ອາດສະພັງທອງ ຍ້ອງຍໍໃຫ້ຜູ້ມີຜົນງານ ປີທ່ອງທ່ຽວລາວ

  ບໍ່ດົນມານີ້ທີ່ສະໂມສອນຂອງເມືອງອາດສະພັງທອງໄດ້ຈັດພິທີຍ້ອງຍໍປະເພດຫຼຽນໄຊ, ຫຼຽນກາ,ໃບຍ້ອງຍໍລັດຖະບານ ແລະໃບຍ້ອງຍໍທ່ານເຈົ້າແຂວງສະຫວັນນະເຂດໃນຜົນງານບັ້ນເປີດປີທ່ອງທ່ຽວລາວ 2018 ໂດຍພາຍໃຕ້ການເຂົ້າຮ່ວມ ແລະໃຫ້ກຽດປະດັບຫຼຽນ ແລະມອບໃບຍ້ອງຍໍຂອງທ່ານ ອຸໄພວັນ ໄຊຍະວົງ ເຈົ້າເມືອງອາດສະພັງທອງ,ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງຕະຫຼອດບັນດາທ່ານທີ່ຖືກເຊີນຈາກພາກສ່ວນຕ່າງໆເຂົ້າ ຮ່ວມ.

 ການຍ້ອງຍໍປະເພດຫຼຽນໄຊ, ຫຼຽນກາ, ໃບຍ້ອງຍໍລັດຖະບານ ແລະໃບຍ້ອງຍໍທ່ານເຈົ້າແຂວງໃນຜົນງານບັ້ນເປີດປີທ່ອງທ່ຽວລາວ 2018  ໃນຄັ້ງນີ້; ບັນດາທ່ານການນໍາ ແລະ ພະນັກງານໃນທົ່ວເມືອງອາດສະພັງທອງໄດ້ຮັບຫຼຽນໄຊ ຊັ້ນ II ຈໍານວນ 2 ກົມກອງ ແລະ11 ທ່ານລວມ 13 ໜ່ວຍ, ໄດ້ຮັບຫຼຽນໄຊຊັ້ນ III ຈໍານວນ 7 ທ່ານ, ໄດ້ຮັບຫຼຽນກາແຮງງານຈໍານວນ 1 ກົມກອງ, 13  ທ່ານ, ໄດ້ຮັບໃບຍ້ອງຍໍລັດຖະບານຈໍານວນ 3 ທ່ານ ແລະໄດ້ຮັບໃບຍ້ອງຍໍຂອງທ່ານເຈົ້າແຂວງສະຫວັນນະເຂດຈໍານວນ 1 ກົມກອງ 7 ທ່ານ, ໃຫ້ກຽດປະດັບຫຼຽນໄຊຊັ້ນ II, ຫຼຽນໄຊຊັ້ນ III, ຫຼຽນກາແຮງງານ, ໃບຍ້ອງຍໍລັດຖະບານ ແລະ ໃບຍ້ອງຍໍຂອງທ່ານເຈົ້າແຂວງສະຫວັນນະເຂດໂດຍທ່ານ ອຸໄພວັນ ໄຊຍະວົງ ເຈົ້າເມືອງອາດສະພັງທອງ.

 

แชร์