ປີແລ້ວມີຄົນເຂົ້າ-ອອກເມືອງຜ່ານດ່ານສາກົນລະໄລ 1,7 ແສນຄົນ

  ທ່ານ ຮ້ອຍເອກ ເກດມະນີ ພົມມະສິງ ຫົວໜ້າດ່ານ (ຕ.ມ) ກວດກາຄົນເຂົ້າອອກເມືອງໄດ້ໃຫ້ສຳພາດຕໍ່ສື່ມວນຊົນພວກເຮົາໃນວັນທີ 14 ກຸພາ 2019 ນີ້ວ່າ: ພາຍໃນດ້ານ ຕ.ມ ພວກເຮົາມີພະນັກງານທັງໝົດ 48 ສະຫາຍ,ຍິງ 4 ສະຫາຍ,ໃນ 1 ປີຜ່ານມາຄະນະພັກ, ຄະນະນຳດ້ານ ຕ.ມ ສາກົນລະໄລ ແຂວ ງສາລະວັນ ພວກເຮົາກໍ່ໄດ້ເອົາໃຈໃສ່ໃນການສຶກສາອົບຮົມການເມືອງ-ແນວຄິດເປັນຫຼັກ, ເຊື່ອມຊຶມແນວທາງຕ່າງໆຂອງພັກ, ລັດວາງອອກ ແລະເຊື່ອໝັ້ນຕໍ່ການນຳພາຂອງພັກ, ມີແນວຄິດອຸ່ນອ່ຽງທຸ່ນທ່ຽງ, ເຮັດວຽກແບບລວມສູນປະຊາທິປະໄຕ, ເປັນໝູ່ຄະນະ, ມີການປຶກສາຫາລື ແລະແບ່ງໃຫ້ບຸກຄົນເປັນຜູ້ຮັບຜິດຊອບ, ພ້ອມກັນນັ້ນກໍ່ໄດ້ເອົາໃຈໃສ່ວຽກງານຕິດຕາມກວດກາຄົນເຂົ້າ-ອອກເມືອງ.

  ໃນ 1 ປີຜ່ານມາ, ມີຄົນເຂົ້າເມືອງທັງ ໝົດ 87,9 ພັນຄົນ, ຍິງ 22,4 ພັນຄົນ, ຄົນອອກເມືອງມີທັງໝົດ 84,7 ພັນຄົນ, ຍິງ 20,2 ພັນຄົນ ໃນນັ້ນໄດ້ເກັບຄ່າ ທຳນຽມອອກໃບຜ່ານແດນມີ 6,9 ລ້ານ ກີບ, ຄ່າບໍລິການແຈ້ງການຄົນລາວເຂົ້າ-ອອກເມືອງທີ່ໃຊ້ບັດຜ່ານແດນ ແລະປຶ້ມຜ່ານແດນມີ 4,36 ລ້ານກີບ ແລະຄົນ ຫວຽດນາມມີ 8,18 ລ້ານກີບ, ຈຳນວນເງິນດັ່ງກ່າວກໍ່ໄດ້ມອບໃຫ້ພາກສ່ວນ ທີ່ກ່ຽວຂ້ອງ.

  ສະເພາະ 1 ເດືອນມີຄົນເຂົ້າເມືອງທັງໝົດ 5,91 ພັນຄົນ, ຍິງ 1,2 ພັນຄົນ ແລະຄົນອອກເມືອງມີ 5,9 ພັນຄົນ, ຍິງ 1,3 ພັນຄົນ, ມີພາຫານະເຂົ້າເມືອງ ທັງໝົດ 1,1 ພັນຄັນ ແລະພາຫານະອອກ ເມືອງມີ 1,372 ຄັນ, ພ້ອມນັ້ນກໍ່ໄດ້ມີ ການເວນຍາມ, ກວດກາລາດຕະເວນຕາມຂອບເຂດຊາຍແດນ, ຕາມຄວາມຮັບຜິດຊອບໂດຍມີການປະສານສົມທົບກັບພາກສ່ວນທີ່ກ່ຽວຂ້ອງ, ທັງນີ້ກໍ່ເພື່ອເຮັດໃຫ້ມີຄວາມສະຫງົບປອດໄພຕາມບໍລິເວນຂອບເຂດຊາຍ ແດນ, ພ້ອມນີກໍ່ໄດ້ມີການສືບຕໍ່ພົວພັນແລກປ່ຽນບົດຮຽນລະຫວ່າງດ່ານ ຕ.ມ ສາກົນລະໄລ ກັບຄ້າຍທະຫານຊາຍແດນປະຈຳປະຕູດ້ານສາກົນລະໄລ ສສ ຫວຽດນາມ ຢ່າງເປັນປົກກະຕິ

  ທິດທາງຕໍ່ໜ້າເອົາໃຈໃສ່ສຶກສາອົບຮົມການເມືອງນຳພາແນວຄິດ, ເຊື່ອມຊຶມລະບຽບການ, ກົດໝາຍແນວທາງນະໂຍບາຍຂອງພັກ-ລັດວາງອອກ, ເພີ່ມທະວີໃນການກວດກາເວນຍາມ, ຕິດ ຕາມສະພາບການເຄື່ອນໄຫວອື່ນໆຂອງ ກຸ່ມຄົນບໍ່ດີຕາມຂອບເຂດບໍລິເວນຊາຍແດນໂດຍສົມທົບກັບພາກສ່ວນທີ່ກ່ຽວ ຂ້ອງ, ເອົາໃຈໃສ່ວຽກງານວິຊາສະເພາະກວດກາຄົນເຂົ້າ-ອອກເມືອງໃຫ້ຖືກຕ້ອງສອດຄ່ອງຕາມລະບຽບການ ແລະກົດໝາຍວາງອອກ, ພ້ອມທັງສືບຕໍ່ພົວ ພັນແລກປ່ຽນບົດຮຽນກັບຄ້າຍທະຫານຊາຍແດນປະຈຳປະຕູດ້ານສາກົນລະໄລ ສສ ຫວຽດນາມ ຢ່າງເປັນປົກກະຕິ.

ຂ່າວ: ສິດຕາ-ນສພ ເສດຖະກິດ-ສັງຄົມ

แชร์