ຊາວໜຸ່ມຂອງຄຳມ່ວນ ມອບເຄື່ອງໃຫ້ຄອບຄົວຖືກເຄາະຮ້າຍ

  ໃນວັນທີ 20 ຕຸລາ 2020 ທີ່ຜ່ານມາຄະນະບໍລິຫານງານຊາວໜຸ່ມແຂວງຄຳມ່ວນ, ພ້ອມດ້ວຍການນຳຂອງເມືອງຍົມມະລາດ ແລະຄະນະຊາວໜຸ່ມເມືອງດັ່ງກ່າວໄດ້ລົງເຄື່ອນໄຫວມອບເຄື່ອງຊ່ວຍເຫຼືອໃຫ້ແກ່ຄອບຄົວຜູ້ທີ່ຖືກເຄາະຮ້າຍຈາກອັກຄີໄພໄຟໃໝ້ຢູ່ທີ່ບ້ານໂພນບົກ ເມືອງຍົມມະລາດ ໂດຍການນຳພາຂອງສະຫາຍ ສາຍຄຳ ພະໄຊສິດທິເດດເລຂາຄະນະບໍລິຫານງານຊາວໜຸ່ມແຂວງຄຳມ່ວນພ້ອມຄະນະ, ມີສະຫາຍ ຫົງຄໍາ ມະນີວົງຄະນະພັກເມືອງ,ບັນດາສະຫາຍຄະນະບໍລິຫານງານຊາວ ໜຸ່ມແຂວງ-ຊາວໜຸ່ມເມືອງຕະຫຼອດຮອດອຳນາດການປົກຄອງບ້ານເຂົ້າຮ່ວມຢ່າງພ້ອມພຽງ.
 ເພື່ອເປັນການຊ່ວຍເຫຼືອບັນເທົາທຸກ ແລະອົບອຸ່ນຈິດໃຈແກ່ຄອບຄົວຜູ້ທີ່ຖືກເຄາະຮ້າຍໃນຄັ້ງນີ້ຄະນະບໍລິຫານງານຊາວໜຸ່ມແຂວງເຫັນໄດ້ເຖິງຄວາມສຳຄັນຈຶ່ງໄດ້ເຄື່ອນ ໄຫວນຳພາຂະບວນການລົງສູ່ທ້ອງຖິ່ນຮາກຖານບ້ານເຖິງຈຸດເກີດເຫດທີ່ບ້ານໂພນບົກເມືອງຍົມມະລາດເພື່ອໃຫ້ທັນກັບເຫດການ ແລະສະພາບການຕົວຈິງຊຶ່ງເຄື່ອງທີ່ນຳໄປຊ່ວຍເຫຼືອປະກອບມີ: ເຄື່ອງອຸປະໂພກ ແລະບໍລິໂພກທີ່ຈຳເປັນຈຳນວນໜຶ່ງເຊັ່ນ: ຜ້າຫົ່ມ, ໝອນ, ມຸ້ງ, ເຄື່ອງນຸ່ງຫົ່ມພ້ອມດ້ວຍເຄື່ອງໃຊ້ຄົວເຮືອນລວມມູນຄ່າ 3,13 ລ້ານກີບ ເປັນກຽດມອບໂດຍສະຫາຍ ສາຍຄຳ ພະໄຊສິດທິເດດ ເລຂາຄະນະບໍລິຫານງານຊາວໜຸ່ມແຂວງຄຳມ່ວນຮັບໂດຍຄົວຄອບຜູ້ທີ່ຖືກເຄາະຮ້າຍໂດຍມີການນຳຂັ້ນເມືອງເຂົ້າຮ່ວມເປັນສັກຂີພິຍານ.

----------

ຂ່າວ: ກັນຍາ, ຮູບພາບ: ໜັງສືພິມເສດຖະກິດ-ສັງຄົມ

แชร์