ຂີ່ສະລິງ ປ່າສະຫງວນນໍ້າກ່ານ

  ການຂີ່ສະລິງ ຄິດວ່າຫຼາຍທ່ານຄົງໄດ້ທົດລອງຂີ່ແລ້ວເນື່ອງຈາກປະຈຸບັນມີສະຖານທີ່ທ່ອງທ່ຽວທີ່ຫຼາກຫຼາຍ ແລະໃກ້ກັບເທສະບານເມືອງ ຫຼືແຂວງໃຫ້ທ່ານໄດ້ສໍາຜັດບັນ ຍາກາດໃນວັນພັກຜ່ອນເສົາ-ອາທິດ, ສໍາລັບການຂີ່ສະລິງທີ່ຈະນໍາສະເໜີຕໍ່ໄປນີ້ແມ່ນຢູ່ເຂດປ່າສະຫງວນນໍ້າກ່ານເມືອງຫ້ວຍຊາຍແຂວງບໍ່ແກ້ວ.

  ປ່າສະຫງວນແຫ່ງຊາດນໍ້າກ່ານມີທີ່ຕັ້ງຢູ່ບ້ານຕູບ ເມືອງຫ້ວຍຊາຍ ແຂວງບໍ່ແກ້ວ, ຫ່າງຈາກເທສະບານແຂວງ 85 ກິໂລແມັດ, ມີເນື້ອທີ່ 136.000 ເຮັກຕາ, ນັບແຕ່ເດືອນກັນຍາ 2008 ປ່າສະຫງວນແຫ່ງຊາດນໍ້າກ່ານໄດ້ຖືກປະກາດເປັນປ່າສະຫງວນແຫ່ງຊາດແຫ່ງທີ 21 ເປັນທາງການຂອງ ສປປ ລາວ, ເຂດປ່າສະຫງວນດັ່ງກ່າວກໍ່ໄດ້ເປັນປ່າທີ່ໄດ້ຮັບການຢ້ຽມຢາມຫຼາຍທີ່ສຸດຂອງບັນດານັກທ່ອງທ່ຽວພາຍໃນ ແລະຕ່າງປະເທດ.

  ເມື່ອຕື່ນຂຶ້ນມາໃນຕອນເຊົ້າທ່ານຈະໄດ້ຍິນສຽງກິ່ງໄມ້ພັດສີກັນດັງຮື່ນໆເປັນບາດບວກກັບໝອກທີ່ປົກຄຸມໄປທຸກພື້ນທີ່ແນມຈົນບໍ່ເຫັນກັນ ແລະ ມັນກໍຈາງເມື່ອແດດອອກ; ນີ້ເປັນພຽງມຸມໜຶ່ງທີ່ໄດ້ພົບຄວາມງຽບສະຫງັດທີ່ມີຄວາມຊົງຈຳໃນຍາມເຊົ້າທີ່ເຮົາໄດ້ພັກຜ່ອນ ແລະທ່ຽວອ້ອມສະຖານທີ່ເພື່ອຊົມສິ່ງທີ່ມີຊີວິດຕົວນ້ອຍໆຕາມພຸ່ມໄມ້, ຫາກສັງເກດເບິ່ງອ້ອມຮອບຍັງມີສີສັນປະດັບໄປດ້ວຍແມງກະເບື້ອ, ດອກໄມ້ ແລະກິ່ນອາຍຂອງປ່າໄມ້ອີກດ້ວຍ.

-----------------

ຂ່າວ: ວົງມະນີ ເສດຖະກິດສັງຄົມ

ຮູບພາບ: #ຫນັງສືພິມເສດຖະກິດສັງຄົມ

แชร์