ວີໂວ້ວາງແຜນເປີດໂຕແທັບເລັດ ແລະແລບທອບໃນອະນາຄົດ

  Vivo ໄດ້ແຕກຂະຫຍາຍແບຣນຍ່ອຍໃນຊື່ iQOO ໃນເດືອນກຸມພາ 2019 ແລະໄດ້ເປີດໂຕສະມາດໂຟນທີ່ເນັ້ນປະສິດທິພາບສູງສຳລັບຫຼິ້ນເກມຈົນໃນປະຈຸບັນມີການວາງຈຳໜ່າຍຢູ່ໃນ ສປ ຈີນ ຫຼາຍກວ່າ 10 ລຸ້ນ ແລະລ້າສຸດມີລາຍງານວ່າ iQOO ກຳລັງຂະຫຍາຍຕະຫຼາດໄປຍັງກຸ່ມແທັບເລັດ ແລະແລບທອບ.

  iQOO ຖືກພົບວ່າມີການຈົດເຄື່ອງໝາຍການຄ້າ iQooPad ແລະiQOO Book  ໃນປະເທດຈີນ ໄວ້ແລ້ວຮຽບຮ້ອຍ ຊຶ່ງໜ້າຈະເປັນຊື່ ຂອງຜະລິດຕະພັນແທັບເລັດ ແລະແລບທອບຕາມລຳດັບແຕ່ຍັງບໍ່ມີລາຍງານກ່ຽວກັບຂໍ້ມູນຂອງຜະລິດຕະພັນເຫຼົ່ານີ້ ແລະການຈົດເຄື່ອງ ໝາຍການຄ້າກໍບໍ່ໄດ້ມີການຢືນຢັນ 100% ວ່າຈະມີການເປີດຜະລິດຕະພັນອອກມາໃນໄວໆນີ້.

  ນອກຈາກນີ້ Vivo ຍັງໄດ້ຈົດເຄື່ອງໝາຍການຄ້າ NEX Pad ແລະNEX Book ດ້ວຍເໝືອນກັນນັ້ນໝາຍຄວາມວ່າ Vivo ສາມາດເປີດໂຕແທັບເລັດ ແລະແລບທອບພາຍໃຕ້ແບຣນ Vivo ໃນອະນາຄົດ.

----

ໜັງສືພິມ ເສດຖະກິດ-ສັງຄົມ

แชร์