ເຫັດຫອມ ຊ່ວຍຫຼຸດລະດັບຄໍເລສເຕີຣໍໃນເລືອດ

  ເຫັດຫອມເປັນຊະນິດທີ່ມີການປູກຫຼາຍ, ດອກມີຈອມສີແດງອ່ອນຫາສີແດງຊໍ້າ, ມີຂະໜາດ 15 ຊັງຕີແມັດ, ກວ້າງເຖິງ 100 ມິນລີແມັດ, ມີເກັດສີຂາວຕິດຢູ່, ເປັນຮູບໂນນໂຄ້ງ, ມີຍອຍສີຂາວຕິດຕາມຂອບໝວກ, ກີບມີຫຼາຍ, ສີຂາວ ແລະຕິດກັບກ້ານເລັກນ້ອຍ, ກ້ານຕິດກັບໝວກຢູ່ສວນກາງ, ແຫ້ງມີເກັດຂາວປົກຄຸມ ແລະສີເຂັ້ມກວ່າທາງກ້ານ, ມີກິ່ນຫອມອ່ອນໆ ແລະລົດຊາດນຸ້ມນວນດີ.

  ເຫັດຫອມສ່ວນຫຼາຍຈະບໍ່ຖືກບໍລິໂພກດິບເຫັດຫອມຕ້ອງກອບ ແລະແຫ້ງ, ກ້ານຂອງມັນຫຍາບສະນັ້ນຕ້ອງໄດ້ຕັດກ້ານອອກກ່ອນນໍາໄປປຸງແຕ່ງອາຫານ, ເຫັດຫອມສາມາດນໍາໄປປຸງແຕ່ງອາຫານໄດ້ຫຼາຍປະເພດເຊັ່ນ: ນໍາມາຂົ້ວ, ແກງ, ເອາະຕ່າງໆ, ນອກຈາກນີ້ເຫັດຫອມ ເປັນເຫັດທີ່ມີຄົນນິຍົມກິນຫຼາຍເພາະມີປະໂຫຍດຕໍ່ສຸຂະພາບເຊັ່ນ: ຊ່ວຍກະຕຸ້ນການເຮັດວຽກຂອງລະບົບພູມຄຸ້ມກັນ, ເສີມສ້າງຄວາມແຂງແຮງຂອງກະດູກ, ຫຼຸດລະດັບຄໍເລສເຕີຣໍໃນເລືອດ.

----

ຮຽບຮຽງໂດຍ: ຟ້າ

• 23/10/2020