ຍຶດສັດນໍ້າ-ສັດປ່າ ທີ່ຜິດກົດໝາຍ

  ຫວ່າງບໍ່ດົນມານີ້, ກອງບັນຊາການທະຫານແຂວງສະຫວັນນະເຂດຊຶ່ງນຳໂດຍສະຫາຍ ພັນເອກສີ ທະວີໄຊ ເລຂາຄະນະພັກຫົວໜ້າການເມືອງກອງບັນຊາການທະ ຫານແຂວງພ້ອມພະແນກການກ່ຽວຂ້ອງໄດ້ຈັດພິທີມອບຂອງກາງປະເພດເຄື່ອງປ່າ, ສັດປ່າ ແລະສັດນໍ້າຈຳນວນ 13 ລາຍການຄື: ປະເພດປາລ້ຽງ, ປະເພດປາປະດັບສາຍພັນອາເມລິກາຫຼາຍຊະນິດໃນຈຳນວນ 15 ແກັດໂຟມຊຶ່ງມີ: ກຸ້ງນ້ອຍ 3 ແກັດ, ຫອຍ 1 ແກັດ, ເຕົ່ານໍ້າ 28 ໂຕ, ກະປອມອາເມລິກາ 32 ໂຕ, ນົກແກ້ວອາເມ ລິກາລວມມີ 37 ໂຕ, ລູກບ່າງ 2 ສາຍພັນມີ 310 ໂຕ, ນົກຟາມມີໂກ້ 4 ໂຕ, ແມວ 2 ໂຕ, ໄກ່ 7 ໂຕ, ເບ້ຍກ້ວຍໄມ້ 1 ແກັດ, ຫົວຫວ້ານ 15 ຊອງ, ເບ້ຍຕົ້ນໄມ້ປະດັບ 1 ແກັດ, ໃນນັ້ນມີເຄື່ອງສຳອາງມີ 2 ຊະນິດ, ຈຳນວນ 6 ແກັດ, ເຄື່ອງນຸ່ງຫົ່ມ ຈຳນວນ 1 ແກັດ, ພ້ອມລົດຕູ້ຂົນສົ່ງມີ 1 ຄັນໝາຍເລກທະບຽນສະຫວັນນະເຂດ ກຂ 1312 ຊຶ່ງທະຫານຊາຍແດນ 324 ຍຶດໄດ້ ໃນເວລາ 8 ໂມງ ເຊົ້າວັນທີ 21 ກັນຍາ 2020 ດັ່ງນັ້ນທາງກອງບັນຊາການທະຫານແຂວງສະຫວັນນະເຂດຈຶ່ງໄດ້ມອບໃຫ້ເຈົ້າໜ້າທີ່ກອງກວດກາປ່າໄມ້ ແລະພາສີແຂວງເປັນຜູ້ສືບຕໍ່ປະຕິບັດຕາມລະບຽບກົດໝາຍ.

------------

ຂ່າວ: ສະຫວັນ, ຮູບພາບ: #ຫນັງສືພິມເສດຖະກິດສັງຄົມ

แชร์