ທ່ຽວຊົມຖໍ້າພະເຈົ້າ ເມືອງພູຄູນ

 ຖໍ້າພະເຈົ້າຖືວ່າເປັນສະຖານທີ່ທ່ອງທ່ຽວທີ່ມີຊື່ສຽງ ແລະໄດ້ຮັບຄວາມນິຍົມຈາກນັກທ່ອງທ່ຽວພາຍໃນ ແລະຕ່າງປະເທດເປັນຈຳນວນຫຼວງ ຫຼາຍເຮັດໃຫ້ຖໍ້າພະເຈົ້າມີຊື່ສຽງໂດ່ງດັງເພາະອຸດົມສົມບູນເຕັມໄປດ້ວຍປ່າໄມ້ອັນດົກໜາ ແລະພືດພັນຫຼາຍສິ່ງຫຼາຍຢ່າງນອກຈາກຄວາມສວຍງາມເຫຼົ່ານັ້ນແລ້ວ, ອາກາດກໍຍັງເປັນມິດກັບຜູ້ຄົນທີ່ໄປຍ່າງຫຼິ້ນ ແລະນັກທ່ອງທ່ຽວ, ນອກຈາກນັ້ນພາຍໃນຖໍ້າຍັງມີພະພຸດທະຮູບຫຼາຍສີບອົງ ແລະມີຫີນປູນ, ນົມຜາທີ່ສາວຍງາມເປັນໜ້າໄປທ່ຽວຊົມ.

  ທ່ານໃດທີ່ໄດ້ໄປແຂວງຫຼວງພະບາງກໍຢ່າລືມໄປສຳພັດກັບທິວທັດທໍາມະຊາດອັນສວຍສົດງົດງາມຂອງຖໍ້າດັ່ງກ່າວເຊື່ອວ່າທ່ານຈະປະທັບໃຈກັບບັນຍາກາດອັນສົດຊື່ນຈົນອົດບໍ່ໄດ້ທີ່ຈະຖ່າຍຮູບງາມໆເພື່ອເກັບໄວ້ເປັນທີ່ລະນຶກຢູ່ແຂວງຫຼວງພະບາງຍັງມີສະຖານທີ່ທ່ອງທ່ຽວອີກຫຼາຍແຫ່ງທີ່ສວຍງາມ ແລະໜ້າປະທັບໃຈ, ປະຊາຊົນໄດ້ພ້ອມກັນໄປທ່ຽວຊົມທໍາມະຊາດທີ່ມີຄວາມສວຍສົດງົດງາມ.

 ຖໍ້າພະເຈົ້າຕັ້ງຢູ່ບ້ານສາມແຍກເມືອງພູຄູນແຂວງຫຼວງພະບາງ, ຫ່າງຈາກຕົວເມືອງປະມານ 3 ກິໂລແມັດ, ຊຶ່ງສະຖານທີ່ດັ່ງກ່າວເໝາະສໍາລັບຜູ້ຄົນທີ່ຢາກໄປຍ່າງຫຼິ້ນ, ຊົມທິວທັດທໍາມະຊາດ, ສູບອາກາດບໍລິສຸດກໍສາມາດໄປກັນໄດ້.

----

ໂດຍ: ວົງມະນີ

• 26/10/2020