ຄະນະກວດກາພັກ-ລັດ ຄຳມ່ວນເປີດຂະບວນແຂ່ງຂັນຄຳຂວັນຮັກຊາດ ແລະພັດທະນາ

  ພິທີເປີດຂະບວນການແຂ່ງຂັນຍ້ອງຍໍພາຍໃຕ້ຄຳຂວັນ “ຮັກຊາດ ແລະພັດທະນາ” ປະຈຳປີ 2020 ຂອງຄະນະກວດກາພັກ-ລັດແຂວງຄຳມ່ວນໄດ້ຈັດຂຶ້ນໃນວັນທີ 21 ຕຸລາ 2020 ໂດຍມີທ່ານ ຄຳຜົງ ວົງພະຈັນ ປະທານຄະນະກວດກາພັກ-ລັດແຂວງ, ມີຕາງໜ້າຄະນະຈັດຕັ້ງແຂວງ, ອົງການຈັດຕັ້ງທີ່ກ່ຽວຂ້ອງຕະຫຼອດສະມາຊິກພັກ-ພະນັກງານພາຍໃນຄະນະກວດກາພັກເຂົ້າຮ່ວມ.

  ທ່ານ ສີສຸກ ພິມມະສອນຮອງປະທານຄະນະກວດກາພັກແຂວງໄດ້ຜ່ານຂໍ້ຕົກລົງວ່າດ້ວຍການເປີດຂະບວນການແຂ່ງຂັນ ແລະຍ້ອງຍໍ ພາຍໃຕ້ຄຳຂວັນຮັກຊາດ ແລະພັດທະນາປະຈຳປີ 2020 ແລະແຜນການເຄື່ອນໄຫວວຽກງານຂະບວນແຂ່ງຂັນ ແລະຍ້ອງຍໍໂດຍສະເພາະ ຈຸດປະສົງ ແລະຄາດໝາຍລວມ, ເນື້ອໃນວຽກງານຈຸດສຸມ ແລະເນື້ອໃນຂໍ້ແຂ່ງຂັນເປັນຕົ້ນ: ຂໍ້ແຂ່ງຂັນດ້ານປະຕິບັດແບບແຜນວິທີເຮັດ ວຽກທີ່ດີ, ມີວິທະຍາສາດ, ແຂ່ງຂັນປະຕິບັດກົດໝາຍຢ່າງເຂັ້ມງວດ, ແຂ່ງຂັນປະຕິບັດວຽກງານວິຊາສະເພາະ, ແຂ່ງຂັນປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ແລະແຂ່ງຂັນປະຕິບັດວຽກງານວັດທະນະທຳ-ສັງຄົມລວມເຖິງວິທີຈັດຕັ້ງປະຕິບັດໃນໄລຍະເວລາ 12 ເດືອນເລີ່ມແຕ່ເດືອນມັງກອນຫາທັນວາ 2020 ໂດຍເລັ່ງໃສ່ການແຂ່ງຂັນຕາມ 4 ຄາດໝາຍລວມຄື: ໃຫ້ໄວ, ໃຫ້ດີ, ໃຫ້ຫຼາຍ ແລະໃຫ້ຖືກຕ້ອງຕາມລະບຽບກົດໝາຍ.

  ໃນໂອກາດດັ່ງກ່າວຕາງໜ້າບັນດາຂະແໜງການຕ່າງໆກໍ່ໄດ້ຈັບມືແຂ່ງຂັນກັນເພື່ອນຳເອົາເນື້ອໃນຈິດໃຈຂໍ້ແຂ່ງຂັນໄປຜັນຂະຫຍາຍຈັດ ຕັ້ງປະຕິບັດໃຫ້ບັນລຸຜົນຕາມຄາດໝາຍທີ່ວາງໄວ້.

----

ໜັງສືພິມ ເສດຖະກິດ-ສັງຄົມ

แชร์