ສູນບໍລິການກອງທຶນປະກັນສັງຄົມແຂວງໄຊຍະ ສືບຕໍ່ຂຶ້ນທະບຽນວິສາຫະກິດໃໝ່

 ໃນປີ 2019 ສູນບໍລິການກອງທຶນປະກັນສັງຄົມແຂວງໄຊຍະບູລີຈະສືບຕໍ່ຂຶ້ນທະບຽນວິສາຫະກິດໃໝ່ໃຫ້ໄດ້ 12 ວິສາຫະກິດ ແລະຜູ້ອອກແຮງງານໃໝ່ໃຫ້ໄດ້ 1 ພັນຄົນພ້ອມທັງເອົາໃຈໃສ່ຄິດໄລ່ໃບອຸດໜູນປະກັນສັງຄົມແຕ່ລະພາກສ່ວນນຳອີກ.

  ທ່ານ ຢາງເຊັງ ຊິງຢາງ ຮັກສາການຫົວໜ້າສູນບໍລິການກອງທຶນປະກັນສັງຄົມແຂວງ ໄຊຍະບູລີ ໄດ້ເປີດເຜີຍວ່າ: ປະຈຸບັນທົ່ວແຂວງ ໄຊຍະບູລີ ໄດ້ມີຜູ້ເກີດສິດຂຶ້ນທະບຽນ ແລະຮັບການຄຸ້ມຄອງດ້ານການປິ່ນປົວສຸຂະພາບທັງໝົດ 40.251 ຄົນ. ໃນນີ້ມີຜູ້ປະກັນຕົວ 19.649 ຄົນ, ຄູ່ສົມລົດ 9,02 ຄົນ ແລະລູກ 11.577 ຄົນ. ພາກລັດມີຜູ້ປະກັນຕົວເກີດສິດປິ່ນປົວມີ 12.451 ຄົນ, ຄູ່ສົມລົດ 5.601 ຄົນ, ລູກ 7.860 ຄົນ, ພາກວິສາຫະກິດມີຜູ້ປະກັນຕົວເກີດສິດປິ່ນປົວ 7.198 ຄົນ, ຄູ່ສົມລົດ 3.424 ຄົນ, ລູກ 3.717 ຄົນ ພ້ອມນີ້ມີສູນບໍລິການກອງທຶນປະກັນສັງຄົມແຂວງໄດ້ແກ້ໄຂເງິນອຸດໜູນທັງໝົດ 3.841 ຄົນ ເປັນເງິນ 45,76 ຕື້ກວ່າກີບ. ໃນນີ້ພາກລັດ ມີ 3.136 ຄົນເຊັ່ນ: ອຸດໜູນໄລຍະສັ້ນ 570 ຄົນ, ເສຍຊີວິດ 79 ຄົນຄືເປັນພະນັກງານ 19 ຄົນ, ບໍານານ 29 ຄົນ, ລູກ 7 ຄົນ, ຄູ່ສົມລົດ ພະນັກງານ 6 ຄົນ, ຄູ່ສົມລົດບໍານານ 13 ຄົນ ແລະພະນັກງານເສຍອົງຄະ 5 ຄົນ, ອຸດໜູນເກີດ ລູກ 472 ຄົນ, ບໍາເນັບ (ອອກການ) 19 ຄົນ, ອຸດໜູນໄລຍະຍາວ 2,566 ຄົນ. ໃນນີ້ອຸດໜູນຕາມກົດໝາຍ 1.778 ຄົນ, ຕາມດຳລັດ 241/ນຍ 37 ຄົນ, ເສຍອົງຄະຕາມດຳລັດ 343/ນຍ 615 ຄົນ, ອຸດໜູນລູກ 136 ຄົນ, ພາກວິສາຫະກິດຮັບເອກະສານຂໍອຸດໜູນ 705 ຄົນ, ອຸດໜູນເກີດລູກ 241 ຄົນ, ເສຍຊີວິດ 16 ຄົນ, ອຸດໜູນຜູ້ເຈັບປ່ວຍ 44 ຄົນ, ອຸດໜູນບໍານານ 12 ຄົນ, ອຸດໜູນເສຍກຳລັງແຮງງານ 7 ຄົນ, ເສຍອົງ ຄະ 1 ຄົນ.

  ປະຈຸບັນສູນບໍລິການກອງທຶນປະກັນສັງຄົມແຂວງໄຊຍະບູລີ ມີລາຍຮັບທັງໝົດ 70,17 ຕື້ກວ່າກີບ ໃນນີ້ມີຍອດເຫຼືອມາ 4,23 ຕື້ກວ່າກີບ, ຮັບເງິນ 8% 18,23 ຕື້ກວ່າກີບ, ຮັກສາ ການດຸ່ນດ່ຽງ 47,42 ຕື້ກວ່າກີບ, ຮັກສາການ ອຸດໜູນໄລຍະຍາວເພື່ອປິ່ນປົວ 277 ລ້ານກວ່າ ກີບ. ສ່ວນລາຍຈ່າຍທັງໝົດ 63,63 ຕື້ກວ່າກີບ. ຈ່າຍມອບເໝົາປິ່ນປົວໃຫ້ໂຮງໝໍ, ຈ່າຍອຸດໜູນໄລຍະສັ້ນ,ຈ່າຍອຸດໜູນໄລຍະຍາວ,ຈ່າຍຊ່ວຍໜູນດ້ານສັງຄົມ 272 ແລະລູກໂອນເງິນ 8% ໃຫ້ສູນກາງ ແລະຈ່າຍຄ່າບໍລິຫານ ແລະບັດ ATM ຂອງພະນັກງານບໍານານເງິນທີ່ຍັງເຫຼືອ ທັງໝົດ 6,53 ຕື້ກີບ. ພາກວິສາຫະກິດມີລາຍຮັບທັງໝົດ 7,19 ຕື້ກວ່າກີບ, ຮັບສົມທົບມີ 6%, ຮັບສົມທົບ 5,5%, ຮັບເງິນ 9% ຂອງຜູ້ ສະໝັກໃບຮັບຈາກອຸດໜູນໄລຍະຍາວເພື່ອປິ່ນ ປົວ, ຮັບດອກເບ້ຍເງິນຝາກປະຢັດດ້ານລາຍຈ່າຍທັງໝົດ 2,33 ຕື້ກວ່າກີບ. ໃນນີ້ຈ່າຍເໝົາປິ່ນປົວສຸຂະພາບໃຫ້ໂຮງໝໍ, ຈ່າຍອຸດໜູນໄລຍະສັ້ນ, ຈ່າຍອຸດໜູນໄລຍະຍາວ, ຈ່າຍອຸບັດເຫດແຮງງານ, ຈ່າຍອຸດໜູນວ່າງງານ ແລະຈ່າຍບໍລິຫານເງິນທີ່ຍັງເຫຼືອຕົວຈິງ 4,86 ຕື້ກວ່າກີບ.

  ສຳລັບທິດທາງປີ 2019 ນີ້ ທາງສູນບໍລິການ ກອງທຶນປະກັນແຂວງຈະສືບຕໍ່ຂຶ້ນທະບຽນວິສາຫະກິດໃໝ່ໃຫ້ໄດ້ 12 ວິສາຫະກິດ, ມີຜູ້ອອກ ແຮງງານໃໝ່ໃຫ້ໄດ້ 1 ພັນຄົນ, ຜູ້ສະໝັກໃຈ ໃຫ້ໄດ້ 70 ຄົນ. ເອົາໃຈໃສ່ຄິດໄລ່ໃບອຸດໜູນປະ ກັນສັງຄົມແຕ່ລະພາກສ່ວນ ໃນນີ້ພາກລັດ ອຸດ ໜູນໄລຍະສັ້ນ 2 ພັນຄົນ, ໄລຍະຍາວ 4.300 ຄົນ, ພາກວິສາຫະກິດສືບຕໍ່ຈ່າຍເງິນອຸດໜູນໃຫ້ ໄດ້ 500 ຄົນ. ຕິດຕາມສົມທຽບລາຍຮັບເງິນ 8%, 11,5% ແລະເງິນສົບທົບຈາກຜູ້ສະໝັກໃຈພ້ອມທັງໂອນໃຫ້ສູນກາງແຕ່ລະເດືອນ ແລະໃນ ປີ 2019 ຄາດວ່າຈະຈ່າຍອຸດໜູນປະກັນສັງຄົມປະເພດຕ່າງໆ 61,96 ຕື້ກວ່າກີບ ໃນນີ້ພາກລັດ 57,38 ຕື້ກີບ, ພາກວິສາຫະກິດ 4,58 ຕື້ກີບ.

ໂດຍ: ບຸນທີ

แชร์