ພີທີເຊັນສັນຍາໂອນທຸລະກິດ ກາເຟດາວ ລະຫວ່າງ ກຸ່ມບໍລິສັດດາວເຮືອງ ຈຳກັດ ແລະບໍລິສັດກາເຟດາວ ຈຳກັດ

  ໃນຕອນບ່າຍຂອງວັນທີ 9 ຕຸລາ 2020 ທີ່ນະຄອນຫຼວງວຽງຈັນ, ກຸ່ມບໍລິສັດດາວເຮືອງ ຈໍາກັດ ໄດ້ລົງນາມພິທີເຊັນສັນຍາໂອນທຸລະກິດກາເຟດາວໃຫ້ແກ່ບໍລິສັດກາ ເຟດາວ ຈຳກັດ, ຈຸດປະສົງຂອງການໂອນທຸລະກິດຄັ້ງນີ້ແມ່ນເປັນການແຍກເອົາທຸລະກິດກາເຟດາວທັງໝົດອອກມາຈາກກຸ່ມບໍລິສັດດາວເຮືອງ ຈໍາກັດ, ເນື່ອງຈາກວ່າກຸ່ມບໍລິສັດດາວເຮືອງ ຈໍາກັດ ໄດ້ມີການດໍາເນີນທຸລະກິດຫຼາຍປະເພດເປັນຕົ້ນ: ການນຳເຂົ້າ-ສົ່ງອອກ ແລະບໍລິການຮ້ານຄ້າປອດພາສີ.

ພາບຂ່າວ:

  ຕາງໜ້າໂດຍທ່ານ ນາງ ເຫຼື້ອງ ລິດດັງ ປະທານກຸ່ມບໍລິສັດດາວເຮືອງ ຈຳກັດ ກັບ ທ່ານນາງ ບຸນເຮືອງ ແຄລໍ ລິດດັງ ຜູ້ອຳນວຍການໃຫຍ່ບໍລິສັດກາເຟດາວ ຈຳກັດ, ໂດຍການເປັນກຽດເຂົ້າຮ່ວມເປັນສັກຄີພະນຍານຂອງທ່ານ ບຸນເຫຼືອ ສິນໄຊວໍຣະວົງ ຮອງລັດຖະມົນຕີກະຊວງການເງິນ,ຜູ້ຕາງໜ້າຈາກກົມກ່ຽວຂ້ອງກະຊວງການເງິນກະຊວງອຸດສາຫະກຳ ແລະການຄ້າ, ທະນາຄານການຄ້າຕ່າງປະເທດລາວມະຫາຊົນ, ທະນາຄານຮ່ວມທຸລະກິດລາວຫວຽດຈຳກັດ, ທະນາຄານຮ່ວມພັດທະນາ ແລະພາກສ່ວນທີ່ກ່ຽວຂ້ອງ.

ພາບຂ່າວ:

   ການລົງນາມໂອນທຸລະກິດໃນຄັ້ງນີ້, ຊື່ງລວມມີການປູກກາເຟ, ຜະລິດແລະປຸ່ງແຕ່ງຜະລິດຕະພັນກາເຟ, ໃຫ້ສິດແຟນຈາຍ (Franchising) ແລະ ຈຳໜ່າຍຢູ່ພາຍໃນແລະສົ່ງອອກຕ່າງປະເທດພາຍໃຕ້ຍີ່ຫໍ້ແລະເຄື່ອງໜາຍການຄ້າ “ກາເຟດາວ’’. ພ້ອມດຽວກັນນີ້, ກໍ່ເພື່ອເປັນການກະກຽມຄວາມພ້ອມໃຫ້ແກ່ການສ້າງຕັ້ງບໍລິ ສັດຮ່ວມຮຸ້ນໃໝ່ລະຫວ່າງກຸ່ມບໍລິສັດດາວເຮືອງ ຈຳກັດ ແລະລັດຖະບານຕາງໜ້າແມ່ນກະຊວງການເງີນທີ່ຈະເຂົ້າມາເປັນຄູ່ຮ່ວມທຶນລາຍໃຫຍ່, ຊື່ງກິດຈະການເປັນບໍລິ ສັດຮ່ວມຮຸ້ນຂອງຄົນລາວເອງ 100% ຄາດວ່າບໍລິສັດຮ່ວມຮຸ້ນໃໝ່ນີ້ຈະໃຫ້ສໍາເລັດໃນການເຊັນສັນຍາໃນເດືອນຕຸລາ 2020 ນີ້.​ພ້ອມດຽວກັນນີ້,ເພື່ອເຮັດໃຫ້ການດໍາເນີນທຸລະກິດໄປຕາມກົນໄກເສດຖະກິດຕະຫຼາດຢ່າງເຕັມຮູບແບບ,ມີປະສິດທິພາບ ແລະໄດ້ມາດຕະຖານສາກົນ;ຮັບປະກັນຜົນປະໂຫຍດລວມຂອງຜູ້ຮ່ວມທຶນ,ລັດ ແລະສັງຄົມບົນພື້ນຖານຄວາມຖືກຕ້ອງ ແລະ ສອດຄ່ອງຕາມລະບຽບກົດໝາຍຂອງ ສປປ ລາວ ໃນແຕ່ລະໄລຍະ. ລັດຖະບານຍັງເຫັນວ່າທຸລະກິດກາເຟແມ່ນທຸລະກິດໜື່ງດຽວທີ່ໄດ້ມີການສົ່ງເສີມການຜະລິດແບບຄົບວົງຈອນເລີ່ມແຕ່ການກ້າເບ້ຍຈົນຮອດການຜະລິດເປັນຜະລິດຕະພັນສຸດທ້າຍ ແລະລວມໄປເຖິງການສົ່ງເສີມປະຊາຊົນຊາວກະສິກອນຜູ້ປູກກາເຟໃຫ້ມີອາຊີບທີ່ໜັ້ນຄົງ ແລະສາມາດແກ້ໄຂຄວາມທຸກຍາກໄດ້ຢ່າງແທ້ຈິງ.

ພາບຂ່າວ:

ຜະລິດຕະພັນຍີ່ຫໍ້ກາເຟດາວແມ່ນເປັນທີ່ຮັບຮູ້ຂອງສັງຄົມ, ສາມາດແຂ່ງຂັນແລະກາຍມາເປັນຜະລິດຕະພັນໜື່ງສາມາດຕອບສະໜອງຄວາມຕ້ອງການຕະຫລາດພາຍ ໃນແລະຕ່າງປະເທດ.ພ້ອມທັງການຕັ້ງເປົ້າໝາຍຕໍ່ໄປກໍ່ຄືການສ້າງໃຫ້ກາຍເປັນຍີ່ຫໍ້ຜະລິດຕະພັນສູ່ລະດັບໂລກ, ໃນຂະນະທີ່ຫຼາຍໆ ຍີ່ຫໍ້ຈະແຂງແຮງໃນຕະຫລາດແຕ່ສ່ວນໃຫ່ຍກໍ່ບໍ່ໄດ້ເປັນຜູ້ປູກກາເຟເອງຄືກັນກັບກາເຟດາວລວມທັງຈຸດເດັ່ນຂອງ ສີນຄ້າຫຼືຄຸນນະພາບຂອງເມັດກາເຟ, ເປັນສາຍພັນອາລາບິກ້າ 100% ປູກຢູ່ໃນແຫຼ່ງກຳເນີດທີ່ອຸດົມສົມບູນໃນເຂດພູເຂົາໄຟເກົ່າເທິງພູເຂົາບໍລະເວນເຊິ່ງຢູ່ສູງກວ່າຈາກລະດັບນໍ້າທະເລ 1.200 ແມັດ ເຮັດໃຫ້ມີຜົນຜະລິດກາເຟທີ່ມີຄຸນນະພາບສູງລົດ ຊາດແຊບດີ ແລະມີກີ່ນຫອມທີ່ເປັນເອກະລັກສະເພາະສາມາດທຽບເທົ່າໄດ້ກັບກາເຟຈາກແຫຼ່ງປູກອື່ນໆ ທີ່ມີຊື່ສຽງໃນຕ່າງປະເທດເຊີ່ງເປັນ Brand Story ທີ່ທາງກາເຟດາວມັກຕອກຍໍ້າແລະໃຊ້ເພື່ອສ້າງການຈົດຈຳທີ່ແຂງແຮງໄປສູ່ຜູ້ບໍລິໂພກຢູ່ສະເໝີ.

   ຍີ່ຫໍ້ ກາເຟດາວ ບໍ່ພຽງແຕ່ໄດ້ມາໃນນາມຂອງກາເຟດາວເທົ່ານັ້ນແຕ່ຕ້ອງການສ້າງໃຫ້ຜູ້ບໍລິໂພກທັງພາຍໃນປະເທດ ແລະໃນສາກົນທີ່ພວກເຮົາສົ່ງອອກໄດ້ເປັນທີ່ຮັບ ຮູ້ ແລະ ໃຫ້ຄວາມເຊື່ອໜັ້ນຕໍ່ກັບກາເຟຂອງຄົນລາວເປັນກາເຟທີ່ມີຄຸນະພາບບໍ່ແພ້ຊາດອື່ນໆໃນໂລກໂດຍມີກາເຟດາວເປັນຕົວແທນໃນການບຸກເບີກແລະຂະຫຍາຍຕະ ຫລາດໄປຕ່າງປະເທດເປັນຕົ້ນແມ່ນປະເທດຍີ່ປຸ່ນ, ສ ເກົາຫຼີ, ຈີນ, ໄທ, ຫວຽດນາມ, ບັນດາປະເທດເອີຣົບ ແລະອາເມລິກາເປັນຫນື່ງໃນຖານສຳຄັນສຳລັບການສ້າງຍີ່ ຫໍ້ກາເຟດາວສູ່ຕະຫລາດເພື່ອຜູ້ບໍລິໂພກ.

ສະໜັບສະໜູນໂດຍ: HONDA

  ທັງໜົດນີ້ກໍ່ເພື່ອເປັນການຈັດຕັ້ງຜັນຂະຫຍາຍຕາມແນວທາງນະໂຍບາຍຂອງພັກ-ລັດ ໃນການສົ່ງເສີມການຜະລິດເພື່ອທົດແທນການນໍາເຂົ້າ ແລະຊົມໃຊ້ຜະລິດຕະ ພັນພາຍໃນປະເທດທີ່ສາມາດຜະລິດໄດ້ລາວເຮັດລາວໃຊ້ລາວໄດ້ລາວຈະເລີນ.

__________

 #ຫນັງສືພິມເສດຖະກິດສັງຄົມ

แชร์