ເປີດພັດຕະຄານເຊນພິລາ

ວັນທີ 15ຕຸລາ 2020ໄດ້ເປີດພັດຕະຄານເຊນພິລາເປັນກຽດເຂົ້າຮ່ວມພິທີໂດຍທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ,ທ່ານ ສີສົມບັດ ພິລາວົງ ປະທານພັດຕະຄານເຊນພິລາພ້ອມນັ້ນຍັງມີທ່ານຮອງລັດຖະມົນຕີກະຊວງແຜນການແລະການລົງທຶນບັນດາແຂກພາກສ່ວນກ່ຽວຂ້ອງ ແລະນັກທຸລະກິດເຂົ້າຮ່ວມ.

   ທ່ານ ສີສົມບັດ ພິລາວົງ ໄດ້ກ່າວວ່າ: ພັດຕະຄານເຊນພິລາຕັ້ງຢູ່ບ້ານດົງປາແຫຼບ ເມືອງຈັນທະບູລີ ນະຄອນຫຼວງວຽງຈັນ ຊຶ່ງໄດ້ສ້າງຂຶ້ນປີ 2018 ຈົນມາຮອດປີ 2020 ໄດ້ສໍາເລັດ 100% ພັດຕະຄານເຊນພິລາເປັນອາຄານທີ່ໃຫຍ່ດ້ວຍອອກແບບຕົບແຕ່ງຫຼູຫຼາທັນສະໄໝສວຍງາມ ແລະ ໄດ້ສ້າງຂຶ້ນເພື່ອຮັບຮອງແຂກຈັດງານຕ່າງໆທີ່ສັງຄົມຕ້ອງການປະຈຸບັນເຊັ່ນ: ງານດອງ,ງານລ້ຽງສ້າງສັນລວມໄປເຖິງງານຄອນເສີດທີ່ສາມາດຮອງຮັບແຂກໄດ້ 8 ພັນຄົນ,ມີສະຖານທີ່ຈອດລົດກວ້າງຂວາງ ແລະມີການບໍລິການອື່ນໆ ເພື່ອອຳນວຍຄວາມສະດວກສະບາຍແບບຄົບວົງຈອນເຊນພິລາຖືວ່າເປັນພັດຕະຄານນ້ອງໃໝ່ທີ່ເປີດບໍລິການສັງຄົມທັງພາຍໃນ ແລະ ຕ່າງປະ ເທດພ້ອມທັງເປັນການເປີດຮັບສົ່ງເສີມການທ່ອງທ່ຽວໃນຮູບແບບລາວທ່ຽວລາວນຳອີກດ້ວຍ.

 ປະຈຸບັນມີລູກຄ້າມາຈັບຈອງແລ້ວ 50 ກວ່າງານໃນໄລຍະເປີດພັດຕະຄານໃໝ່ນີ້ຍັງໄດ້ມີໂປຣໂມຊັນສ່ວນຫຼຸດຫຼາຍຢ່າງເພື່ອສ້າງຄວາມອຳນວຍຄວາມສະດວກໃຫ້ລູກຄ້າໃນນີ້ລາຄາບັດໜຶ່ງຕໍ່າສຸດແມ່ນ 1,8 ແສນກີບ ສໍາລັບທ່ານໃດທີ່ກໍາລັງຊອກຫາສະຖານທີ່ຈັດງານລ້ຽງ, ງານດອງແມ່ນສາມາດເຂົ້າໄປຫາທີ່ສຳນັກງານພັດຕະຄານເຊນພິລາໄດ້. 

แชร์