ລັດ ປະຊຸມສຸກເສີນເພື່ອຕອບໂຕ້ໄພນໍ້າຖ້ວມ

ກອງປະຊຸມສຸກເສີນຂອງຄະນະກຳມະການຄຸ້ມຄອງໄພພິບັດຂັ້ນສູນກາງເພື່ອຕອບໂຕ້ໄພພິບັດນໍ້າຖ້ວມທີ່ກຳລັງເກີດຂຶ້ນຢູ່ບັນດາແຂວງພາກກາງ ແລະພາກໃຕ້ຂອງ ສປປ ລາວ ຈັດຂຶ້ນວັນທີ 20 ຕຸລາ 2020 ຢູ່ກະຊວງແຜນການ ແລະການລົງທຶນ ໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກ, ລັດຖະມົນຕີກະຊວງແຜນການ ແລະ ການລົງທຶນທັງເປັນປະທານຄະນະກຳມະການຄຸ້ມຄອງໄພພິບັດຂັ້ນສູນກາງມີບັນດາທ່ານຮອງລັດຖະມົນຕີຮອງປະທານ ແລະ ຄະນະກຳມະການຄຸ້ມຄອງໄພພິບັດຂັ້ນສູນກາງບັນດາທ່ານຜູ້ປະສານງານຈາກບັນດາກະຊວງ ແຂວງສະຫວັນນະເຂດ ແລະແຂວງອັດຕະປືເຂົ້າຮ່ວມ.

  ທ່ານ ສອນໄຊ ສີພັນດອນ ກ່າວວ່າ: ປະຈຸບັນບັນຫາໄພພິບັດທີ່ສາເຫດເກີດມາຈາກການປ່ຽນແປງຂອງດິນຟ້າອາກາດເປັນຕົ້ນໄພນໍ້າຖ້ວມ, ແຜ່ນດິນໄຫວ, ຄື້ນສຶນາມິ, ລົມພາຍຸພັດ, ພະຍາດລະບາດ ແລະອື່ນໆ ໄດ້ກາຍເປັນສິ່ງທ້າທາຍຢ່າງໃຫຍ່ຫຼວງຕໍ່ພາກພື້ນ ແລະສາກົນເພາະບັນຫາໄພພິບັດດັ່ງກ່າວໄດ້ເກີດຂຶ້ນເປັນປະຈຳ ແລະເພີ່ມຄວາມຮຸນແຮງຂຶ້ນເລື້ອຍໆ ຊຶ່ງສ້າງຜົນກະທົບ ແລະຄວາມເສຍຫາຍຢ່າງຫຼວງຫຼາຍຕໍ່ສຸຂະພາບຊີວິດຊັບສິນຂອງລັດລວມໝູ່ປະຊາຊົນເສດຖະກິດ ແລະການດຳລົງຊີວິດຂອງຄົນໃນສັງຄົມທັງໃນໄລຍະສັ້ນ ແລະໄລຍະຍາວເຊັ່ນ: ເຫດການໄພພິບັດນໍ້າຖ້ວມ ໃນປີ 2018 ແລະ 2019 ຜ່ານມາປະຈຸບັນລັດຖະບານ ສປປ ລາວ ຍັງສືບຕໍ່ສຸມໃສ່ການຊ່ວຍເຫຼືອຟື້ນຟູຄືນຫຼັງໄພພິບັດໂດຍສະເພາະແມ່ນສະພາບການແກ້ໄຂຟື້ນຟູຢູ່ເມືອງສະໜາມໄຊແຂວງອັດຕະປື.

  ແນວໃດກໍຕາມໄລຍະທ້າຍປີ 2019 ຫາ ຕົ້ນປີ 2020 ກໍຄືເມືອງສະໜາມໄຊ ແຂວງອັດຕະປື.

  ແນວໃດກໍຕາມໄລຍະທ້າຍປີ 2019 ຫາ ຕົ້ນປີ 2020 ກໍຄືປະຈຸບັນ ສປປ ລາວ ຂອງພວກເຮົານອກຈາກໄດ້ຮັບຜົນກະທົບຢ່າງໜັກໜ່ວງຈາກບັນຫາການລະບາດຂອງພະຍາດໂຄວິດ-19 ແລ້ວຍັງໄດ້ຮັບຜົນກະທົບຈາກໄພພິບັດທາງທຳມະຊາດເປັນຕົ້ນໄພນໍ້າຖ້ວມແຫ້ງແລ້ງດິນເຈື່ອນລົມພາຍຸແຜ່ນດິນໄຫວການລະບາດຂອງພະ ຍາດອະຫິວາໝູອາຟຣິກາບັນຫາສັດຕູພືດທຳລາຍພື້ນທີ່ການຜະລິດຂອງປະຊາຊົນການລະບາດຂອງໄຂ້ຍຸງລາຍ ແລະອື່ນໆ ຊຶ່ງທັງໝົດເຫຼົ່ານີ້ໄດ້ສົ່ງຜົນກະທົບໂດຍກົງຕໍ່ສຸຂະພາບຊີວິດ ແລະຊັບສິນຂອງປະຊາຊົນສ້າງຄວາມເສຍຫາຍຕໍ່ພື້ນຖານໂຄງລ່າງເສດຖະກິດຂອງປະເທດເປັນຕົ້ນເຫດການໄພນໍ້າຖ້ວມທີ່ກຳລັງເກີດຂຶ້ນຢູ່ 8 ເມືອງ

ຂອງແຂວງສະຫວັນນະເຂດຄື: ເມືອງພີນ,ນອງ, ເຊໂປນ, ທ່າປາງທອງ, ສອງຄອນ, ຈຳພອນ, ຊົນບູລີ ແລະເມືອງວິລະບູລີສົ່ງຜົນກະທົບໂດຍກົງຕໍ່ປະຊາຊົນຢູ່ 125 ບ້ານ, 5.130 ກວ່າຄອບຄົວ 29.000 ກວ່າຄົນ ມີການຍົກຍ້າຍປະຊາຊົນຈຳນວນ 41 ບ້ານ, ສ້າງຄວາມເສຍຫາຍຕໍ່ເນື້ອທີ່ການຜະລິດຂອງປະຊາຊົນສັດລ້ຽງ, ຊົນ ລະປະທານ,ເສັ້ນທາງ,ຂົວໂຮງຮຽນ,ສຸກສາລາ,ແຫຼ່ງນໍ້າກິນ-ນໍ້າໃຊ້ ແລະອື່ນໆ ແມ່ນໄດ້ຮັບຄວາມເສຍຫາຍຢ່າງໜັກມາຮອດປະຈຸບັນລະດັບນໍ້າຍັງໄດ້ມີການເພີ່ມລະດັບ ແລະອາດເຮັດໃຫ້ເກີດມີນໍ້າຖ້ວມອີກຄັ້ງເຊັ່ນ: ເມືອງເຊໂປນ, ເມືອງນອງ ແລະເມືອງວິລະບູລີ.

-------------
ຂ່າວ: ວຽງຈັນໃໝ່

ຮູບພາບ: #ຫນັງສືພິມເສດຖະກິດສັງຄົມ

แชร์