ໄຊພູທອງ ຈັດກິດຈະກໍາແຂ່ງຂັນກີລາ

  ເພື່ອເປັນການສ້າງຂະບວນການຂໍ່ານັບຮັບຕ້ອນໃຫ້ແກ່ກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງສະຫວັນນະເຂດທີ່ຈະໄດ້ໄຂຂຶ້ນໃນມໍ່ໆນີ້ໃຫ້ເຕັມໄປດ້ວຍຜົນງານອັນຍິ່ງໃຫຍ່ ແລະໄດ້ຮັບຜົນສໍາເລັດຢ່າງຈົບງາມ, ວັນຊາດ ທີ 2 ທັນວາ ຄົບຮອບ 45 ປີ ແລະວັນເກີດຂອງປະທານໄກສອນ ພົມວິຫານຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດຄົບຮອບ 100 ປີ , ສະນັ້ນຫວ່າງບໍດົນຜ່ານມານີ້, ອໍານາດການປົກຄອງ ເມືອງໄຊພູທອງ ແຂວງສະຫວັນນະເຂດ ກໍ່ໄດ້ຈັດກິດຈະກໍາແຂງຂັນກີລາ ຊຶ່ງປະກອບມີ 2 ປະເພດ ກີລາຄື: ກີລາເປຕັງ ແລະກີລາບານ ເຕາະເພື່ອລະດົມທຶນຊື້ດອກໄຟ Solar Cell ຫຼື ດອກໄຟທີ່ໃຊ້ພະລັງງານແສງຕາເວັນເຍືອງທາງຕິດຕັ້ງຕາມເສັ້ນທາງເທສະບານ ເມືອງ, ນໍາໂດຍທ່ານ ຄໍາວິໃສ ຜຸຍຍະວົງ ເຈົ້າເມືອງໄຊພູທອງ, ທ່ານ ຫ່ວນ ຮັງບົວສອນ ຮອງເລຂາພັກຜູ້ຊີ້ນໍາວຽກງານພັກ-ພະນັກງານເມືອງ, ມີບັນດາຫົວໜ້າພະແນກການອ້ອມຂາງແຂວງ ແລະບັນດາເມືອງອ້ອມຂ້າງ 6 ຕົວເມືອງ ແລະເມືອງໄຊພູທອງເຈົ້າພາບ, ບັນດາວິ ທະຍາໄລ ແລະໂຮງ ຮຽນວິຊາຊີບ ແລະຜູ້ປະກອບການ-ນັກທຸລະກິດເຂົ້າຮ່ວມ.

  ໃນງານຄັ້ງນີ້, ຜູ້ເຂົ້າຮ່ວມກໍ່ ໄດ້ແຂ່ງຂັນກີລາລະຫວ່າງທີມການນໍາຈາກພະແນກການອ້ອມຂ້າງແຂວງ ແລະບັນດາເມືອງອ້ອມຂ້າງໃນ 7 ຕົວເມືອງການແຂ່ງຂັນກີລາໄດ້ແບ່ງອອກເປັນ 2 ປະເພດກີລາຄື: ກີລາບານເຕະ ແລະກີລາເປຕັງ, ສ່ວນການກີລາບານແຕະແມ່ມີ 1 ທີມລະຫວ່າງພະແນກການອ້ອມຂ້າງ ແລະເມືອງພົບກັບເມືອງ ໄຊພູທອງ ເຈົ້າພາບເພື່ອມາປະ ກອບສ່ວນທຶນຊື້ດອກໄຟ Solar Cell ຫຼື ດອກໄຟທີ່ໃຊ້ພະລັງງານແສງຕາເວັນ, ຕິດຕັ້ງຕາມເສັ້ນທາງເທສະບານເມືອງ ຊຶ່ງເລີ່ມຈາກຫ້ອງວ່າການປົກຄອງຫາຫ້ອງການ ຍທຂ ເມືອງ, ຖ້າຫາກຕິດຕັ້ງສໍາເລັດຈະເຮັດໃຫ້ເສັ້ນທາງພາຍໃນເທສະບານເມືອງໄຊພູທອງມີຄວາມສວຍງາມ ແລະມີແສງສະຫວ່າງຕາມເສັ້ນທາງ ໂດຍປະ ຕິບັດຕາມທິດສ້າງເມືອງໄຊພູທອງໄປຕາມ 6 ສ. ດ້ວຍເຫດນີ້ເອງ ຈຶ່ງໄດ້ຈັດງານແຂງຂັນ-ຍ້ອງຍໍເພື່ອສົມທົບທຶນຊື້ໂຊລາເຊວຂຶ້ນ,  ຕໍ່ມາຊຶ່ງພາຍໃນງານຄັ້ງນີ້ກໍ່ສະຫຼັບກັບການມອບ-ຮັບເງິນປະກອບສ່ວນຊື້ໂຊລາເຊວເຍືອງທາງທີ່ມາປະກອບສ່ວນຈາກພາກສ່ວນຫົວໜ້າພະແນກການອອ້ມຂ້າງແຂວງ ແລະບັນດາການນໍາຂອງເມືອງອ້ອມຂ້າງຈໍານວນ 7 ຕົວເມືອງ ແລະສ່ວນບຸກຄົນ, ບໍລິສັດຫ້າງຮ້ານ ແລະນັກທຸລະກິດ, ຜ່ານການຈັດກິດຈະກໍາແຂງຂັນກີລາຄັ້ງນີ້ ສາມາດລະດົມທຶນໄດ້ທັງໝົດ 60,4 ລ້ານກີບ ແລະເງິນບາດ 79.700 ບາດ, ເງິນໂດລາ 150 ໂດລາ  ແລະອຸປະກອນກີລາຈໍານວນໜຶ່ງ .

  ພາຍໃນງານໄດ້ໃຫ້ກຽດຕ້ອນຮັບເປັນຢ່າງດີຈາກບັນດາການນໍາຂອງເມືອງການນໍາຂອງເມືອງໄຊພູທອງຍາມໃດກໍ່ຢາກພັດທະນາ ແລະຊອກຫາແຫຼ່ງທຶນມາພັດທະນາຕົວເມືອງເພື່ອໃຫ້ມີເສັ້ນທາງພາຍໃນເທສະບານເມືອງມີໄຟເຍືອງທາງທັງສອງພາກຂ້າງ, ເພື່ອເຮັດໃຫ້ການສັນຈອນໄປມາຂອງພໍ່ແມ່ປະຊາຊົນມີຄວາມປອດໄພໃນການສັນຈອນໃນຍາມຄໍ່າຄືນ, ອີກຢ່າງໜຶ່ງກໍ່ເພື່ອຫຼຸດຜ່ອນອຸບັດເຫດຕາມທ້ອງຖະໜົນຂອງພໍ່ແມ່ປະຊາຊົນ, ທັງນີ້ກໍ່ເພື່ອຮັດແໜ້ນຄວາມສາມັກຄີລະຫວ່າງພະແນກການອ້ອມຂ້າງແຂວງ ແລະບັນດາເມືອງອ້ອມຂ້າງທັງເປັນການອອກກໍາລັງກາຍເຮັດໃຫ້ສຸຂະພາບແຂງແຮງດັ່ງຄໍາເວົ້າທີ່ວ່າ: ກີລາສ້າງຄົນ, ຄົນສ້າງຊາດພ້ອມນັ້ນຍັງໄດ້ແຂ່ງຂັນກີລາມິດ      ຕະພາບລະຫວ່າງພະແນກການຂອງແຂວງ, ເມືອງກັບນັກທຸລະກິດຕື່ມອີກ.

----

ໂດຍ: ພັນທະມິດ ວົງສຸທິ

แชร์