ປກສ ແຂວງບໍ່ແກ້ວ ຖອດຖອນບົດຮຽນວຽກງານປ້ອງກັນກອງປະຊຸມໃຫຍ່

   ກອງບັນຊາການ ປກສ ແຂວງບໍ່ແກ້ວ ໄດ້ເປີດກອງປະຊຸມຖອດຖອນບົດຮຽນປ້ອງກັນກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງບໍ່ແກ້ວໃນວັນທີ 16 ຕຸລາ 2020 ໂດຍການເປັນປະທານຂອງສະຫາຍ ພັອ ປທ ອິນສົມ ທໍາລະສິນ ຫົວໜ້າກອງບັນຊາການປກສແຂວງບໍ່ແກ້ວ,ມີບັນດາຄະນະພັກ-ຄະນະບັນຊາແຕ່ລະຂັ້ນຕະ ຫຼອດຮອດສະມາຊິກພັກ-ພະນັກງານນັກຮົບກອງບັນຊາ ການ ປກສ ແຂວງເຂົ້າຮ່ວມ.


   ສະຫາຍ ພັທ ສົມພອນ ອິນທະສັກ ຮອງຫົວໜ້າຫ້ອງການກອງບັນຊາການ ປກສ ແຂວງ ໄດ້ຂຶ້ນຜ່ານບົດສະຫຼຸບຖອດຖອນບົດຮຽນປ້ອງກັນກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງບໍ່ແກ້ວຜ່ານການຈັດຕັ້ງປະຕິບັດເຮັດໜ້າທີ່ປ້ອງກັນຄວາມສະຫງົບຕະຫຼອດໄລຍະຕັ້ງແຕ່ການກະກຽມຈົນເຖິງສຳເລັດກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງ, ຄະນະພັກ-ຄະນະບັນຊາແຕ່ລະຂັ້ນຕະຫຼອດເຖິງພະນັກງານເລົ່າລົບວິຊາສະເພາະທີ່ຖືກມອບໝາຍເຮັດໜ້າທີ່ດັ່ງກ່າວ, ຫຼາຍສະ ຫາຍແມ່ນໄດ້ເອົາໃຈໃສ່ເຮັດໜ້າທີ່ຂອງຕົນຕາມການມອບໝາຍດ້ວຍຄວາມຮັບຜິດຊອບສູງຊຶ່ງສະແດງອອກແມ່ນເຮັດໃຫ້ມີສະຖຽນລະພາບທາງດ້ານການເມືອງ, ສັງ ຄົມມີຄວາມສະຫງົບປອດໄພບໍ່ມີບັນດາເຫດການຫຍັງທີ່ຮ້າຍແຮງເກີດຂຶ້ນໃນສັງຄົມເຮັດໃຫ້ກອງປະຊຸມສາມາດດໍາເນີນລຸລ່ວງໄປດ້ວຍດີ ແລະມີຜົນສຳເລັດຈົບງາມໄດ້ຈັດຕັ້ງເປັນຈຸປ້ອງກັນເວນຍາມປະຈຳການຕະຫຼອດ 24 ຊົ່ວໂມງ.


   ໃນກອງປະຊຸມກໍ່ໄດ້ມີການມອບໃບກຽດຕິຄຸນ, ໃບຍ້ອງຍໍ-ໃບຊົມເຊີຍໃຫ້ບັນດາບໍລິສັດ ແລະບຸກຄົນທີ່ປະກອບສ່ວນຊ່ວຍເຫຼືອກອງບັນຊາການ ປກສ ແຂວງບໍ່ແກ້ວ ໃນຊ່ວງສະກັດກັ້ນ ແລະ ຕ້ານການແຜ່ລະບາດຂອງເຊື້ອໄວຣັດສາຍພັນໃໝ່ໂຄວິດ-19 ລວມທັງໝົດ 10 ພາກສ່ວນຄື: ຮັບໃບກຽດຕິຄຸນມີບໍລິສັດຊ່ຽວຫຼົງຂົນສົ່ງ, ໂຮງ ແຮມວິນລາຫົວລຸຍ, ທ່ານ ຈ່າງ ຮວຍຍິນ, ຄອບຄົວທ່ານ ອາຕົງ, ຄອບຄົວທ່ານ ສີວັນ, ທ່ານ ອາຊຸຍ; ໃບຍ້ອງຍໍມີ: ທະນາຄານການຄ້າຕ່າງປະເທດລາວສາຂາແຂວງບໍ່ແກ້ວ, ຄອບຄົວທ່ານ ວົງປະດິດ ແກ້ວໂພໄຊ, ທ່ານ ໄມ່ທໍາ ແລະໃບຊົມເຊີຍມີບໍລິສັດກຽງໄຂ.

แชร์