ໂຮງຮຽນການທະຫານທ້ອງຖິ່ນ ອັດຕະປື ເຊື່ອມຊຶມເອກະສານສໍາຄັນ

  ໃນວັນທີ 14 ຕຸລາ 2020 ນາຍ ແລະພົນທະຫານໂຮງຮຽນການທະຫານທ້ອງຖິ່ນແຂວງອັດຕະປືໄດ້ຮັບຟັງການເຜີຍແຜ່ເຊື່ອມຊຶມບັນດາເອກະສານທີ່ສໍາຄັນຂອງພັກ, ຂອງຊາດ ແລະຂອງກອງທັບ, ໂດຍໃຫ້ກຽດເຂົ້າຮວ່ມເປັນປະທານຂອງທ່ານ ພັນໂທ ຄໍາເພົ້າ ເທດສານະວົງ ຄະນະພັກຮາກຖານຫ້ອງການເມືອງ, ຜູ້ຊີ້ນຳວຽກ ງານອົງການຈັດຕັ້ງມະຫາຊົນຊາວໜຸ່ມ, ແມ່ຍິງ, ຮອງຫ້ອງການເມືອງກອງບັນຊາການທະຫານແຂວງອັດຕະປື, ມີຄະນະພັກຄະນະອຳນວຍການໂຮງຮຽນ, ພະນັກ ງານສະມາຊິກຊາວໜຸ່ມ, ແມ່ຍິງ ແລະພະແນກການທີ່ກ່ຽວຂ້ອງເຂົ້າຮວ່ມ.

  ເນື້ອໃນເອກະສານທີ່ໄດ້ນຳມາຈັດຕັ້ງເຜີຍແຜ່ເຊື່ອມຊຶມໃນຄັ້ງນີ້ປະກອບມີ: ເອກະສານແຜນການປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມຢູ່ກົມກອງຮາກຖານ, ເອກະ ສານຂໍ້ກຳນົດຂອງກົມໃຫຍ່ການເມືອງກອງທັບວ່າດ້ວຍທີ່ຕັ້ງ, ພາລະບົດບາດ, ໂຄງກະກອບ ແລະໜ້າທີ່ຂອງພະແນກ, ຂະແໜງ,ຄະນະບໍລິຫານງານແລະໜວ່ຍຊາວ ໜຸ່ມຮາກຖານໃນກອງທັບປະຊາຊົນລາວ, ເອກະສານສ້າງຂະບວນການຂອງຊາວໜຸ່ມຢູ່ບັນດາກົມກອງຮາກຖານໃນຖັນແຖວກອງທັບປະຊາຊົນລາວ, ເອກະສານມະຕິຕົກລົງວ່າດ້ວຍການຮັບຮອງຜົນການເລຶອກຕັ້ງຄະນະບໍລິຫານງານສະຫະພັນແມ່ຍິງແຂວງຄັ້ງທີ Vlll, ເອກະສານເນື້ອໃນຂໍ້ແຂ່ງຂັນ 3 ດີ ແລະ ເອກະສານແຜນພັດ ທະນາຂອງສະຫະພັນແມ່ຍິງກະຊວງປ້ອງກັນປະເທດໄລຍະ 5 ປີ, ຊຶ່ງບັນດາເອກະສານທີ່ໄດ້ນຳມາຈັດຕັ້ງເຜິຍແຜ່ເຊື່ອມຊຶມໃນຄັ້ງນີ້ລ້ວນແລ້ວແຕ່ມີຄວາມໝາຍສຳຄັນໃຫ້ແກ່ອົງການຈັດຕັ້ງຊາວໜຸ່ມ, ແມ່ຍິງໃນກົມກອງເພື່ອເປັນການປັບປຸງກໍ່ສ້າງການຈັດຕັ້ງໃຫ້ເຕີບໃຫຍ່ເຂັ້ມແຂງ,ເຕົ້າໂຮມຄວາມສາມັກຄີ,ສ້າງຊາວໜຸ່ມໃຫ້ມີຄຸນທາດການເມືອງໜັກແໜ້ນ.

  ໂອກາດນີ້, ທ່ານ ພັນໂທ ຄຳເພົ້າ ເທດສານະວົງ ກໍ່ໄດ້ຮຽກຮ້ອງໃຫ້ພະນັກງານສະມາຊິກຊາວໜຸ່ມ,ແມ່ຍິງພາຍໃນໂຮງຮຽນການທະຫານທ້ອງຖິ່ນແຂວງອັດຕະປືຈົ່ງບຸກບືນຫ້າວຫັນໃນການປະຕິບັດໜ້າທີ່ວິຊາສະເພາະຂອງຕົນ, ເພີ່ມທະວີຄວາມຮັບຜິດຊອບສູງ, ຝຶກຜົນຫຼໍ່ຫຼອມຕົນເອງດວ້ຍການສຶກສາຄົ້ນຄວ້າຮໍ່າຮຽນ,ມີແບບແຜນວິທີເຮັດວຽກທີ່ທັນສະໄໝ,ສ້າງຕົນເອງມີແນວຄິດຫຼັກໝັ້ນ, ອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ແນວທາງປ່ຽນແປງໃໝ່, ຕໍ່ອຸດົມການຂອງພັກ, ກົດໝາຍຂອງລັດກໍ່ຄືຂອງກອງທັບໃຫ້ຖືກຕ້ອງ, ທຸ້ມເທເຫື່ອແຮງສະຕິປັນຍາປະກອບສ່ວນທຸກຂະບວນການພັດທະນາກົມກອງເພື່ອໃຫ້ກາຍເປັນພະນັກງານສືບທອດທີ່ມີລະບຽບວິໄນ, ຄຸນທາດການເມືອງໜັກແໜ້ນ ແລະນຳເອົາເນື້ອໃນເອກະສານຂໍ້ແຂ່ງດັ່ງກ່າວນີ້ນຳໄປຈັດຕັ້ງປະຕິບັດໃຫ້ປາກົດຜົນເປັນຈິງ.

 

แชร์