ເອຊີລີດາ ຮັບບໍລິການຊໍາລະຄ່າທຳນຽມປະກັນໄພພຣູເດັນໂຊລ໌

   ວັນທີ 9 ຕຸລາຜ່ານມາທີ່ໂຮງແຮມລາວ ພຣາຊາ, ໄດ້ຈັດພິທີເຊັນສັນຍາວ່າດ້ວຍການຊຳລະຄ່າທຳນຽມປະກັນໄພຊີວິດຂອງບໍລິສັດ ພຣູເດັນໂຊລ໌ ປະກັນໄພຊີວິດລາວ ຈຳກັດ ຜ່ານແອັບເອຊີລີດາທັນໃຈຂອງທະນາຄານເອຊີລີດາຈຳກັດ, ຂຶ້ນເປັນກຽດໃນພິທີລົງນາມໂດຍທ່ານ ດຣ. ຮາຍ ສະວາຍ ຜູ້ອໍານວຍການໃຫຍ່ທະນາຄານເອຊີລີດາ ລາວ ຈໍາກັດ ແລະທ່ານນາງ ວັນດາລີ ສຸວັນນະສຸກ, ຫົວໜ້າພະແນກກົດໝາຍ, ລະບຽບການພາຍໃນ ແລະການຄຸ້ມຄອງຄວາມສ່ຽງ, ບໍລິສັດ ພຣູເດັນໂຊລ໌ປະກັນໄພຊີວິດລາວ ຈຳກັດ ພ້ອມດ້ວຍຄະນະຜູ້ບໍລິຫານຂອງທັງສອງຝ່າຍໄດ້ເຂົ້າຮ່ວມ.

  ທະນາຄານເອຊີລີດາລາວຈຳກັດຮ່ວມມືກັບບໍລິສັດພຣູເດັນໂຊລ໌ປະກັນໄພຊີວິດລາວ ຈຳກັດ ນັບຕັ້ງແຕ່ວັນທີ 3 ພຶດສະພາ 2016 ເປັນຕົ້ນມາຜ່ານມາລູກຄ້າສາມາດຊຳລະຄ່າທຳນຽມປະກັນໄພຊີວິດຜ່ານປ່ອງບໍລິການຂອງທະນາຄານເທົ່ານັ້ນ, ເພື່ອອໍານວຍຄວາມສະດວກໃຫ້ກັບລູກຄ້າ ແລະການບໍລິການດ້ວຍເຕັກໂນໂລຊີທີ່ກ້າວໜ້າທະນາຄານເອຊີລີດາລາວຈຳກັດ ແລະ ບໍລິສັດພຣູເດັນໂຊລ໌ປະກັນໄພຊີວິດ ລາວ ຈຳກັດ ໄດ້ຮ່ວມມືພັດທະນາຊ່ອງທາງການຊຳລະຮູບແບບໃໝ່ເຊິ່ງລູກຄ້າຂອງພຣູເດັນໂຊລ໌ປະກັນໄພຊີວິດສາມາດຊຳລະຄ່າທຳນຽມປະກັນໄພຊີວິດຜ່ານແອັບ ACLEDA ToanChet ເຊິ່ງລູກຄ້າສາມາດເຮັດທຸລະກຳໄດ້ທຸກວັນທຸກທີ່ທຸກເວລາ.

  ນອກຈາກນີ້, ທະນາຄານເອຊີລີດາລາວຍັງໄດ້ໃຫ້ບໍລິການໆຊຳລະໃບບິນຕ່າງໆຜ່ານທັງປ່ອງບໍລິການ ແລະ ACLEDA ToanChet ນຳອີກ.

 ທະນາຄານເອຊີລີດາລາວຈຳກັດຂໍຖືໂອກາດນີ້ສະແດງຄວາມຂອບໃຈຢ່າງເປັນຢ່າງສູງມາຍັງລູກຄ້າທຸກໆທ່ານທີ່ໃຊ້ຜະລິດຕະພັນແລະການບໍລິການຂອງທະນາຄານຂອງພວກເຮົາ. ທະນາຄານເອຊີລີດາຈະສືບຕໍ່ພັດທະນາລະບົບການບໍລິການ ແລະຜະລິດຕະພັນທີ່ທັນສະໄໝເພື່ອຕອບສະໜອງຕາມຄວາມຕ້ອງການຂອງລູກຄ້າໃຫ້ດີທີ່ສຸດ.

• 12/10/2020