ກັລ ກາດອດກຽມຮັບສະແດງບົດຄະລີໂອພັດຕາ

  ກັລ ກາດອດນາງເອກຄົນງາມຄົນອິດສະຣາ ແອນທີ່ໂດ່ງດັງຈາກບົດຮູບເງົາເລື່ອງວັນເດີວູແມນຢືນຢັນວ່າຈະຮ່ວມສ້າງ ແລະຮັບບົດເປັນພະນາງຄະລີໂອພັດຕາໃນຮູບເງົາເລື່ອງໃໝ່ຂອງຄ່າຍພາຣາເມົາພິກເຈີບົດບາດນໍາທີ່ເຄີຍສ້າງຊື່ສຽງມາໃຫ້ອະລິຊາເບ ເທເລີໂດ່ງດັງເປັນທີ່ຮູ້ຈັກຈາກຮູບເງົາຄລາສສິກເລື່ອງຄະລີໂອພັັດຕາໃນປີ 1963.

  ນາງເອກແມ່ລູກສອງອາຍຸ 25 ປີລະບຸວ່າເປັນເທື່ອທຳອິດທີ່ເລື່ອງລາວນີ້ຈະຖືກຖ່າຍທອດຜ່ານສາຍຕາຂອງຜູ້ຍິງທັງເບື້ອງໜ້າ ແລະ ເບື້ອງຫຼັງ, ໂດຍແພດຕີ ເຈນຄິນຜູ້ກຳກັບວັນເດີວູແມນຈະຮັບໜ້າທີ່ກຳກັບໃນຮູບເງົາເລື່ອງນີ້ໂດຍມີລາເອຕ້າຄາໂລກຣິດິສ ນັກຂຽນຈາກບົດ Shutter Island ຮັບໜ້າທີ່ຂຽນບົດຮູບເງົາ, ທັນທີທີ່ມີການປະກາດໃນໂລກໂຊຊຽວກໍເກີດສຽງວິພາກວິຈານການທີ່ເອົານັກສະແດງຜີວຂາວມາຮັບບົດທີ່ບໍ່ແມ່ນຄົນຜີວຂາວພ້ອມທັງຍັງເຮັດໃຫ້ມີການຖົກຖຽງເຖິງປະຫວັດຄວາມເປັນມາຂອງຄລີໂອພັດຕາ ຣາຊີນີແຫ່ງ ເອຢິບໃນຍຸກບູຮານ ຫຼື ຣາຊີນີແຫ່ງລຸ່ມແມ່ນໍ້າໄນ.

----

ຮຽບຮຽງໂດຍ: ແກ້ວ

แชร์