ຈັບຊາຍໃຈໂຫດຂ້າເດັກນ້ອຍ 6 ປີ

   ພາຍຫຼັງເຈົ້າໜ້າທີ່ ປກສ ເມືອງໂພນໂຮງ ແຂວງວຽງຈັນ ໄດ້ຮັບຂ່າວຈາກພົນລະເມືອງດີວ່າ: ເກີດເຫດຄາດຕະກໍາຢູ່ບ້ານນາເລົາຈາກນັ້ນຈຶ່ງໄດ້ແຕ່ງເຈົ້າໜ້າທີ່ວິຊາສະເພາະ ປກສ ເມືອງໂພນໂຮງ ໂດຍສົມທົບກັບເຈົ້າໜ້າທີ່ວິຊາສະເພາະ ປກສ ແຂວງ ແລະແພດປະຈໍາສຸກສາລາເຂດຫຼັກ 52 ໄດ້ລົງກວດກາຊັນນະສູດທີ່ພັກເຊົາຂອງທ້າວ ຕົງທໍ່ ອາຍຸ 35 ປີ ທີ່ກໍ່ເຫດຄາດຕະກໍາ ແລະຕັດຊິ້ນສ່ວນຮ່າງກາຍເດັກຍິງອາຍຸ 6 ປີ, ແລ້ວຕົ້ມໃສ່ໝໍ້ຢູ່ທີ່ບ້ານນາເລົາ ໃນວັນທີ 6 ຕຸລາ 2020 ຜ່ານມາ, ຜ່ານການກວດກາໄດ້ພົບເຫັນຮ່ອງຮອຍການແຕ້ມຮູບທາງສະສາໜາ.

   ທ່ານ ພັຕ ວິໄລທອງ ຫຼວງອາໄພ ຫົວໜ້າພະແນກຕໍາຫຼວດ ປກສ ເມືອງໂພນໂຮງ ແຂວງວຽງຈັນ ໃຫ້ຮູ້ວ່າ: ໃນເວລາປະມານ 9:00 ໂມງຂອງມື້ເກີດເຫດໄດ້ມີເດັກນ້ອຍຈໍານວນ 3 ຄົນ, ຍິງ 1 ຄົນ ອາຍຸປະມານ 6-8 ປີ ໄດ້ພາກັນໄປຕຶກເບັດຢູ່ແຄມທົ່ງນາຂອບເຂດເສັ້ນທາງດ່ວນເມື່ອເດັກນ້ອຍທັງ 3 ຄົນ ກໍາລັງຕຶກເບັດຢູ່ນັ້ນ ໄດ້ມີທ້າວ ຕົງທໍ່ ຜູ້ກໍ່ເຫດໄດ້ຊວນເດັກນ້ອຍທັງ 3 ຄົນວ່າ: ໄປກິນໝາກສີດາຢູ່ຄັງຜູ້ກ່ຽວເມື່ອໄປຮອດຕູບທ້າວ ຕົງທໍ່ ໄດ້ຈັບເອົາ ໄມ້ຄ້ອນຕີໃສ່ງ່ອນທີ່ເປັນແມ່ຍິງອາຍຸ 6 ປີ ຈໍານວນ 2 ບາດ ເສຍຊີວິດຄາທີ່,ສ່ວນເດັກນ້ອຍຊາຍ 2 ຄົນທີ່ມານໍາກັນແມ່ນໄດ້ພາກັນແລ່ນໜີແລ້ວມາບອກພໍ່ແມ່ຍາດພີ່ນ້ອງອໍານາດການປົກຄອງບ້ານເມື່ອຮູ້ແນວ

ນັ້ນຈຶ່ງຟ້າວໄປຈຸດເກີດເຫດ ແລະໄດ້ພົບເຫັນຊາກສົບຂອງເດັກນ້ອຍຍິງຖືກຕັດແຂນທັງສອງເບື້ອງເປັນ 4 ທ່ອນຕົ້ມໃສ່ໝໍ້, ຍາດພີ່ນ້ອງຂອງຜູ້ເສຍຊີວິດຈຶ່ງໄດ້ຈັບຕົວຜູ້ກໍ່ເຫດແຕ່ຜູ້ກໍ່ເຫດບໍ່ໃຫ້ຈັບຈຶ່ງມີການຕໍ່ສູ້ກັນເຮັດໃຫ້ຜູ້ກໍ່ເຫດໄດ້ຮັບບາດເຈັບພໍສົມຄວນກ່ອນສົ່ງໃຫ້ເຈົ້າໜ້າທີ່ດໍາເນີນຄະດີເຈົ້າໜ້າທີ່ຍັງໃຫ້ຮູ້ຕື່ມອີກວ່າ: ຊາກສົບໃນເບື້ອງນອກຍັງພົບເຫັນບໍ່ລິເວນໜ້າຜາກມີຮອງຮອຍບວມຊໍ້າ 8x5 ຊັງ ຕີເມັດ,ຮີມສົບເບື້ອງຂວາມີຮອຍແທງດ້ວຍວັດຖຸມີຄົມຂະໜາດ 1 ຊັງຕີເມັດ,ບໍລິເວນຄາງກະໄຕມີຮອຍບາດ 2 ຮອຍ ຂະໜາດ 0,5x2,3 ຊັງຕີເມັດເລິກ 0,5 ຊັງຕີເມັດ, ບໍລິເວນກ້ອງຄາງກະໄຕຖືກຕັດດ້ວຍວັດຖຸມີຄົມຈໍານວນ 5 ຮ່ອງຮອຍແຕ່ລະຮ່ອງຮອຍມີຂະໜາດ 5x3 ຊັງຕີເມັດເລິກ 2 ຊັງຕີເມັດ, ໜ້າທ້ອງຖືກປາດດ້ວຍວັດຖຸມີຄົມຂະໜາດ 10x16 ຊັງຕີເມັດເຮັດໃຫ້ອະໄວຍະວະສ່ວນໃສ້ອອກມານອກຢູ່ຕູບຜູ້ກໍ່ເຫດຍັງມີກັບໄຟ,ມີດ,ໝໍ້, ມຸ້ງ, ໝອນ,ຜ້າຫົ່ມ,ແຜ່ນປູນທີ່ຖືກທຸບເປັນປ່ຽງມາຕັ້ງອ້ອມຂ້າງຕຽງ ແລະມີຮ່ອງຮອຍການແຕ້ມຫຼາຍຮູບພາບອາດຈະແມ່ນສັນຍາລັກໃດໜຶ່ງ.

  ປະຊາຊົນຍັງໃຫ້ຮູ້ຕື່ມວ່າ: ຜ່ານມາຜູ້ກ່ຽວເປັນນັກຮ້ອງທີ່ມີຊື່ສຽງຂອງຊົນໜຶ່ງ, ພາຍຫຼັງພໍ່ແມ່ເສຍຊີວິດຜູ້ເປັນອ້າຍໄດ້ສ້າງຄອບຄົວໃໝ່ຜູ້ກ່ຽວຈຶ່ງແຍກຕົວມາອາໄສຢູ່ຕູບຄັງຂອງຜູ້ກ່ຽວໄດ້ປະມານ 10 ປີ.

_____________

ຂ່າວ: ປກສ ແຂວງວຽງຈັນ   

#ຫນັງສືພິມເສດຖະກິດສັງຄົມ

   

แชร์