ພຊສ ແຂວງວຽງຈັນເຜີຍແຜ່ເອກະສານສຳຄັນຂອງພັກຂອງຊາດ

  ພະແນກຊັບພະຍາກອນທຳມະຊາດ ແລະສິ່ງແວດລ້ອມ (ພຊສ) ແຂວງວຽງຈັນເຜີຍແຜ່ເອກະສານສຳຄັນຂອງພັກຂອງຊາດໃນວັນທີ 16 ຕຸລາ 2020 ທີ່ພະແນກດັ່ງກ່າວໂດຍການເປັນປະທານຂອງ ທ່ານ ສຸກັນ ວິໄຣຣັດຫົວໜ້າພະແນກ ພຊສ, ເຂົ້າຮ່ວມມີບັນດາຫົວໜ້າ, ຮອງຫົວໜ້າພະແນກ, ຂະແໜງ, ບັນດາພະນັກງານພາຍໃນພະແນກ ພຊສ ແຂວງວຽງຈັນເຂົ້າຮ່ວມ.

  ທ່ານ ສຸກັນ ວິໄຣຣັດໄດ້ກ່າວວ່າ: ການຈັດກອງປະຊຸມໃນຄັ້ງນີ້ກໍ່ເພື່ອເປັນການປຸກລະດົມໂຄສະນາຂະບວນການຮອບດ້ານໃຫ້ມີບັນຍາກາດ ແລະເປັນຂະບວນການເພື່ອຂ່ຳນັບ-ຮັບຕ້ອນ, ກະກຽມໃຫ້ແກ່ການດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງຄັ້ງທີ VI ແລະ ທັງເປັນການເລົ່າມູນເຊື້ອວັນສຳຄັນຕ່າງໆຂອງພັກຂອງຊາດ ແລະທັງເປັນການເປັນການເຜີຍແຜ່ຜົນສຳເລັດຂອງກອງປະຊຸມໃຫຍ່ສະມາຊິກພັກຮາກຖານ ພຊສ ແລະຜັນຂະຫຍາຍບັນດາທິດທາງໜ້າທີ່ວຽກງານຈຸດສຸມໃນໄລຍະປີ 2020-2024 ທີ່ໄດລະບຸໄວ້ໃນບົດລາຍງານການເມືອງ ແລະທິດທາງແຜນການ 5 ປີ 2021-2025 ທີ່ໄດ້ລະບຸໄວ້ໃນແຜນພັດທະນາເສດຖະກິດ-ສັງຄົມຂອງພະແນກ ພຊສ ແຂວງວຽງຈັນ ໃຫ້ລົງເລີກ ແລະເຂົ້າສູ່ວຽກງານວິຊາສະເພາະໃນການຈັດຕັ້ງປະຕິບັດວຽກງານແຕ່ລະຂົງເຂດພາຍໃນພະແນກໃຫ້ໄດ້ຮັບປະສິດທິຜົນ,ໃນກອງປະຊຸມຍັງໄດ້ເຜີຍແຜ່ບັນດາເອກະສານກ່ຽວກັບການສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນເພື່ອເປັນຂໍ້ແຂ່ງຂັນໃຫ້ແຕ່ລະໜ່ວຍພັກນຳໄປຈັດ ຕັ້ງຜັນຂະຫຍາຍໃຫ້ປາກົດຜົນເປັນຈິງ,

  ໂອກາດດຽວກັນຍັງໄດ້ມີການປະກາດແຕ່ງຕັ້ງຮັກສາການຫົວໜ້າບາງຂະແໜງການທີ່ມີຄວາມຈຳເປັນພາຍໃນພະແນກ ພຊສ ເພື່ອແນໃສ່ເຮັດໃຫ້ການຈັດຕັ້ງປະຕິບັດວຽກງານໄດ້ມີການຂະຫຍາຍຕົວຢ່າງຕໍ່ເນື່ອງ ແລະໄດ້ຮັບປະສິດຕິຜົນສູງ.

----------

ຂ່າວ: ວໍລະສິດ

ຮູບພາບ: #ຫນັງສືພິມເສດຖະກິດສັງຄົມ

แชร์