ນໍ້າຖ້ວມໜັກຢູ່ຫວຽດນາມເສຍຊີວິດ 13 ຄົນ

   ໃນຫຼາຍວັນທີ່ຜ່ານມາເກີດເຫດຝົນຕົກໜັກ ແລະນໍ້າຖ້ວມໃນຫຼາຍພື້ນທີ່ຂອງ ສສ ຫວຽດນາມ ໄດ້ຮັບຄວາມເສຍຫາຍຢ່າງໜັກ ແລະເຮັດໃຫ້ມີຜູ້ເສຍຊີວິດແລ້ວ 13 ຄົນ.

ຕາມຂ່າວສານຫວຽດນາມລາຍງານວ່າຕາມຂໍ້ມູນຈາກຄະນະກຳມະການຊີ້ນໍາດ້ານການປ້ອງກັນ ແລະຮັບມືໄພທຳມະຊາດລະບຸວ່າຈົນເຖິງວັນ ທີ 11 ເດືອນຕຸລາທີ່ຜ່ານມາໄດ້ມີຜູ້ເສຍຊີວິດແລ້ວ 13 ຄົນ, ສູນຫາຍ 13 ຄົນ ແລະ ບ້ານເຮືອນຫຼາຍກວ່າ 33 ພັນ ຫຼັງໄດ້ຮັບຄວາມເສຍຫາຍເນື່ອງຈາກພາຍຸ LINFA ໄດ້ພັດເຂົ້າແຂວງກວາງນາມ, ກວາງຫງາຍ ແລະອ່ອນກໍາລັງເປັນຄວາມກົດອາກາດຕໍ່າຊຶ່ງເຮັດໃຫ້ເກີດຝົນຕົກໜັກປະຈຸບັນທ້ອງຖິ່ນຕ່າງໆ ໃນພາກກາງກຳລັງແກ້ໄຂຜົນເສຍຫາຍຈາກເຫດນໍ້າຖ້ວມຝົນຕົກ ແລະພາຍຸເພື່ອຊ່ວຍໃຫ້ປະຊາຊົນກັບເຂົ້າສູ່ພາວະປົກກະຕິໂດຍໄວ.

 ຕອນເຊົ້າຂອງວັນທີ 11 ຕຸລາ ໜ່ວຍກູ້ໄພສາມາດຊ່ວຍຊີວິດຄົນທີ່ຢູ່ໃນເຮືອ Vietship 01 ໄດ້ທັງໝົດ 8 ຄົນ ທີ່ເກີດອຸບັດເຫດໃນທ່າເຮືອເກື້ອວຽດແຂວງກວາງຕິ່ງປະມານ 400 ແມັດ.

แชร์