ສະຫະພັນນັກຮົບເມືອງພຽງສະຫຼຸບວຽກງານຜ່ານມາ

  ກອງປະຊຸມຄົບຄະນະບໍລິຫານງານສະຫະພັນນັກຮົບເກົ່າເມືອງພຽງຄັ້ງທີ 2 ສະໄໝທີ IV ໄດ້ໄຂຂຶ້ນໃນ ຂອງວັນທີ 5 ຕຸລາ 2020 ທີ່ຫ້ອງປະຊຸມໃຫຍ່ເມືອງພຽງ ແຂວງໄຊຍະບູລີ ໂດຍການເປັນປະທານຂອງທ່ານ ພັທ ສົມພອນ ລໍວັນຄໍາ ປະທານສະຫະພັນນັກຮົບເກົ່າເມືອງພຽງເປັນກຽດເຂົ້າຮ່ວມຂອງທ່ານ ເສີດ ແສງສຸລີນ ເຈົ້າເມືອງໆພຽງ, ທ່ານ ພັທ ນາງ ດວງສີ ກັນທະຍາໂນຮອງປະທານສະຫະພັນນັກຮົບເກົ່າແຂວງໄຊຍະບູລີ, ມີທີມງານຈາກສະຫະພັນນັກຮົບເກົ່າແຂວງ, ອົງການຈັດຕັ້ງພາຄີເມືອງ, ຕ່າງໜ້າ ປກຊ, ປກສ, ຄະນະໜ່ວຍສະມາຊິກນັກຮົບເກົ່າ ແລະພະນັກງານຫຼັກແຫຼ່ງເຂົ້າຮ່ວມຢ່າງພ້ອມພຽງ.

  ກອງປະຊຸມໄດ້ສະຫຼຸບຕີລາຄາຄືນການຊີ້ນຳ-ນຳພາຂອງຄະນະບໍລິຫານງານສະຫະພັນນັກຮົບເກົ່າເມືອງພຽງໃນໄລຍະ 1ປີ ຜ່ານມາ ຄື:  ຜ່ານບົດສະຫຼຸບການຈັດຕັ້ງປະຕິບັດວຽກງານຮອບດ້ານ 1 ປີຜ່ານມາ ແລະທິດທາງແຜນການ 1 ປີ ຕໍ່ໜ້າ, ຜ່ານບົດສະຫຼຸບການຈັດຕັ້ງ ປະຕິບັດແຜນພັດທະນາເສດຖະກິດ-ສັງຄົມ ແລະບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ 6 ຮັກສາປະຈໍາປີ 2019; ຕີລາຄາຢ່າງເລີກເຊີ່ງຕໍ່ດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ ແລະບົດຮຽນທີ່ຖອດ ຖອນໄດ້ເປັນເອກະພາບຮັບຮອງເອົາທິດທາງແຜນການເຄື່ອນ ໄຫວວຽກງານໃນຕໍ່ໜ້າຄະນະບໍລິຫານງານສະຫະພັນນັກຮົບເກົ່າເມືອງພຽງປະກອບ ມີ 11 ສະຫາຍ, ປະຈໍາຢູ່ຮາກຖານບ້ານ 8 ສະຫາຍ, ມີສະມາຊິກນັກຮົບເກົ່າທັງໝົດ 592 ສະຫາຍ ໄດ້ມີຄວາມຕັ້ງໜ້າເຄື່ອນໄຫວຕາມພາລະບົດບາດຂອງຕົນໃນການປຸກລະດົມຂົນ ຂວາຍເຕົ້າໂຮມຄວາມສາມັກຄີປ້ອງດອງກັບປະຊາຊົນບັນດາເຜົ່າໄດ້ດີຄ່ຽງຄູ່ກັບການຈັດຕັ້ງສຶກສາອົບຮົມການເມືອງແນວຄິດ, ການປົກປັກຮັກສາເສີມຂະຫຍາຍມູນເຊື້ອປະຕິວັດປະກອບສ່ວນໃນການຄຸ້ມຄອງລັດ-ຄຸ້ມຄອງສັງຄົມພັດທະນາສ້າງສາບ້ານເມືອງ ຊຶ່ງມັນສະແດງອອກທົ່ວສະ ຫະພັນນັກ ຮົບເກົ່າເມືອງ ໄດ້ມີກອງທຶນຊ່ວຍເຫຼືອເຊິ່ງກັນ ແລະກັນມີສະມາຊິກກອງທຶນທັງໝົດ 224 ສະຫາຍມີເງິນກອງທຶນ 116,30 ລ້ານກີບ, ມີຄອບຄົວດ້ານການປູກຟັງ 580 ຄອບຄົວ, ຄອບຄົວລ້ຽງສັດ 592 ຄອບຄົວ, ຄອບຄົວດ້ານການບໍລິ ການ 10 ຄອບຄົວ, ສະ ມາຊິກນັກຮົບເກົ່າມີເຮືອນຢູ່ຖາວອນ 318 ຄອບຄົວ, ເຄິ່ງຖາວອນ 102 ຄອບຄົວ, ເຮືອນຊົ່ວຄາວ 35 ຄອບຄົວ, ທົ່ວເມືອງມີຄອບຄົວຕົວແບບ 2 ຄອບຄົວ.

 ກອງປະຊຸມໄດ້ຮັບຟັງການໂອ້ລົມທ່ານພັທ ນາງ ດວງສີ ກັນທະຍາໂນ ຮອງປະທານສະຫະພັນນັກຮົບເກົ່າແຂວງກ່ອນອື່ນໄດ້ສະແດງຄວາມຊົມເຊີຍຕໍ່ຜົນສໍາເລັດທີ່ເຮັດມາໄດ້ ແລະໄດ້ເນັ້ນໜັກບາງບັນຫາໃນຄະນະບໍລິຫານງານສະຫະພັນນັກຮົບເກົ່າເມືອງ ເພີ່ມທະວີຮັກສາມູນເຊື້ອປະຕິວັດ, ຄວາມສາມັກຄີ, ແບບແຜນວິທີເຮັດວຽກໃຫ້ມີຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ມອບໝາຍໃຫ້ມີຜົນສໍາເລັດຕາມລະດັບຄາດໝາຍທີ່ວາງໄວ້, ເປັນເຈົ້າການໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ 6 ຮັກສາໃຫ້ເປັນຂະບວນຢ່າງຕໍ່ເນື່ອງຕິດພັນກັບຂະບວນຮັກຊາດ ແລະພັດທະນາ.

________

ໜັງສືພິມເສດຖະກິດ-ສັງຄົມ

แชร์