ເມືອງນອງ ຮັບຜົນກະທົບໜັກຈາກພາຍຸຸນັງກາ

  ພາຍຫຼັງທີ່ໄດ້ຮັບຜົນກະທົບຢ່າງໜັກຈາກນ້ຳຖ້ວມມາແລ້ວສອງຮອບໃນເວລາໄລ່ເລ່ຍກັນ ແລະມາໃນລະຫວ່າງວັນທີ 16-17 ຕຸລາ 2020 ເມືອງນອງ ແຂວງສະຫວັນນະເຂດກໍ່ໄດ້ຮັບມືຕໍ່ກັບພາຍຸນັງກາ (nangka ) ທີ່ເປັນພາຍຸລູກໃໝ່ທີ່ມາແຮງ ແລະສ້າງຄວາມເສຍຫາຍໜັກໜ່ວງກວ່າພາຍຸລູກອື່ນໆ.
  ມາໃນວັນທີ 18-19 ຕຸລານີ້, ທາງຄະນະການນຳເມືອງນອງນຳພາໂດຍທ່ານ ລຳແກ້ວ ແສງໜູ ທອງ ເຈົ້າເມືອງໆນອງໄດ້ລົງຕິດຕາມຜົນກະທົບໄພນ້ຳຖ້ວມໃນການລົງຕິດຕາມຄັ້ງນີ້ແມ່ນໄດ້ໃຊ້ເຮືອຂີ່ເລາະເບິ່ງຜົນເສຍຫາຍລຽບຕາມແຄມເຊລະນອງ ແລະ ເຊລູເຂດປູນຍາງ ເພາະທຸກເຂດຂອງເມືອງນອງແມ່ນບໍ່ສາມາດສັນຈອນໄປທາງລົດໄດ້ໂດຍສະພາບນ້ຳຖ້ວມໄດ້ກວາດເອົາເນື້ອທີ່ເຂົ້ານາປີຂອງປະຊາຊົນທີ່ສຸກ ແລະພວມຈະເກັບກ່ຽວດ້ວຍກະແສນ້ຳທີ່ໄຫຼແຮງໄດ້ພັດເອົາຕົ້ນເຂົ້າລົ້ມຮາບພຽງ, ສວນກ້ວຍ, ສວນຫວາຍ, ມັນຕົ້ນຖືກນ້ຳຖ້ວມ ຂັງຈົມຢູ່ພື້ນນ້ຳ, ຂົວເຊລູທາງໄປຈຸດສຸມຕັງອາໄລບໍລິເວນຫົວຂົວຖືກນ້ຳກັດເຊາະ ແລະຍຸບຕົວລົງເລິກກວມເປັນວົງກວ້າງ, ເລິກ 3 ແມັດ, ຍາວ 25 ແມັດ, ກວ້າງ 15 ແມັດ.
   ຍ້ອນຍຄວາມແຮງຂອງນ້ຳໄຫຼຜ່ານເສັ້ນທາງ ເຮັດໃຫ້ພື້ນໜ້້າທາງລອກອອກ, ຂົວຫ້ວຍລະຜຽກ ແຕ່ເທສະບານເມືອງໄປຫາບ້ານອາລ໋ອງ ຖືກຕັດຂາດເປ້ເພຍາວ 15 ແມັດ, ກວ້າງ 3 ແມັດ, ປະຈຸບັນທາງຫ້ອງການ ຍທຂ ເມືອງພ້ອມປະຊາຊົນກຳລັງສ້ອມແປງຄືນເພື່ອນຳໃຊ້ໄດ້ໃນເບື້ອງຕົ້ນຈາກນີ້ກໍ່ມີເສົາໄຟຢູ່ເຂດບ້ານາລົງເກົ່າຖືກນ້ຳເຊາະເຮັດໃຫ້ເສົາໄຟກົ່ນ, ໄຟດັບແຕ່ວັນທີ 17-19 ຕຸລາຜ່ານມາຊຶ່ງປະຈຸບັນນີ້, ແມ່ນກຳລັງຢູ່ໃນໄລຍະການສ້ອມແປງຄືນ.

----

ຂ່າວ: ເມືອງນອງ 

แชร์