ຈາງຕ້າອີ້ ອະດີດນາງແບບດັງ ໄລຂາຍເສື້ອຜ້າໄດ້ເງິນມະຫາສານ

  ແມ່ຄ້າອອນຈາງຕ້າອີ້ ສາວຈີນອາຍຸ 32 ປີອະດີດນັກສຶກສາດ້ານແຟຊັນ ແລະນາງແບບໂດຍເຮັດວຽກໃນແວດວົງນາງແບບເສື້ອຜ້າ ແລະແຟຊັນມາດົນກວ່າ 5 ປີ ກ່ອນໄດ້ຮັບການຕິດຕໍ່ງານຈາກ Feng Win ນັກທຸລະກິດດ້ານອີຄອມເມີຊໃຫ້ຮ່ວມກັນເປີດຮ້ານເສື້ອຜ້າອອນລາຍເທິງເວັບໄຊ ຫຼື ແອັບພະລິເຄຊັນອອນລາຍຊື່ດັງຂອງຈີນຄື Tao bao ຂະນະດຽວກັນໃນໄລຍະນັ້ນເປັນໄລຍະທີ່ສື່ໂຊຊຽວມິເດຍອັນດັບໜຶ່ງຂອງຈີນ Weibo ກຳລັງເຕີບໂຕເຮັດໃຫ້ລາວມີຈຳນວນຜູ້ຕິດຕາມເພີ່ມຂຶ້ນປະຈຸບັນມີຍອດຜູ້ຕິດຕາມ 12 ລ້ານຄົນ.

  ສະຖິຕິຍອດຂາຍເຄື່ອງອອນລາຍຂອງຈາງຕ້າອີ້ໃນປີ 2016 ລາວໄລຂາຍເສື້ອຜ້າພາຍໃນເວລາ 2 ຊົ່ວໂມງມີຄົນເຂົ້າເບິ່ງເຖິງ 9 ແສນຄົນ ເຮັດໃຫ້ຍອດຂາຍສູງເຖິງ 272.000 ໂດລາສະຫະລັດ ແລະໃນປີຕໍ່ມາຫຼັງຈາກລາວປະສົບຄວາມສຳເລັດໃນການໄລຂາຍເສື້ອຜ້າລາວໄດ້ເປີດຊ່ອງທາງຂາຍຜ່ານເວັບໄຊທີ່ສອງພ້ອມທັງອອກແບບເສື້ອຜ້າແຟຊັນ ແລະເຄື່ອງສຳອາງເປັນຍີ່ຫໍ້ຂອງຕົນເອງຊຶ່ງໄດ້ຮັບກະແສຕອບຮັບເປັນຢ່າງດີເພາະຫຼັງຈາກປະກາດຂາຍລິບສະຕິກ 20.000 ອັນກໍຂາຍໝົດພາຍໃນ 2 ຊົ່ວໂມງຕາມມາດ້ວຍຍອດສັ່ງຊື້ເສື້ອຜ້າຢ່າງມະຫາ ສານຈົນຕ້ອງເປີດໂຮງງານຕັດຫຍິບພ້ອມຈ້າງພະນັກງານອີກ 100 ກວ່າຄົນ.

----

ຮຽບຮຽງໂດຍ: ແກ້ວ

แชร์