ຫວຽດນາມຄາດວ່າຈະສົ່ງອອກ ສີນໃນນາໍ້ 10 ຕື້ໂດດາ

ຂະແໜງສິນໃນນ້ຳ ສສ ຫວຽດນາມ ວາງຄາດໝາຍນຳວົງ ເງິນສົ່ງອອກໃຫ້ເພີ່ມຂຶ້ນເຖິງ 10 ຕື້ໂດລາສະຫະລັດ ໃນປີ 2019 ນີ້ ປະຕິບັດສຳເລັດຄາດໝາຍທີ່ໄດ້ ວາງອອກຮອດປີ 2020 ກ່ອນກຳ ນົດເວລາ.

ຕາມຂ່າວສານຫວຽດນາມ ລາຍງານວ່າ ກ່າວຄຳເຫັນທີ່ກອງ ປະຊຸມຜັນຂະຫຍາຍແຜນການສົ່ງ ອອກສິນໃນນ້ຳປີ 2019 ໂດຍສະ ຫະສະມາຄົມປຸງແຕ່ງ ແລະສົ່ງ ອອກສິນໃນນ້ຳຫວຽດນາມ (Vasep) ຊຶ່ງດຳເນີນຢູ່ນະຄອນ ໂຮ່ຈິມິນໃນທ້າຍອາທິດທີ່ຜ່ານມາ ທ່ານ ໂງວັນອິ໊ກ, ປະທານ Vasep ໃຫ້ຮູ້ວ່າ: ປີ 2019, ຂະແໜງສິນ ໃນນ້ຳຫວຽດນາມຕັ້ງຄວາມຫວັງ ຈະມີກາລະໂອກາດຫຼາຍຢ່າງເພື່ອ ຍາດຄືນທ່າເຕີບໂຕ. ນອກຈາກ ນັ້ນ, ນັບແຕ່ຕົ້ນປີ 2019, ສັນຍາ ຄູ່ຮ່ວມມືຮອບດ້ານ ແລະກ້າວໜ້າ ຂ້າມປາຊີຟິກ (CPTPP) ມີຜົນສັກສິດຢ່າງເປັນທາງການສຳລັບຫວຽດນາມ ແລະສິນຄ້າສົ່ງອອກຂອງຫວຽດນາມເກືອບທັງໝົດ, ໃນນັ້ນມີສິນໃນນ້ຳທີ່ສົ່ງໄປຍັງບັນ ດາປະເທດສະມາຊິກ CPTPP ຈະໄດ້ຍົກເວັ້ນພາສີທັງໝົດ.

ຢ່າງໃດກໍຕາມ ທ່ານ ເຈືອງ ດິ່ງ ແຮ່, ເລຂາທິການໃຫຍ່ Vasep  ລະບຸວ່າ ເພື່ອບັນລຸໄດ້ຄາດໝາຍ ສົ່ງອອກ 10 ຕື້ໂດລາ ຂະແໜງສິນ ໃນນ້ຳຫວຽດນາມ ຕ້ອງສ້າງຍຸດ ທະສາດພັດທະນາໃນການລ້ຽງສິນ ໃນນ້ຳໃຫ້ເໝາະສົມ, ຍົກສູງເຕັກ ນິກການປຸງແຕ່ງ ແລະຊຸກຍູ້ການ ສົ່ງອອກ, ເພີ່ມທະວີການສົ່ງອອກກຸ້ງໄປຍັງບັນດາຕະຫຼາດຕ້ອງການ ສິນຄ້າມີຄຸນນະພາບສູງຄື: ຍີ່ປຸ່ນ, ອີຢູ, ອົດສະຕາລີ.

แชร์