ຄະນະພົວພັນຕ່າງປະເທດ ມອບໃບຢັ້ງຢືນ ໃຫ້ໜ່ວຍພັກກົມເອີຣົບ-ອາເມລິກາ

  ໃນວັນທີ 21 ຕຸລາ 2020, ຄະນະພົວພັນຕ່າງປະເທດສູນກາງພັກໄດ້ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ,ໜັກແໜ້ນໃຫ້ແກ່ໜ່ວຍພັກກົມເອີຣົບ-ອາເມລິກາໃຫ້ກຽດມອບໂດຍສະຫາຍ ນາງ ສູນທອນ ໄຊຍະຈັກຫົວໜ້າຄະນະພົວພັນຕ່າງປະເທດສູນກາງພັກ, ມີບັນດາສະຫາຍໃນຄະນະບໍລິຫານງານພັກ, ຄະນະໜ່ວຍພັກ, ຄະນະກົມ, ສະມາຊິກພັກອ້ອມຂ້າງຄະນະພົວພັນຕ່າງປະເທດເຂົ້າຮ່ວມ.

  ໃນພິທີສະຫາຍ ບຸນເບັງ ໄຊຍະປັນຍາເລຂາໜ່ວຍພັກກົມເອີຣົບ-ອາເມລິກາໄດ້ຜ່ານບົດສະຫຼຸບລາຍງານປີຜ່ານມາໃນການກໍ່ສ້າງໜ່ວຍພັກຈົນສາມາດໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນຊຶ່ງໜ່ວຍພັກກົມເອີຣົບ-ອາເມຣິກາເປັນໜ່ວຍພັກ ໜຶ່ງທີ່ຂຶ້ນກັບຄະນະພັກຄະນະພົວພັນຕ່າງປະເທດສູນກາງພັກໄດ້ເອົາໃຈໃສ່ໃນການປະຕິບັດໜ້າທີ່ການເມືອງຂອງຕົນ, ສາມາດຍາດໄດ້ຜົນສໍາເລັດຫຼາຍດ້ານເປັນຕົ້ນການຄົ້ນຄວ້າວິເຄາະວິໄຈສະພາບການຂອງພາກພື້ນ ແລະສາກົນໃນຂົງເຂດພັກການເມືອງຕິດພັນກັບການສຶກ ສາອົບຮົມການເມືອງແນວຄິດ, ປັບປຸງການຈັດຕັ້ງ ແລະແບບແຜນວິທີນໍາພາຕາມລະບຽບຫຼັກການຂອງພັກໄດ້ຢ່າງດີມາຮອດປະຈຸບັນທົ່ວອົງຄະນະພັກຄະນະພົວພັນຕ່າງປະເທດສູນກາງພັກສາມາດສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໄດ້ 100% ອັນເປັນການເພີ່ມກໍາລັງແຮງໃຫ້ແກ່ທົ່ວອົງຄະນະພັກໃນການປະຕິບັດໜ້າທີ່ການເມືອງຂອງຕົນ.

  ສະຫາຍ ນາງ ສູນທອນ ໄຊຍະຈັກໄດ້ມີຄໍາເຫັນໂອ້ລົມໂດຍໄດ້ສະແດງຄວາມຍ້ອງຍໍຊົມເຊີຍມາຍັງໜ່ວຍພັກກົມເອີຣົບ-ອາເມລິກາທີ່ໄດ້ເອົາ ໃຈໃສ່ປັງປຸງກໍ່ສ້າງໜ່ວຍພັກຕົນໃຫ້ໄດ້ຮັບນາມມະຍົດເປັນໜ່ວຍພັກໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະສະແດງຄວາມຫວັງວ່າບັນດາໜ່ວຍພັກໃນຄະນະພົວພັນຕ່າງປະເທດສູນກາງພັກຈະສືບຕໍ່ນໍາພາໜ່ວຍພັກຂອງຕົນເຮັດສໍາເລັດພາລະບົດບາດໜ້າທີ່ຂອງຕົນກ້າວໄປສູ່ການກະກຽມກອງປະຊຸມໃຫຍ່ຄັ້ງທີ II ຂອງອົງຄະນະພັກໃນຕໍ່ໜ້າ.

 ----

ຂ່າວ: ແພງຕາ

แชร์