ຍີ່ປຸ່ນກຽມທົດລອງວັດຜົນກະທົບຈາກໂຄວິດຕໍ່ເງິນທຶນ

   ຍີ່ປຸ່ນເລັ່ງທົດລອງຄວາມຄຽດຂອງທະນາຄານລາຍໃຫຍ່ເພື່ອວັດຜົນກະທົບຂອງການແຜ່ລະບາດຂອງເຊື້ອພະຍາດໂຄວິດ- 19 ຕໍ່ເງິນທຶນ.

  ຕາມຂ່າວຕ່າງປະເທດລາຍງານວ່າທະນາຄານກາງຍີ່ປຸ່ນເປີດເຜີຍວ່າຍີ່ປຸ່ນກຳລັງວາງແຜນຈະທົດລອງຄວາມຄຽດກັບສະຖາບັນການເງິນຕົ້ນຕໍ 5 ແຫ່ງໃນປີນີ້ເພື່ອ ເບິ່ງວ່າການແຜ່ລະບາດຂອງເຊື້ອໂຄວິດ-19 ສົ່ງຜົນຕໍ່ລາຍໄດ້ ແລະເງິນທຶນແນວໃດໂດຍຈະເປັນເທື່ອທຳອິດທີ່ທະນາຄານກາງຍີ່ປຸ່ນ (ບີໂອເຈ) ແລະໜ່ວຍງານກຳກັບເບິ່ງແຍງທະນາຄານ (ເອຟເອສເອ) ໄດ້ທົດລອງຄວາມຄຽດສະຖາບັນການເງິນຕົ້ນຕໍ 5 ແຫ່ງຮ່ວມກັນໃນເດືອນທັນວາ, ກ່ອນໜ້ານີ້ໄດ້ນຳສະເໜີຜົນການສຶກສາຕໍ່ສະຖາບັນທັງ 5 ເຊັ່ນ: ທະນາຄານໃຫຍ່ 3 ແຫ່ງຂອງຍີ່ປຸ່ນ ແລະທະນາຄານໂນຣິນຈູຄິນ ແລະຊູມິໂຕໂມ ມິດຊຸຍ ທຣັສ ໂຣລດິງ ພ້ອມທັງໃຫ້ຂໍ້ສະເໜີແນະນໍາໄປໃນເດືອນກໍລະກົດ ແລະຈາກນີ້ບີໂອເຈ ແລະເອຟເອສເອ ຈະທົດລອງຄວາມຄຽດດັ່ງກ່າວເປັນປະຈຳໂດຍໃນປີນີ້ຈະມຸ້ງເໜັ້ນພິຈາລະນາວ່າສະຖາບັນການເງິນມີຄວາມຍືດຫຍຸ່ນພຽງໃດຕໍ່ຄວາມສ່ຽງທີ່ເກີດຈາກການລະບາດຂອງໂຄວິດ.

  ລາຍງານລະບຸວ່າຄວາມທ້າທາຍທີ່ຍິ່ງໃຫຍ່ທີ່ສຸດຄືການກຳນົດສະຖານະການພື້ນຖານ ແລະຜົນກະທົບທີ່ຕາມມາຈາກການແຜ່ລະບາດຂອງເຊື້ອໂຄວິດ-19 ໂດຍຜົນ ການທົດລອງຄວາມຄຽດຈະບໍ່ໄດ້ຮັບການເຜີຍແຜ່ແຕ່ຈະໃຊ້ເປັນພື້ນຖານການສື່ສານລະຫວ່າງໜ່ວຍງານກຳກັບດູແລກັບສະຖາບັນການເງິນ.

#ຫນັງສືພິມເສດຖະກິດສັງຄົມ

แชร์