ລືໄອແພດແອຣ 4 ເປີດໂຕເດືອນມີນາປີໜ້າຊິບເອ 14 ແລະໄອແພດໂປຣລຸ້ນໃໝ່

  ມີລາຍງານຈາກ My Drivers ວ່າ Apple ມີແຜນທີ່ອາດຈະເປີດໂຕໃນເດືອນມີນາ 2021 ທີ່ມາພ້ອມກັບຊິບປະມວນຜົນ A14 ຈາກລາຍງານນີ້ປະກອບກັບລາຍ ງານກ່ອນໜ້ານີ້ iPad Air 4 ຈະມີດິໄຊແລະຟີເຈີທີ່ຄ້າຍຄືກັບ iPad Pro ມີການຮອງຮັບການໃຊ້ຮ່ວມກັບ Magic Keyboard ແລະປ່ຽນພອດຈາກ Lightning ເປັນ USB-C.

  iPad Air 4 ຈະໃຊ້ໜ້າຈໍ Liquid Retina ຂະໜາດ 11 ນິ້ວ ແລະມີພື້ນທີ່ຈັດເກັບ 128 GB, 256GB ແລະ512GB ຊຶ່ງອ້າງອີງຈາກດິໄຊຂອງ iPad Pro ນັ້ນລຸ້ນນີ້ອາດຈະມີຂອບທີ່ບາງລົງເຮັດໃຫ້ໜ້າຈໍເບິ່ງໃຫຍ່ຂຶ້ນ ແລະລຳໂພງແບບສເຕີຣີໂອ ໂດຍລາຍງານລະບຸວ່າໂດຍລາຄາເລີ່ມຕົ້ນຢູ່ທີ່ 649 ໂດລາສະຫະລັດສູງກ່ອນລຸ້ນປະຈຸບັນປະມານ 150 ໂດລາ.

  ທັງນີ້ຍັງໄດ້ລະບຸວ່າຈະມີການເປີດໂຕ iPad Pro ລຸ້ນໃໝ່ໃນອີກບໍ່ດົນພ້ອມການເປີດໂຕ iPhone ທີ່ຈະເກີດຂຶ້ນ.

 

แชร์