ແອັບເປິ້ນອາດຈະນຳເຕັກໂນໂລຊີ ໄມໂຄຣແອລອີດີດິສເພລມາໃຊ້ກັບແອັບເປິ້ນວອຊ

  ໃນປີນີ້ Apple Watch Series 6 ຈະມີການໃຊ້ໜ້າຈໍແບບ OLED ເໝືອນກັບລຸ້ນກ່ອນຍັງຄົງບໍ່ທັນໄດ້ໃຊ້ເຕັກໂນໂລຊີໜ້າຈໍສຸດລໍ້າດັ່ງ microLED Display ທີ່ມີການພັດທະນາຢູ່.

  ສຳນັກຂ່າວ DigiTime ໄດ້ລາຍງານວ່າ Smart Watch ລຸ້ນດັ່ງກ່າວຈະປັບປ່ຽນມາໃຊ້ໜ້າຈໍm icroLED ພາຍໃນເວລາ 3-4 ປີຂ້າງໜ້າເພາະວ່າການຜະລິດໜ້າຈໍທີ່ຍາກ ໂດຍໄລຍະເວລາ 2-3 ປີຈະຜະລິດເປັນແບບ Mess ແລະພ້ອມຈະສົ່ງມອບໃນຊ່ວງເວລາທີ່ບອກໄປຕັ້ງ ແຕ່ຕົ້ນນອກຈາກນີ້ຍັງມີການເປີດເຜີຍວ່າ Apple ມີການລົງທຶນກວ່າ 330 ລ້ານໂດລາສະຫະລັດໃນໂຮງງານຜະລິດໜ້າຈໍ MicroLED ເພື່ອຈະນຳໜ້າຈໍນີ້ມາໃຊ້ກັບອຸປະກອນບໍ່ວ່າຈະເປັນ iPhone, iPad, Mac book ອີກບໍ່ດົນ.

  ແລ້ວເປັນຫຍັງຕ້ອງເປັນໜ້າຈໍແບບ Micro LED  ຄຳຕອບຄືມັນມີຂະໜາດນ້ອຍກວ່າ ແລະເບົາກວ່າແຖມຍັງໃຊ້ພະລັງງານນ້ອຍກວ່າ ແລະສີສັນໃກ້ຄຽງກັບ OLED ແລະຕອບສະໜອງໄວກວ່າ OLED ໃນຕອນນີ້ຢ່າງໃດກໍຕາມຄົງຕ້ອງຈັບຕາເບິ່ງກັນຕໍ່ວ່າ Apple ຈະເລີ່ມ  ໃຊ້ Micro LED ກັບອຸປະກອນລຸ້ນໃດກ່ອນ.

----

ໜັງສຶພິມ ເສດຖະກິດ-ສັງຄົມ

แชร์