ເວດສໂປຣ ເລັ່ງສ້າງຄວາມເຂົ້າໃຈແກ່ສັງຄົມຫນມາໄຈ້ແຍກຂີ້ເຫຍື້ອເພື່ອເພີ່ມມູນຄ່າ

ເວດສໂປຣ ຄອນເລັກຊັ້ນ ເປັນບໍລິສັດໜຶ່ງທີ່ມີວິໄສທັດຢ່າງຊັດເຈນ ໃນດ້ານໃຫ້ບໍລິການເກັບ ມ້ຽນຂີ້ເຫຍື້ອຈັດການສິ່ງແວດ ລ້ອມໃຫ້ແກ່ສັງຄົມຢູ່ຕາມທີ່ຕ່າງໆ ແລະການຫັນເອົາສິ່ງເສດເຫຼືອມາ ປັບປ່ຽນໃຫ້ສາມາດໃຊ້ງານໄດ້ ໃໝ່, ໂດຍການຢືດໝັ້ນການບໍລິ ການທີ່ມີປະສິດທິພາບໄດ້ມາດຕະ ຖານ ແລະສັງຄົມໃຫ້ການໄວ້ວາງ ໃຈ, ຊຶ່ງເຫັນໄດ້ຈາກກຸ່ມລູກຄ້າທີ່ ເພີ່ມຂຶ້ນໃນຕະຫຼອດການດຳເນີນ ທຸລະກິດມາແຕ່ປີ 2016 ຈົນເຖິງ ປະຈຸບັນ.

ທ່ານນາງ ວາລີ ພົມມະຈັກ ຜູ້ ຈັດການດ້ານການປະຕິບັດການ ບໍລິສັດເວດສໂປຣຄອນເລັກຊັ້ນ ຈຳ ກັດຜູ້ດຽວ ໃຫ້ສຳພາດກັບໜັງ ສືພິມເສດຖະກິດ-ສັງຄົມເມື່ອບໍ່ ດົນມານີ້ວ່າ: ເວດສໂປຣ ຄອນ ເລັກຊັ້ນ ເປັນບໍລິສັດໜຶ່ງທີ່ໄດ້ສ້າງຕັ້ງໃນປີ 2016, ດຳເນີນທຸລະກິດ ກ່ຽວກັບການບໍລິການດ້ານການ ເກັບຂີ້ເຫຍື້ອຈັດການສິ່ງແວດ ລ້ອມໃຫ້ແກ່ສັງຄົມ ເພື່ອສ້າງຄວາມ ເປັນລະບຽບຮຽບຮ້ອຍ ແລະສະ ອາດງາມຕາພາຍໃນຕົວເມືອງ, ພ້ອມທັງ ປະຕິຮູບລະບົບການບໍລິ ການທາງດ້ານການເກັບຂີ້ເຫຍື້ອ ໃຫ້ມີຄວາມປອດໄພເປັນລະບຽບ ຮຽບຮ້ອຍ, ເປັນມືອາຊີບ, ຍົກລະ ດັບຄວາມເຂົ້າໃຈ ແລະສ້າງມູມ ມອງໃໝ່ໃນສາຂາອາຊີບນີ້, ລວມ ທັງເປັນການສ້າງໂອກາດທາງ ດ້ານວຽກເຮັດງານທຳໃຫ້ກັບສັງ ຄົມສ້າງແນວຄິດ, ປຸກລະດົມປະ ຊາຊົນໃຫ້ເຂົ້າໃຈ ແລະເປັນຄວາມ ສຳຄັນຂອງການເກັບມ້ຽນຂີ້ ເຫຍື້ອ, ຊຶ່ງກິດຈະກຳຫຼັກຂອງ ບໍລິສັດເວດສໂປຣ ແມ່ນເນັ້ນບໍລິ ການກຳຈັດຂີ້ເຫຍື້ອ, ຮື້ຖອນອະນາ ໄມ ແລະແປຮູບຂີ້ເຫຍື້ອໃຫ້ກັບ ມາໃຊ້ປະໂຫຍດ ທັງເປັນວັດສະດຸ ປະຍຸກຜະລິດຕະພັນຕ່າງໆ ແລະ ພະລັງງານທົດແທນທີ່ເຕີບໂຕ ໄປກັບການຈະເລີນຂອງສັງຄົມ, ໂດຍຕະຫຼອດໄລຍະຂອງການດຳ ເນີນທຸລະກິດ ດ້ວຍປະສົບການ ແລະຄວາມຊຳນານງານຂອງ ທີມງານ ລວມທັງຄວາມໄວ້ວາງ ໃຈທີ່ໄດ້ຮັບຈາກໜ່ວຍງານພັກລັດ ແລະອົງການປົກຄອງສ່ວນທ້ອງ ຖິ່ນ ເຫັນວ່າ ເວດສໂປຣເປັນບໍລິ ສັດທີ່ໄດ້ຮັບຄວາມໄວ້ເນື້ອເຊື່ອໃຈ ຈາກສັງຄົມ ໂດຍສະແດງອອກ ຜ່ານຈຳນວນສັນຍາທີ່ເພີ່ມຂຶ້ນໃນ ທຸກໆປີ ແລະການສ້າງທີມງານມື ອາຊີບ ເພື່ອໃຫ້ຮັບໃຊ້ສັງຄົມທີ່ ນັບມື້ເພີ່ມຂຶ້ນ.

ປະຈຸບັນ ເວດສໂປຣໃຫ້ບໍລິ ການຢູ່ໃນ 2 ຕົວເມືອງຂອງ ນະ ຄອນຫຼວງວຽງຈັນຄື: ເມືອງສີ ໂຄດຕະບອງ ແລະເມືອງສັງທອງ, ພ້ອມນັ້ນຍັງໃຫ້ບໍລິການເກັບມ້ຽນ ຂີ້ເຫຍື້ອໃຫ້ກັບບັນດາບໍລິສັດ, ອົງການຈັດຕັ້ງສາກົນ, ຫົວໜ່ວຍ ທຸລະກິດ, ຫ້າງຮ້ານ, ຮ້ານອາຫານ, ໂຮງແຮມ ແລະຕາມເຮືອນຕ່າງໆ, ຊຶ່ງໃນປີ 2018 ຜ່ານມາ, ບໍລິສັດ ມີລູກຄ້າເພີ່ມຂຶ້ນ 80 ສັນຍາຈາກ ປີກ່ອນ ແລະຄາດວ່າໃນປີ 2019 ນີ້ຈະໃຫ້ເພີ່ມຂຶ້ນອີກ 100 ສັນຍາ ໃນຂອບເຂດຂອງບໍລິສັດຮັບຜິດ ຊອບ ແລະບັນດາຫົວໜ່ວຍທຸລະ ກິດທີ່ຕ້ອງການໃຫ້ບໍລິສັດຈັດການ ເລື່ອງຂີ້ເຫຍື້ອເປັນຫຼັກ, ເນື່ອງ ຈາກດຽວນີ້ບໍລິສັດມີລົດບໍລິການ ທັງໝົດ 8 ຄັນ ແລະພະນັກງານ 32 ຄົນ ທີ່ພ້ອມຈະໃຫ້ບໍລິການ ແກ່ສັງຄົມ.

ທ່ານນາງ ວາລີ ພົມມະຈັກ ໃຫ້ຮູ້ຕື່ມວ່າ: ການດຳເນີນທຸລະ ກິດ ແລະການເຮັດວຽກຮ່ວມກັບ ຊຸມຊົນທີ່ຮັບຜິດຊອບໃນຕະຫຼອດ ໄລຍະທີ່ຜ່ານມາເຫັນໄດ້ວ່າ ສັງ ຄົມເລີ່ມຫັນມາໃສ່ໃຈບັນຫາຂີ້ ເຫຍື້ອຫຼາຍຂຶ້ນ ກໍຄືການໃສ່ໃຈ ຕໍ່ກັບສິ່ງແວດລ້ອມ ແລະຕໍ່ກັບ ບໍລິສັດເອງຍັງເຫັນວ່າມີຄວາມ ທ້າທາຍຫຼາຍໃນການປູກຈິດສຳ ນຶກໃຫ້ກັບຊຸມຊົນ ໂດຍສະເພາະ ການຫຼຸດຜ່ອນຈຳນວນຂີ້ເຫຍື້ອ, ການໄຈ້ແຍກຂີ້ເຫຍື້ອ ແລະການ ບໍ່ຖິ້ມຂີ້ເຫຍື້ອແບບຊະຊາຍ ອັນຈະ ສົ່ງຜົນຕໍ່ກັບສະພາບແວດລ້ອມທີ່ເປັນພິດ, ຕໍ່ກັບບັນຫາດັ່ງກ່າວ ແລະທັງເປັນການເຮັດວຽກຮ່ວມ ກັບສັງຄົມຫຼາຍຂຶ້ນ ບໍລິສັດໄດ້ສົ່ງ ທີມງານລົງສົມທົບກັບອຳນາດ ການປົກຄອງທ້ອງຖິ່ນ ເພື່ອໃຫ້ ຄວາມຮູ້ແກ່ປະຊາຊົນ ລວມທັງ ການສາທິດການໄຈ້ແຍກຂີ້ເຫຍື້ອ ເພື່ອສ້າງມູນຄ່າເພີ່ມ ແລະໄຈ້ ແຍກໄດ້ວ່າ ສິ່ງເສດເຫຼືອໃດສາ ມາດນຳກັບມາໃຊ້ງານໄດ້ອີກ ຕົ້ນຕໍແມ່ນ ການນຳໄປຣີໄຊໂຄ້ ເຂົ້າຂະບວນການຜະລິດເພື່ອນຳ ມາໃຊ້ໃໝ່.

ສຳລັບ ການປູກຈິດສຳນຶກໃຫ້ ກັບສັງຄົມນັ້ນ ໃນໄລຍະຜ່ານມາ ນອກຈາກລົງຕາມບ້ານທີ່ບໍລິສັດ ຮັບຜິດຊອບແລ້ວ ຍັງລົງຕາມໂຮງ ຮຽນ ເພື່ອເປັນການປູກຈິດສຳນຶກໃຫ້ກັບເຍົາວະຊົນຕື່ມອີກ ແນໃສ່ ໃຫ້ເຂົາເຈົ້າເຂົ້າໃຈຕໍ່ກັບການແຍກ ຂີ້ເຫຍື້ອ ໂດຍຈະມີຖັງສີທັງໝົດ 4 ສີຄື: ສີຟ້າສຳລັບເຈ້ຍ, ສີຂຽວໄວ້ ໃສ່ແກ້ວ, ສີເຫຼືອງ ສຳລັບໃສ່ກະຕຸກ ທີ່ເປັນພລັສຕິກ ແລະສີແດງໄວ້ສະ ເພາະຈຳພວກໂລຫະ, ຊຶ່ງທັງນີ້ ທັງນັ້ນ ບໍລິສັດກໍຫວັງຢ່າງຍິ່ງວ່າ ສັງຄົມ ຈະໃຫ້ຄວາມສຳຄັນໃນການ ບໍ່ຖິ້ມຂີ້ເຫຍື້ອຊະຊາຍ ແລະຫັນມາ ເອົາໃຈໃສ່ໃນການໄຈ້ແຍກຂີ້ເຫຍື້ອທຸກຄັ້ງກ່ອນນຳໄປຖິ້ມ ເພື່ອບໍ່ເປັນການເພີ່ມມົນລະພິດໃຫ້ກັບສັງຄົມ.

 

แชร์