ໄຊສົມບູນ ປະມູນເລືອກບໍລິສັດທີ່ປືກສາຕິດຕາມໂຄງການສ້າງຕຶກ ສພຂ

   ສະພາປະຊາຊົນ ແຂວງໄຊສົມບູນ ຈັດກອງປະຊຸມເປີດຊອງປະມູນບໍລິສັດທີ່ປຶກສາຕິດຕາມການກໍ່ສ້າງໂຄງການກໍ່ສ້າງຕຶກສະພາປະຊາຊົນແຂວງໃນວັນທີ 14 ຕຸລາ 2020 ນີ້ ທີ່ຫ້ອງປະຊຸມຫ້ອງວ່າການແຂວງໂດຍການເປັນປະທານຂອງ ທ່ານ ຄໍາແດງ ສີລາວົງ, ຮອງປະທານສະພາປະຊາຊົນ ແຂວງໄຊສົມບູນ, ມີທ່ານ ນາງ ປານຄໍາຂະຫຍອງເອກ, ຫົວໜ້າກົມບໍລິຫານ-ພິທີການສະພາປະຊາຊົນ,

  ທ່ານ ນາງ ດາວເພັດ ສີຫາວົງ, ຫົວໜ້າກົມການເງິນສະພາປະຊາຊົນ, ພ້ອມດ້ວຍຮອງພະແນກການທີ່ກ່ຽວຂ້ອງ,ມີຕາງໜ້າ 2 ບໍລິສັດ,ທີມງານຄະນະກໍາມະການ ແລະຄະນະຊ່ວຍວຽກຮັບຜິດຊອບການປະມູນເຂົ້າຮ່ວມ.

  ໂອກາດນີ້ ທ່ານ ນາງ ຂັນຂາບ ໄຊຍະກຸມມານ, ເລຂາທິການສະພາປະຊາຊົນແຂວງໄຊສົມບູນໄດ້ຂຶ້ນກ່າວຈຸດປະສົງ ແລະລາຍງານດໍາເນີນການຂາຍຊອງປະມູນຊຶ່ງໃນນັ້ນມີຕາງໜ້າ 2 ບໍລິສັດທີ່ມີຄວາມສົນໃຈມາຢື່ນຊອງປະມູນຄືບໍລິສັດບົວພາມະຫາຊັບອອກແບບ-ກໍ່ສ້າງຈໍາກັດຜູ້ດຽວ ແລະ ບໍລິສັດຊ້າງລາວທີ່ປຶກສາວິສະວະກໍາອອກແບບ-ກໍ່ສ້າງຈໍາກັດ, ຈາກນັ້ນຄະນະກໍາມະການ ແລະຄະນະຊ່ວຍວຽກຮັບຜິດຊອບການປະມູນໄດ້ເປີດຊອງປະມູນຢ່າງເປັນທາງການ.

  ຜ່ານການເປີດຊອງປະມູນ ແລະກວດກາເອກະສານເຫັນວ່າບໍລິສັດຊ້າງລາວທີ່ປຶກສາວິສະວະກໍາອອກແບບ-ກໍ່ສ້າງກໍາກັດມີເງື່ອນໄຂຄົບຖ້ວນຕາມທີ່ໄດ້ກໍານົດໄວ້ພ້ອມນີ້ຄະນະນະກໍາມະການທີ່ປະຊຸມຈຶ່ງເຫັນດີເປັນເອກະພາບກັນໃນການຄົ້ນຄວ້າເອົາບໍລິສັດຊ້າງລາວທີ່ປຶກສາວິສະວະກໍາອອກແບບ-ກໍ່ສ້າງ ກໍາກັດທີ່ມີເງື່ອນໄຂຄົບຖ້ວນ ເພື່ອນໍາສະເໜີຕໍ່ຄະນະປະຈໍາສະພາແຫ່ງຊາດພິຈາລະນາຮັບຮອງເອົາ.

---------------

ຂ່າວ: ນາງ ຕູດ ຄໍາພໍໃຈ

ຮູບພາບ: ໜັງສືພິມເສດຖະກິດ-ສັງຄົມ

แชร์