ມສ ໄຊເສດຖາ ປິດການແຂ່ງຂັນກີລາ-ສິລະປະ

  ວັນທີ 15 ກຸມພາ ຜ່ານມາໂຮງຮຽນ ມສ ໄຊເສດຖາ ເມືອງ ໄຊເສດຖາ  ນະຄອນຫຼວງວຽງຈັນ ໄດ້ຈັດພິທີປິດການແຂ່ງຂັນກີລາ-ສິລະປະ, ຖາມ-ຕອບວິທະຍາສາດ ແລະແຂ່ງຂັນເວົ້າພາສາອັງກິດປະຈຳສົກຮຽນ 2018-2019  ໂດຍໃຫ້ກຽດເຂົ້າຮ່ວມຂອງທ່ານ ຄຳສະຫວັນ  ໂຄດໄຊ  ຮອງເຈົ້າເມືອງໄຊເສດຖາ ແລະທ່ານ ສົມພອນສອນດາລາຮອງຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນ, ມີຄະນະອຳນວຍ ການ, ຕາງໜ້າຈາກຫ້ອງການສຶກສາທິການ ແລະກີລາເມືອງ,  ແຂກ ທີ່ຖືກເຊີນ, ພະນັກງານ, ຄູອາຈານ ແລະນ້ອງນັກຮຽນ.

  ສຳລັບການຈັດກິດຈະກຳດັ່ງ ກ່າວ, ແມ່ນເພື່ອເປັນການຜັນຂະ ຫຍາຍແຜນພັດທະນາໂຮງຮຽນ ມສ ໄຊເສດຖາ ປະຈຳສົກຮຽນ  2018-2019 ໃຫ້ປະກົດຜົນເປັນຈິງ, ປະຕິບັດ 3 ຂໍ້ແຂ່ງຂັນ ແລະ 5 ຫຼັກມູນການສຶກສາທີ່ກະຊວງ ສຶກສາທິການ ແລະ ກີລາວາງອອກ,  ເປັນການວັດ ແລະ ປະເມີນຜົນການ ສອນຂອງຄູ ແລະການຮຽນຂອງ ນັກຮຽນ,  ເພື່ອໃຫ້ນັກຮຽນທີ່ມີພອນ ສະຫວັນໄດ້ສະແດງອອກເຖິງຄວາມສາມາດສະເພາະຕົວ  ແລະກ້າວໄປ ສູ່ກີລາອາຊີບໃນອະນາຄົດ,  ເປັນ ການອະນຸລັກຮັກສາວັດທະນະທຳຂອງຊົນຊາດຊົນເຜົ່າໃຫ້ຄົງຢູ່ຕະຫຼອດໄປ, ສ້າງຄວາມເບີກບານມ່ວນຊື່ນ, ສ້າງຄວາມສາມັກໃນ ໝູ່ນັກຮຽນດ້ວຍກັນ ແລະໃຫ້ນັກ ຮຽນຮູ້ນຳໃຊ້ເວລາຫວ່າງໃຫ້ເປັນປະໂຫຍດ ແລະຫ່າງໄກຈາກສິງເສບຕິດ. ໂດຍການຈັດກິດຈະກຳ ແມ່ນແຂ່ງຂັນກີລາ 4 ປະເພດ ຄື: ກີລາບານສົ່ງ, ເປຕັງ, ດຶງເຊືອກ ແລະ ກະຕໍ້ຍິງ-ຊາຍ; ສິລະປະມີ 2 ປະເພດ ຄື: ບົດຟ້ອນລວມໝູ່ ແລະຮ້ອງເພງ; ຖາມ-ຕອບວິທະ ຍາສາດ ຊັ້ນ ມຕົ້ນ-ມປາຍ ແລະ ແຂ່ງຂັນເວົ້າພາສາອັງກິດ.

  ຜ່ານການແຂ່ງຂັນດັ່ງກ່າວ, ອັນດັບທີ 1 ກີລາເປຕັງຊາຍຫ້ອງ ມ4/1, ຍິງ ຫ້ອງ ມ7/1; ບານ ສົ່ງຊາຍຫ້ອງ ມ5/1, ຍິງ ຫ້ອງ ມ6/1; ດຶງເຊືອກຊາຍ ຫ້ອງ ມ4/2, ຍິງ ມ3/3; ກະຕໍ້ຊາຍ ຫ້ອງ ມ7/3, ຍິງ ຫ້ອງ ມ6/1; ສິລະປະລາຍການບົດຟ້ອນຊັ້ນ ມປາຍ ຫ້ອງ ມ6/4, ມຕົ້ນ ຫ້ອງ ມ2/1; ຮ້ອງເພງຊັ້ນ ມປາຍ  ຫ້ອງ ມ6/1, ມຕົ້ນ ຫ້ອງ ມ3/2; ຖາມ-ຕອບວິທະຍາສາດ ຊັ້ນ ມປາຍ ຫ້ອງ ມ5/1, ມຕົ້ນ ຫ້ອງ ມ2/1; ແຂ່ງຂັນເວົ້າພາສາອັງກິດ ຊັ້ນ ມປາຍ  ຫ້ອງ  ມ7/2  ແລະຊັ້ນ  ມ ຕົ້ນ ຫ້ອງ ມ2/1.

ສ່ວນອັນດັບທີ 2 ເປຕັງ ຊາຍ ຫ້ອງ ມ1/3, ຍິງ ຫ້ອງ ມ7/2; ບານສົ່ງຊາຍ ຫ້ອງ ມ7/5, ຍິງ ຫ້ອງ ມ7/4; ດຶງເຊືອກຊາຍ ຫ້ອງ  ມ3/1, ຍິງ ຫ້ອງ ມ2/2; ກະຕໍ້ ຊາຍຊັ້ນ ມປາຍ ຫ້ອງ ມ7/1, ຍິງ ຫ້ອງ ມ6/5; ກະຕໍ້ ຊັ້ນ ມຕົ້ນ ຫ້ອງ ມ1/1; ສິລະປະຟ້ອນ ຊັ້ນ ມປາຍ ຫ້ອງ ມ5/2, ມຕົ້ນ ຫ້ອງ ມ1; ຮ້ອງເພງ ຊັ້ນ ມປາຍ ຫ້ອງ ມ6/1, ມຕົ້ນ ຫ້ອງ ມ4/2; ຖາມ-ຕອບວິທະຍາສາດ ຊັ້ນ ມປາຍ ຫ້ອງ ມ6/2, ມຕົ້ນ ຫ້ອງ ມ1/1; ແຂ່ງຂັນເວົ້າພາສາອັງກິດ ຊັ້ນ ມປາຍ ຫ້ອງ ມ6/1.

  ອັນດັບທີ 3 ເປຕັງຊາຍຫ້ອງ  ມ7/5, ຍິງຫ້ອງ ມ6/4; ບານສົ່ງ ຊາຍຫ້ອງ ມ6/4, ຍິງຫ້ອງ  ມ5/1,  ດຶງເຊືອກຊາຍຫ້ອງ ມ2/2, ຍິງ ຫ້ອງ ມ3/2; ກະຕໍ້ຊາຍ ມປາຍ ຫ້ອງ ມ7/2, ຍິງຫ້ອງ ມ7/4;  ກະຕໍ້ຊາຍ ມຕົ້ນ ຫ້ອງ ມ3/1; ສິ ລະປະລາຍການຟ້ອນຊັ້ນ ມປາຍ ຫ້ອງ ມ5/1+5/2, ມຕົ້ນ ຫ້ອງ ມ4/1, ຮ້ອງເພງຊັ້ນ ມປາຍ ຫ້ອງ ມ6/2, ມຕົ້ນ ຫ້ອງ ມ1/1; ຖາມ-ຕອບວິທະຍາສາດ ຊັ້ນ ມປາຍ ຫ້ອງ ມ7/2, ມຕົ້ນ ຫ້ອງ ມ4/1; ແຂ່ງຂັນເວົ້າພາສາອັງກິດຊັ້ນ ມ ປາຍຫ້ອງ ມ5/1.

แชร์