ອາເມລິກາອອກຄຳສັ່ງຫ້າມຫົວເຫວີຍຊື້ຊິບທີ່ໃຊ້ເຕັກໂນໂລຊີ ຂອງອາເມລິກາ

  ກາຍເປັນເລື່ອງໜັກໃຈຂອງຫົວເຫວີຍແທ້ໆລ້າສຸດລັດຖະບານອາເມລິກາອອກຄຳສັ່ງເລື່ອງການຊື້ຊິບປະມວນຜົນຫຼາຍຂຶ້ນຈາກເດີມພຽງແຕ່ TSMC ຫ້າມເຮັດການຄ້າກັບຫົວເຫວີຍກາຍເປັນຫ້າມຫົວເຫວີຍຊື້ຊິບເຊັດຈາກບໍລິສັດຕ່າງໆທີ່ອອກແບບຊິບປະມວນຜົນໂດຍໃຊ້ເຕັກໂນໂລຊີຂອງອາເມລິກາ.

  ກະຊວງການຄ້າໄດ້ແກ້ຂໍ້ບັງ ຄັບໃໝ່ຈາກເດີມທີ່ຫ້າມບໍລິສັດຜະ ລິດຊິບທີ່ໃຊ້ເຕັກໂນໂລຊີຂອງອາເມລິກາຄື TSMC ເຮັດການຄ້າກັບຫົວ ເຫວີຍເຮັດໃຫ້ຫົວເຫວີຍບໍ່ ສາມາດສັ່ງຜະລິດຊິບ Kirin ໄດ້ອີກຈົນ Richard Tu, CEO ອອກມາບອກຢ່າງເປັນທາງການວ່າ Huawei Mate 40 ຈະເປັນສະມາດໂຟນເຮືອທຸງລຸ້ນສຸດທ້າຍທີ່ໃຊ້ຊິບ Kirin ແຕ່ຄຳສັ່ງລ້າສຸດໄດ້ຖືກເພີ່ມເປັນຫ້າມບໍ່ໃຫ້ Huawei ຊື້ຊິບປະມວນຜົນຂອງຕ່າງປະເທດທີ່ໃຊ້ເຕັກໂນໂລຊີຂອງອາເມລິກາ ໃນການອອກແບບຊິບເຊັດທີ່ມີລະດັບດຽວກັບຊິບເຊັດທີ່ຜະລິດຂຶ້ນ ໂດຍອາເມລິກາເອງຄຳສັ່ງດັ່ງກ່າວ ຖືວ່າບີບຫົວເຫວີຍຢ່າງທີ່ສຸດເຮັດໃຫ້ຫົວເຫວີຍບໍ່ສາມາດຊື້ຊິບປະມວນຜົນລາຍອື່ນໆຄື MediaTek.

  ເນື່ອງຈາກໃບອະນຸຍາດຊົ່ວຄາວທີ່ໝົດອາຍຸລົງເຮັດໃຫ້ Google ບໍ່ສາມາດສົ່ງອັບເດດໃຫ້ Huawei ໄດ້ອີກລວມທັງຜູ້ໃຫ້ບໍລິການເຄືອ ຂ່າຍໃນຊົນນະບົດຂອງອາເມລິກາທີ່ໃຊ້ອຸປະກອນໂຄງຂ່າຍຂອງ Hua wei ກໍຕ້ອງປ່ຽນໄປໃຊ້ອຸປະກອນໂຄງຂ່າຍຂອງແບຣນອື່ນແທນ.

----

ໜັງສືພິມ ເສດຖະກິດ-ສັງຄົມ

แชร์