ປະທານ ສຟລ ລະບຸຄຳສັ່ງ 15/ນຍ ມີຜົນດີຫຼາຍຕໍ່ປ່າໄມ້ ຮຽກຮ້ອງລັດເບີ່ງຄືນການແກ້ໄມ້ເກົ່າ

  ພາຍຫຼັງທີ່ລັດຖະບານໄດ້ອອກຄຳສັ່ງ 15/ນຍ ເມື່ອ 2-3 ປີມານີ້ການຈັດຕັ້ງປະຕິບັດມີຜົນສຳເລັດດີພໍສົມຄວນເຫັນໄດ້ຈາກປ່າໄມ້ຖືກທຳລາຍຫຼຸດລົງການສົ່ງອອກໄມ້ທ່ອນໄປຍັງຕະຫຼາດຕ່າງປະເທດຖືກຢຸດຕິທີ່ສຳຄັນພື້ນທີ່ສີຂຽວໃນຂອບເຂດທົ່ວເທດເພີ່ມຂຶ້ນຂະນະທີ່ມີໂຮງງານໄມ້ຈຳນວນໜື່ງບໍ່ຄ່ອຍເຫັນນຳທັ ງນີ້ປະທານສະມາຄົມເຟີນີເຈີລາວຊີ້ແຈງວ່າມີແຕ່ຜູ້ເສຍຜົນປະໂຫຍດຈຳນວນນ້ອຍເທົ່ານັ້ນສ່ວນຕົວກໍຄືສະມາຄົມແມ່ນເຫັນດີເຫັນພ້ອມເປັນຢ່າງຍິ່ງທີ່ຈະເປັນການສ້າງມູນຄ່າໃຫ້ກັບໄມ້ລາວໄດ້ມີລາຄາສູງຂຶ້ນໃນອະນາຄົດທັງນີ້ຮຽກຮ້ອງໃຫ້ໜ່ວຍງານພາກລັດເບິ່ງຄືນການແກ້ໄຂໄມ້ເກົ່າທີ່ບໍ່ໝົດເປັນຈັກເທື່ອ.

 ທ່ານ ຄຳໄພ ສົມຊະນະ ປະທານສະມາຄົມເຟີນິເຈີລາວ (ສຟລ) ໃຫ້ສຳພາດຕໍ່ທີມຂ່າວໜັງສືພິມເສດຖະກິດ-ສັງຄົມຮູ້ວ່າ: ໃນກອງປະຊຸມປະຈຳປີສະພາການຄ້າ ແລະອຸດສາຫະກຳແຫ່ງຊາດທີ່ຈັດ ຂຶ້ນເມື່ອເດືອນມັງກອນຜ່ານມາທີ່ຫໍປະ ຊຸມແຫ່ງຊາດ ນະຄອນຫຼວງວຽງຈັນ ໂອກາດໃຫ້ກຽດເຂົ້າຮ່ວມໂອ້ລົມຂອງທ່ານ ນາຍົກລັດຖະມົນຕີ ກໍໄດ້ກ່າວຫຼາຍບັນຫາທີ່ມີຄວາມສຳຄັນ ໂດຍຖ້າຄອບຄົວ ໃດມີລູກເວົ້າງ່າຍສອນງ່າຍກໍຈະເຮັດໃຫ້ຄອບຄົວນັ້ນຢູ່ດີມີສຸກແຕ່ກົງກັນຂ້າມ ຄອບຄົວໃດຫາກລູກບໍ່ຄ່ອຍຟັງຄວາມພໍ່ ແມ່ກໍຍ່ອມມີຄວາມຫຍຸ້ງຍາກ ເຊັ່ນດຽວ ກັນກັບປະເທດຊາດລັດຖະບານກໍຢາກໃຫ້ປະເທດຊາດຈະເລີນຮັ່ງມີ ແລະເປັນ ຫ່ວງເປັນໃຍ ພ້ອມຮຽກຮ້ອງນັກທຸລະ ກິດທີ່ທີ່ມີຜົນງານ ເຮັດແທ້ທຳຈິງເຕີບ ໃຫຍ່ມາກັບພັກ-ລັດ ກໍຈົ່ງປະກອບສ່ວນຊ່ວຍເຫຼືອປະເທດຊາດໃນຍາມພົບບັນຫາ ແລະນຳພາປະຊາຊົນຜະລິດ ພ້ອມຊອກ ຕະຫຼາດຈຳໜ່າຍໃຫ້ເຂົາເຈົ້າໄດ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

  ນອກຈາກນັ້ນແລ້ວ ທ່ານ ຄຳໄພ ສົມຊະນະ ກ່າວຕື່ມວ່າ ທ່ານນາຍົກຍັງຍົກເຖິງ 15/ນຍ ໂດຍໃນ 2-3 ປີຜ່ານ ມາການຈັດຕັ້ງປະຕິບັດມີຜົນສຳເລັດດີພໍສົມຄວນ ແລະກໍໄດ້ສຽງຕອບຮັບໃນທາງທີ່ດີຈາກສາກົນລວມທັງພາຍໃນໂດຍລວມແມ່ນດີຫຼາຍ ແລະສາມາດຫຼຸດການທຳລາຍປ່າໄມ້ການສົ່ງອອກໄມ້ທ່ອນ ເຮັດໃຫ້ພື້ນທີ່ີສີຂຽວໃນທົ່ວປະເທດມີເນື້ອທີ່ເພີ່ມຂຶ້ນຄືດັ່ງທີ່ຮັບຮູ້ ແລ້ວໄມ້ຕົ້ນໜຶ່ງຈະຕັດໄດ້ຕ້ອງໃຊ້ເວລາ 50-100 ປີ ທີ່ຈະເປັນໄມ້ຮົ່ມເຢັນໃຫ້ກັບທຸກສີ່ງທີ່ມີຊີວິດທັງໝົດ ແລະມາເບິ່ງຄືນ ການສົ່ງໄມ້ທ່ອນອອກຫຼາຍ 10 ປີຜ່ານ ມາ ແຕ່ລາຍໄດ້ເຂົ້າງົບແຫ່ງຊາດໄດ້ບໍ່ສົມມາພາຄວນທັງໆທີ່ເປັນປະເທດຕົ້ນທາງ ແຕ່ປະເທດປາຍທາງພັດມີຕົວເລກ ສູງຫຼາຍຍ້ອນໄດ້ປຸງແຕ່ງກ່ອນ ແລະສິ່ງ ນີ້ແມ່ນບໍ່ທັນຕອບໂຈດໄດ້ໃນການຫຼຸດຕົວເລກທຸກຍາກແຕ່ປ່າໄມ້ຫຼຸດລົງແລ້ວ ເກີດໄພທຳມະຊາດໂດຍສະເພາະໄພແຫ້ງແລ້ງ ແລະໄພນໍ້າຖ້ວມທີ່ຮຸນແຮງຂຶ້ນຈິ່ງມີການອອກແຈ້ງການໃຫ້ຢຸດ.

 ຢ່າງໃດກໍຕາມເວົ້າລວມແລ້ວຄຳສັ່ງ 15/ນຍ ແມ່ນດີຫຼາຍແຕ່ກໍມີຈຳນວນ ໜຶ່ງມັກງ່າຍທີ່ເສຍຜົນປະໂຫຍດວ່າບໍ່ດີຕໍ່ການຢຸດຕິສົ່ງງອກໄມ້ທ່ອນຢຸດຕິ ການທຳລາຍປ່າ ຕໍ່ກັບບັນຫານີ້ຮຽກຮ້ອງ ໃຫ້ຈຳນວນດັ່ງກ່າວອອກມາຊີ້ແຈ້ງວ່າ ເປັນຍ້ອນຫຍັງ ແລະເຫດຜົນຫຍັງຈິ່ງວ່າບໍ່ດີແຕ່ໃນນາມສ່ວນຕົວແລ້ວແມ່ນດີ ຫຼາຍ ໂດຍຄົນເຮົາຈະໄດ້ກິນໄດ້ໃຊ້ແລ້ວ ທຳມະຊາດກໍຈະຢືນຍົງ ທ່ານ ຄຳໄພ ສົມ ຊະນະ ກ່າວ.

ແຕ່ທັງນີ້ປະທານສະມາຄົມເຟີນີເຈີ ລາວ ສະເໜີວ່າ: ພວກເຮົາຈະຄຸມກັນ ແນວໃດ ວ່າຕົ້ນກຳເນີດໄມ້ນັ້ນມາແຕ່ໃສ ຖືກຕ້ອງແລ້ວ ຫຼື ບໍ່ ແລະຂໍໃຫ້ເພີ່ມຂະ ໜາດໄມ້ທີ່ເຮັດເປັນເຟີນີເຈີ ໂດຍອີງໃສ່ ລູກຄ້າຕ້ອງການຈິ່ງຈະໄປໄດ້ ແລະເປັນ ການສົ່ງເສີມ ຖ້າເຮົາກຳນົດໃຫ້ນ້ອຍ ແລະບາງເກີນໄປກໍຈະເປັນຂີ້ເລື່ອຍເທົ່າ ນັ້ນ ສຸດທ້າຍທຸກຝ່າຍກໍອັບປະໂຫຍດໄປ ໝົດ ຈຸດນີ້ເຮົາຄວນເບິ່ງກົນໄກຕະຫຼາດ ຂໍໃຫ້ເຈົ້າໜ້າທີ່ກ່ຽວຂ້ອງ ແລະເຈົ້າຂອງ ໂຮງງານມີຄວາມຈິງໃຈ ຮັດກຸມຜີເຮືອນ ກໍຕ້ອງພ້ອມຜີປ່າ ວ່າໄມ້ມີຕົ້ນກຳເນີດ ມາຈາກໃສກ່ອນເຂົ້າໂຮງງານ ເພື່ອເຮັດ ແນວໃດ້ບໍ່ໃຫ້ຜູ້ກະທຳຜິດຕໍ່ລະບຽບຢູ່ ໄດ້ ແລະໃຫ້ຜູ້ເຮັດດີເຮັດແທ້ທຳຈິງໄປ ໄດ້ ເຈົ້າໜ້າຄຸ້ມຄອງກໍຕ້ອງປະຕິບັດໃຫ້ເຂັ້ມງວດ.

 ຂະນະທີ່ຕໍ່ກັບປະເດັນມີການຂໍແກ້ໄຂໄມ້ເກົ່າໄມ້ໂຫຼກແມ່ນມີຂຶ້ນທຸກປີດ້ານນີ້ກໍຂໍໃຫ້ລັດເບີ່ງຄືນ ຫຼື ອາດຈະກຳນົດເວລາໃນການແກ້ໄຂຢ່າງຈະແຈ້ງບໍ່ດັ່ງນັ້ນໄມ້ເກົ່າກໍຈະບໍ່ໝົດເປັນຈັກເທື່ອ ແລະສຸດທ້າຍໄມ້ກໍໝົດໄປທຸກໆປີລັດກໍເສຍລາຍຮັບສ່ວນປະຊາຊົນກໍຈະປະເຊີນກັບບັນຫາໄພທຳມະຊາດທີ່ຮຸນແຮງ ແລະຍາກທີ່ຈະຫຼຸດພົ້ນອອກຈາກຄວາມທຸກຍາກໄດ້ ທ່ານ ຄຳໄພ ສົມຊະນະ ກ່າວ.

ນສພ ເສດຖະກິດ-ສັງຄົມ

แชร์