ອິນເດຍ-ອາກຊັງຕິນ ຈະລົງນາມຂໍ້ຕົກລົງທາງການຄ້າ

ວັນທີ 18 ກຸມພາທີ່ຜ່ານມາ ທ່ານ ເມົາຣິຊິໂອ ມາຄຣີ ປະທານາ ທິບໍດີ ຂອງອາກຊັງຕິນໄດ້ເດີນທາງຢ້ຽມຢາມອິນເດຍຢ່າງເປັນທາງການເປັນເວລາ 3 ວັນເພື່ອລົງນາມຂໍ້ຕົກລົງທາງການຄ້າ.

ຕາມຂ່າວຕ່າງປະເທດລາຍງານວ່າ ການເດີນທາງມາຢ້ຽມຢາມ ອິນເດຍຂອງທ່ານ ມາຄຣີ ມີຂຶ້ນໃນໂອກາດຄົບຮອບ 70 ປີການສະຖາ ປະນາຄວາມສຳພັນທາງການທູດລະຫວ່າງອິນເດຍກັບອາກຊັງຕິນ ແລະມີຂຶ້ນຫຼັງຈາກທ່ານ ນະເຣນທາ ໂມດີ ນາຍົກລັດຖະມົນຕີຂອງອິນ ເດຍເດີນທາງຢ້ຽມຢາມອາກຊັງຕິນລະຫວ່າງກອງປະຊຸມສຸດຍອດຈີ 20 ໃນປີທີ່ຜ່ານມາ, ໂດຍທ່ານ ມາຄຣີ ແລະທ່ານ ໂມດີ ຈະປຶກສາຫາ ລືແບບທະວີພາຄີ ແລະຄາດວ່າຈະໄດ້ລົງນາມໃນຂໍ້ຕົກລົງທາງການຄ້າ ແລະຄວາມຮ່ວມມືຫຼາຍສະບັບ.

ຜູ້ນຳອາກຊັງຕິນກ່າວວ່າ ຍິນດີເປັນຢ່າງຍິ່ງທີ່ໄດ້ມາຢ້ຽມຢາມອິນ ເດຍຊຶ່ງເປັນປະເທດທີ່ດີຫຼາຍ ອາກຊັງຕິນຫວັງວ່າຄວາມສຳພັນທະວີພາຄີຈະດີຍິ່ງຂຶ້ນໃນອະນາຄົດ ແລະຍັງມີອີກຫຼາຍຢ່າງທີ່ຕ້ອງພັດທະນາໄປ ພ້ອມກັນ ເພື່ອປະໂຫຍດຂອງປະຊາຊົນທັງສອງຝ່າຍໃນອະນາຄົດ.

• 20/02/2019