3 ອົງການຈັດຕັ້ງ ຫ້ອງວ່າການແຂວງຊຽງຂວາງ ອອກແຮງງານລວມ

  ຮາກຖານຊາວໜຸ່ມຫ້ອງວ່າການແຂວງຊຽງຂວາງ, ສະຫະພັນຮາກຖານແມ່ຍິງຫ້ອງວ່າການແຂວງ ແລະສະຫະພັນຮາກຖານກຳມະບານຫ້ອງວ່າການແຂວງໄດ້ອອກແຮງງານລວມໃນວັນທີ 21 ຕຸລາ 2020 ນຳພາໂດຍທ່ານ ນາງ ຈັນທະສອນ ພູນສຸກ ຮອງເລຂາຄະນະພັກຮາກຖານຫ້ອງວ່າການແຂວງປະທານສະຫະພັນຮາກຖານແມ່ຍິງຫ້ອງວ່າການແຂວງຮອງຫົວໜ້າຫ້ອງວ່າການແຂວງ, ມີພະນັກງານຈາກ 3 ອົງການຈັດຕັ້ງມະຫາຊົນຫ້ອງວ່າການແຂວງເຂົ້າຮ່ວມ.
  ການອອກແຮງງານຄັ້ງນີ້ທຸກຄົນໄດ້ພ້ອມກັນອະນາໄມຂອບເຂດຫ້ອງວ່າການເກັບເສດໄມ້, ຂີ້ເຫື້ຍອ, ຕັດກຽນງ່າໄມ້, ແຊະຫຍ້າ ແລະປັບປຸງຫ້ອງປະຊຸມໃຫຍ່ເພາະຈະເປັນສະຖານທີ່ຈັດກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງໃນຕົ້ນເດືອນພະຈິກຈະມາເຖິງນີ້, ຊຶ່ງທ່ານ ນາງ ຈັນທະສອນ ພູນສຸກ ຮອງຫົວໜ້າຫ້ອງວ່າການແຂວງໄດ້ກ່າວວ່າການອອກແຮງງານລວມຄັ້ງນີ້ເພື່ອເປັນການຕ້ອນຮັບກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງຊຽງຂວາງ, ວັນສະຖາປະນາສາ ທາລະນະລັດປະຊາທິປະໄຕປະຊາຊົນລາວ ແລະ ວັນສຳຄັນອື່ນໆຂອງຊາດ, ຂອງແຂວງພ້ອມດຽວກັນນີ້ກໍ່ເປັນການອະນາໄມສະຖານທີ່ໃຫ້ສະອາດງາມຕາເປັນການທຳ ລາຍແຫຼ່ງເພາະພັນຂອງຍຸງ.
ນອກຈາກນີ້ ທ່ານ ນາງ ຈັນທະສອນ ພູນສຸກ ຍັງໄດ້ຮຽກຮ້ອງໃຫ້ບັນດາພະແນກການ, ອົງການ,ກອງບັນຊາການ,ບ້ານໃຫ້ພ້ອມກັນສ້າງຂະບວນການອອກແຮງງານ, ກີລາ, ສິລະປະວັນນະຄະດີໃຫ້ເປັນຂະບວນຟົດຟື້ນບົນພື້ນຖານມາດຕະການສະກັດກັ້ນຕ້ານພະຍາດໂຄວິດ-19.

--------------

ຂ່າວ: ບຸນມີ ແສງທຸມມີ

ຮູບພາບ: ໜັງສືພິມເສດຖະກິດ-ສັງຄົມ

แชร์