ຊາວໜຸ່ມເມືອງບໍລິຄັນ ຮັບນາມມະຍົດທຸງໄຊນຳໜ້າ 4 ບຸກ

  ຄະນະບໍລິຫານງານຊາວໜຸ່ມເມືອງບໍລິຄັນແຂວງບໍລິຄຳໄຊໄດ້ຮັບໃບຢັ້ງຢຶນ ແລະທຸງໄຊນຳໜ້າຊາວໜຸ່ມ 4 ບຸກ.

 ພິທີມອບ-ຮັບໄດ້ຈັດຂຶ້ນໃນວັນທີ 15 ຕຸລາ 2020 ຢູ່ສະໂມສອນໃຫຍ່ຫ້ອງວ່າການເມືອງບໍລິຄັນໂດຍເປັນກຽດເຂົ້າຮ່ວມຂອງສະຫາຍ ວັນນະສິນ ສອນວິໄລຮອງເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ສະຫາຍ ບຸນມີ ວໍລະຈັກ ປະທານແນວລາວສ້າງຊາດເມືອງ, ສະຫາຍນາງ ນຸດສະກອນ ສຸກຈະເລີນ ຮອງເລຂາຄະນະບໍ ລິຫານງານຊາວໜຸ່ມເມືອງບໍລິຄັນ, ມີບັນດາສະຫາຍຄະນະບໍລິຫານງານຊາວໜຸ່ມເມືອງ, ຫົວໜ້າຫ້ອງການຕະຫຼອດຮອດເລຂາຊາວໜຸ່ມຮາກຖານ, ໜ່ວຍຮາກຖານ ອອ້ມຂ້າງເມືອງເຂົ້າຮ່ວມ.

  ໃນພິທີໄດ້ຂຶ້ນຜ່ານຂໍ້ຕົກລົງຂອງເລຂາຄະນະບໍລິຫານງານຊາວໜຸ່ມແຂວງວ່າດ້ວຍການມອບໃບຢັ້ງຢືນ 4 ບຸກ ແລະທຸງໄຊນຳໜ້າ 4 ບຸກ ໃຫ້ແກ່ຄະນະບໍລິຫານງານຊາວໜຸ່ມເມືອງບໍລິຄັນ, ເປັນກຽດມອບໃບຢັ້ງຢືນໃນຄັ້ງນີ້ໂດຍສະຫາຍ ບຸນມີ ວໍລະຈັກ ຄະນະປະຈຳພັກເມືອງປະທານແນວລາວສ້າງຊາດເມືອງ ແລະທຸງໄຊນຳໜ້າຂະ ບວນການແຂ່ງຂັນ 4 ບຸກເປັນກຽດມອບໂດຍສະຫາຍ ວັນນະສິນ ສອນວິໄລ ຮອງເລຂາຄະນະບໍລິຫານງານຊາວໜຸ່ມແຂວງເພື່ອເປັນການຢັ້ງຢືນຜົນງານ ແລະການເຄື່ອນໄຫວຂອງຄະນະບໍລິຫານງານຊາວໜຸ່ມບໍລິຄັນທີ່ຍາດມາໄດ້ໃນໄລຍະຜ່ານມາ. 

• 20/10/2020