເຊື້ອຫາໂຮງໝໍໃນເບື້ອງຕົ້ນ ແລະວິທີການຜະລິດຜ້າອັດປາກ-ດັງແບບງ່າຍດາຍໂດຍນຳໃຊ້ວັດສະດຸໃນທ້ອງຖິ່ນ, ຊຸດຝຶກອົບຮົມໃນຄັ້ງນີ້ໄດ້ຕີລາຄາໃນການໃຫ້ຄວາມຮູ້ ແລະການແນະນຳໃນດ້ານຕ່າງໆໂດຍໄດ້ເອົາໃຈໃສ່ເປັນຢ່າງດີໃນການສົ່ງຄວາມຮູ້ໃຫ້ແກ່ສຳມະນາກອນ ແລະສຳມະນາກອນກໍ່ໄດ້ຕັ້ງໃຈ, ເອົາໃຈໃສ່ໃນການຮັບເອົາຄວາມຮູ້ຕ່າງໆເພື່ອນຳໄປໃຊ້ໃນຊຸມຊົນຂອງຕົນໃຫ້ເກີດດອກອອກຜົນ ແລະເພື່ອສາມາດແນະນຳຄວາມຮູ້ດັ່ງກ່າວ ໃຫ້ກັບຊຸມຊົນ, ປະຊາຊົນ ແລະບຸກຄົນຕໍ່ໆໄປໄດ້, ໃນການຈັດຕັ້ງປະຕິບັດຂັ້ນຕອນຕ່າງໆ, ວິທີການປ້ອງກັນ ແລະຂັ້ນຕອນອຸປະກອນໃນການເຮັດຜ້າອັດປາກ-ດັງ.

  ຈາກນັ້ນຄະນະປະທານກໍໄດ້ມີຄຳເຫັນໂອ້ລົມຕໍ່ນັກສຳມະນາກອນທີ່ໄດ້ເຂົ້າຮ່ວມຝຶກອົບຮົມຄັ້ງນີ້ເປັນຕົ້ນໃນເມືອງໄດ້ຮັບຄວາມຮູ້ແລ້ວກໍ່ ຕ້ອງກຳໃຫ້ມັນໄດ້, ເຂົ້າໃຈສາມາດສົ່ງຄວາມຮູ້ໃຫ້ກັບຄົນອື່ນໄດ້ ແລະເອົາໃຈໃສ່ໃນຂອດການປະສານງານກັບພາກສ່ວນຕ່າງໆທີ່ກ່ຽວຂ້ອງ, ພ້ອມທັງເອົາໃຈໃສ່ຊ່ວຍກັນໃນການປ້ອງກນພະຍາດດັ່ງກ່າວ, ບໍ່ແມ່ນວ່າຊີ້ໃຫ້ຜູ້ໃດ, ຜູ້ໜຶ່ງມັນແມ່ນຂອງໝົດທຸກຄົນເພາະວ່າໂຄວິດມັນແມ່ນເຊື້ອໄວຣັດ ແລະໃນໂລກນີ້ກໍ່ມີຄົນຕິດເຊື້ອ ແລະຕາຍເປັນຈຳນວນຫຼາຍ.

----

ຂ່າວ: ສິດຕາ ເພັດວົງສາ

แชร์