ເມືອງສາລະວັນ ສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ

  ກອງປະຊຸມສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ 9 ເດືອນ ແລະວາງທິດທາງແຜນການ 3 ເດືອນທ້າຍປີຂອງເມືອງສາ ລະວັນໄດ້ຈັດຂຶ້ນໃນວັນທີ 16 ຕຸລາ 2020 ທີ່ສະໂມສອນຂອງເມືອງສາລະວັນໃຫ້ກຽດຮ່ວມເປັນປະທານໂດຍທ່ານ ບົວທອງ ຄຸນຍອດປັນຍາຮອງເຈົ້າແຂວງສາລະວັນ, ຮອງປະທານປ້ອງກັນຊາດ-ປ້ອງກັນຄວາມສະຫງົບແຂວງ, ທ່ານ ຈັນສີລອນ ສີສົມບູນ ເຈົ້າເມືອງໆສາລະວັນປະ ທານປ້ອງກັນຊາດ-ປ້ອງກັນຄວາມສະຫງົບເມືອງ, ມີຫົວໜ້າກອງບັນຊາການທະຫານແຂວງ, ຫົວໜ້າກອງບັນຊາການ ປກສ ແຂວງ, ມີບັນດາທ່ານຄະນະປະຈໍາພັກເມືອງ, ສອງກອງກໍາລັງປະກອບອາວຸດ ແລະພະນັກງານວິຊາການເຂົ້າຮ່ວມ.
  ທ່ານ ພັທ ຄໍາເບັນ ແກ້ວສາຍທອງຫົວໜ້າກອງບັນຊາການທະຫານເມືອງສາລະວັນກໍໄດ້ຂຶ້ນຜ່ານບົດສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບໃນໄລຍະ 9 ເດືອນຕົ້ນປີ ແລະທິດທາງແຜນການ 3 ເດືອນທ້າຍປີ 2020 ເປັນຕົ້ນວຽກງານ ປກຊ ໃນໄລຍະຜ່ານ ມາພະນັກງານ-ນັກຮົບເຫັນວ່າມີຄວາມຄິດອຸ່ນອ່ຽງທຸ່ນທ່ຽງດີ, ເຊື່ອໝັ້ນຕໍ່ການນໍາພາຂອງພັກ, ປະຕິບັດ ລະບຽບວິໄນຂອງກົມກອງໄດ້ຢ່າງເຂັ້ມງວດ, ຮັກສາຄວາມສາມັກຄີເປັນເອກະພາບພາຍໃນຢ່າງໜັກແໜ້ນເປັນເຈົ້າປະຕິບັດ 7 ລະບອບ 18 ວຽກກອງທັບຢ່າງເຂັ້ມງວດ ເຮັດສໍາເລັດໜ້າທີ່ ທີ່ການຈັດຕັ້ງຂັ້ນເທິງມອບໝາຍໃຫ້ເປັນເຈົ້າການປົກປັກຮັກສາປະເທດຊາດ ແລະບ້ານເກີດເມືອງນອນຂອງຕົນຢ່າງ ໝັ້ນຄົງ, ການຈັດຕັ້ງປະຕິບັດໄລຍະຜ່ານມາປະຕິບັດຕາມ 4 ໜ້າທີ່ໃຫຍ່ 26 ແຜນງານຂອງກະຊວງວາງອອກ, ປະຕິບັດຕາມມະຕິ VIII ຂອງ ອົງຄະນະພັກແຂວງ ແລະມະຕິ IX ຂອງອົງຄະນະພັກເມືອງສາລະວັນ, ມະຕິ V ຂອງກອງບັນຊາການທະຫານແຂວງໄດ້ເປັນຢ່າງຂະ ບວນຟົດຟື້ນ; ສໍາລັບວຽກງານ ປກສ ໄດ້ສຸມໃສ່ການຈັດຕັ້ງປະຕິບັດຄໍາສັ່ງເລກທີ 27/ນຍ, ຄໍາສັ່ງເລກທີ 22/ຄລສພ ແລະຄໍໍາສັ່ງເລກທີ 1470/ປກສ, ສາມາດແກ້ໄຂເປົ້າໝາຍອາຊະຍາກໍາ, ທີ່ສ້າງຄວາມບໍ່ສະຫງົບຫຼຸດໜ້ອຍຖອຍລົງປະສານສົມທົບກັບບັນດາເມືອງເຂດເຊື່ອມຕໍ່ໃນການແລກປ່ຽນຂໍ້ມູນຂ່າວສານເພື່ອຕ້ານອາຊະຍາກໍາ ແລະປະກົດການຫຍໍ້ທໍ້ຕ່າງໆ, ສາມາດແກ້ໄຂປະກົດການຫຍໍ້ທໍ້ ໃນສັງຄົມໃຫ້ມີຄວາມສະຫງົບໂດຍພື້ນຖານໃນ 9 ເດືອນຜ່ານມາຄະດີອາຍາເກີດຂຶ້ນທັງໝົດ 123 ລາຍ, ກັກຜູ້ຖືກຫາໄດ້ 83 ຄົນ , ຍິງ 1 ຄົນ, ອຸບັດເຫດເກີດຂຶ້ນທັງໝົດ 47 ເລື່ອງ, ໄດ້ຮັບບາດເຈັບທັງໝົດ 78 ຄົນ, ຍິງ 18 ຄົນ, ເສຍຊີວິດ 6 ຄົນ, ອັກຄີໄພເກີດຂື້ນມີ 3 ຄັ້ງ, ໃນຊ້ວງການແຜ່ລະບາດຂອງໂຄວິດ-19 ໄດ້ລົງຕັ້ງຈຸດກວດກາຄົນເຂົ້າ-ອອກເມືອງ, ໄດ້ມ້າງຄະດີຄ້າຂາຍຢາເສບຕິດ ແລະກັກຕົວຜູ້ຄ້າຂາຍຢາເສບຕິດທັງໝົດ 25 ຄົນ, ຍິງ 2 ຄົນ.
  ນອກຈາກນັ້ນຄະນະພັກສອງກອງບັນຊາການຍັງໄດ້ຖືເປັນສໍາຄັນຕໍ່ວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ, ສຸມໃສ່ບ້ານ 3 ສ້າງຂອງເມືອງ ໂດຍຕິດພັນກັບການກໍ່ສ້າງບ້ານປ້ອງກັນຊາດເຂັ້ມແຂງ ແລະປ້ອງກັັນຄວາມສະຫງົບເຊິ່ງສະແດງອອກສ້າງບ້ານປ້ອງກັນຊາດໄດ້ 7 ບ້ານມີ 2.344 ຄອບຄົວ, ສ້າງບ້ານປ້ອງກັນຄວາມສະຫງົບໄດ້ 12 ບ້ານ, ມີຈໍານວນຫຼັງຄາ 1.379 ຫຼັງຄາ, ມີ 1.010 ຄອບຄົວ, ມີຈໍານວນພົນ 9.065 ຄົນ, ຍິງ 4.431 ຄົນອາຍຸ 15 ປີຂຶ້ນ ໄປມີ 6.134 ຄົນ, ຍິງ 3.108 ຄົນ, ເພື່ອສ້າງທ່າສະໜາມສົງຄາມປະຊາຊົນ ໃຫ້ກາຍເປັນກຸ່ມບ້ານສູ້ລົບຕິດລຽນຫັນພະນັກງານລົງ ຊີ້ນໍາລົງກອງຮ້ອຍ, ກອງຫຼອນໃນ 13 ກອງຮ້ອຍທົ່ວເມືອງ, ປັບປຸງກໍາລັງ ປກສ ບໍລິການປະຊາຊົນ ແລະກໍາລັງ ປກສ ບ້ານໃຫ້ໜັກ ແໜ້ນເຂັ້ມແຂງເພື່ອຮັບປະກັນ ກວດກາພົນລະເມືອງຄົນເຂົ້າ-ຄົນອອກໃນຄວາມຮັບຜິດຊອບພ້ອມທັງຕິດຕາາມສະພາບຮອບດ້ານໃນຂອບເຂດຄວາມຮັບຜິດຊອບຂອງຕົນ, ຄະນະພັກໄດ້ຖືວຽກງານການເມືອງແນວຄິດເປັນກົກສອດເຂົ້າໃນທຸກຂົງເຂດວຽກງານບັນດາຂະແໜງການນໍາເອົານິຕິກໍາຕ່າງໆຂອງພັກມາເຜີຍແຜ່ເຊື່ອມຊຶມໃຫ້ພະນັກງານ-ນັກລົບສອງກໍາລັງ ປກຊ-ປກສ ໄດ້ 17 ຄັ້ງ, ມີຜູ້ເຂົ້າຮ່ວມ 753/80 ເທື່ອຄົນ, ຄະນະພັກຮາກ ຖານສອງກໍາລັງ ປກຊ- ປກສ ຖືເອົາການດໍາເນີນຊີວິດການເມືອງເປັນບັນຫາສໍາຄັນເຮັດຢ່າງເປັນປົກກະຕິ ແລະຕໍ່ເນື່ອງເຊິ່ງມັນ ສະແດງອອກໜ່ວຍພັກ ປກຊ ທັງ 4 ໜ່ວຍພັກຮັບນາມມະຍົດປອດໃສເຂັ້ມແຂງ ແລະໜັກແໜ້ນໄດ້ 5 ປີລຽນຕິດໃນແຕ່ລະປີໄດ້ຂະຫຍາຍມະ ຫາຊົນເຂົ້າຮຽນພັກ, ຮຽນສະໜັບສະໜູນໄດ້ 18/3 ສະຫາຍ, ໄດ້ເອົາໃນໃສ່ຈັດຕັ້ງກໍາລັງປະຈໍາການ 3 ຂັ້ນ, ຕະຫຼອດ 24 ຊົ່ວໂມງເພື່ອກຽມ ພ້ອມສູ້ຮົບ ແລະກອບກູ້ໄພພິບັດ, ຊ່ວຍເຫຼືອປະຊາຊົນ (ຍາມມີຜົນກະທົບ) ຈັດຕັ້ງກໍາລັງເຄື່ອນໄຫວປ້ອງກັນເວນຍາມຈຸດສໍາຄັນຕ່າງໆ ແລະເຂົ້າຊ່ວຍເຫຼືອປະຊາຊົນທີ່ຖືກໄພນໍ້າຖ້ວມມີ 700 ເທື່ອຄົນ.

----

ຂ່າວ: ກິນດາວັນ ອ້ວນນາຄູ 

แชร์