ຮອບຕັດສິນນາງສາວ ນວ 2019 ຈະຈັດຂຶ້ນຕົ້ນເດືອນເມສາ

 ເພື່ອເປັນການສົ່ງເສີມມໍລະດົກທາງວັດທະນະທຳນຳຄຸນ ຄ່າສູ່ແມ່ຍິງລາວ ທັງເປັນການສົ່ງເສີມແມ່ຍິງລາວຮຸ່ນໃໝ່ອະນຸຮັກວັດທະນະທຳທາງດ້ານການນຸ່ງຖື ແລະສະແດງຄວາມສາມາດຂອງຕົນຢູ່ເທິງວີທີໃຫ້ສັງຄົມໄດ້ເຫັນ.

ຫວ່າງບໍ່ດົນຜ່ານມານີ້ບໍລິສັດກຣິດຕະພົງກຣຸບຈຳກັດ ໂດຍໄດ້ ຮັບການຊີ້ນຳຈາກພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ  (ຖວທ ນວ) ຈັດພິທີຄັດເລືອກນາງສາວ ນວ ປະຈຳປີ 2019 ຂຶ້ນທີ່ໂຮງແຮມ ແລນມາກມີທ່ານ ນາງ ອໍລະໄທ ສັນຕິຄົງຄາ ຜູ້ອຳນວຍການບໍລິ ສັດກຣິດຕະພົງກຣຸບຈຳກັດທັງເປັນປະທານການຈັດງານຄັດ ເລືອກນາງສາວ ນວ ປະຈຳປີ 2019, ທ່ານ ສາລີ ນັນທະວົງ ຫົວໜ້າຂະແໜງວັດທະນະທຳພະ ແນກ ຖວທ ນວ, ພ້ອມດ້ວຍຜູ້ ຕາງໜ້າຈາກອົງການຈັດຕັ້ງມະຫາຊົນຄະນະກຳມະການ ແລະ ມວນຊົນເຂົ້າຮ່ວມ.

  ການຄັດເລືອກຄັ້ງນີ້ມີນາງ ສາວເຂົ້າຮ່ວມທັງໝົດ 85 ຄົນ ໂດຍຜ່ານການຄັດເລືອກຈາກຄະ ນະກຳມະການໃນຮອບນີ້ເພື່ອໄປ ຄັດຕໍ່ໃນຮອບສຸດທ້າຍມີ 20 ຄົນ ຄື: ນາງ ລິກສະຢາ ໄຊສົມພູ, ນາງ ນ້ຳຝົນ ພູມານີວົງ, ນາງ ຄູນສະຫວັນ ໂພທິວັນ, ນາງ ທອງມະນີ ເພຍເທບ, ນາງ ເມລາລີ ພັນທະ ວົງ, ນາງ ເກດມະນີ  ວົງປະເສີດ, ນາງ ສຸພາລັກ ແສງພະຈັນ, ນາງ ສົ້ມທອງ ວົງສະໝອນ, ນາງ ວັນນິສາ ສົມໝາຍຮັກ, ນາງ ກ້ອຍມາລາ  ວົງແສງພະຈັນ, ນາງ ພຸດອານົງ ສີດາຄຳ, ນາງ ສີທອງ ເລົ່າບຸນແພງທະໝັ້ນ, ນາງ ຄໍາຫຼ້າ ຈັນທະລັງສີ, ນາງ ມີເຊ່ວ ຈັນວັນ ເພັງ, ນາງ ຕໍາບຸ້ຍ ພານຸວົງ, ນາງ ເພັດວັດສາ  ລິນດາພອນ, ນາງ  ຊ່າລ້າ ພິມມະສອນ, ນາງ ມັອດ ວິໄລ ອິນທະສອນ, ນາງ ພັດທະນາ ຄິ ດາພອນ ແລະນາງ ທິບສະຫວັນມະນີດອນ ໂດຍທັງ 20 ນາງສາວຈະໄປເກັບຕົວ ແລະຮ່ວມເຄື່ອນ ໄຫວກິດຈະກຳຕ່າງໆຂອງລາຍ ການຄັດເລືອກນາງສາວ ນວ ປະ ຈຳປີ 2019.

  ສຳລັບຮອບຄັດເລືອກຊະນະ ເລີດຈະໄດ້ຈັດຂຶ້ນວັນທີ 6 ເມສາ 2019 ໂດຍຈະຄັດເອົາພຽງ 7 ຄົນ ເພື່ອເປັນນາງສັງຂານແຫ່ໃນບຸນປີໃໝ່ລາວ ປະຈຳປີ 2019, ນອກນີ້ ຜູ້ທີ່ໄດ້ຊະນະເລີດຍັງຈະ ໄປຄັດເລືອກຕໍ່ລາຍການ Miss Chinese ຢູ່ HongKong ປະ ເທດຈີນ ແລະຮອງຊະນະເລີດ 2 ຄົນ ຈະໄປຄັດເລືອກລາຍການ Miss Asian Pacific ຢູ່ຕ່າງປະ ເທດຕື່ມອີກ.

• 20/02/2019