ສວນອາຫານວັງລາວດາວຄຳ ແຫຼ່ງທ່ອງທ່ຽວໃໝ່

  ສວນອາຫານວັງລາວດາວຄຳ ຖືວ່າເປັນແຫຼ່ງທ່ຽວອີກແຫ່ງໜຶ່ງສ້າງຂຶ້ນໃໝ່ທີ່ເປັນອັກຄະລະສະຖານທີ່ໃຫຍ່ທີ່ສຸດໃນນະຄອນຫຼວງວຽງຈັນ ໂດຍໄດ້ມີນະໂຍບາຍ ແລະບ່ອນເຜີຍແຜ່, ສ້າງສັນສິລະປະທາງດ້ານສະຖາປັດຕະຍະກໍາທີ່ຊົງຄຸນຄ່າຢ່າງງົດງາມຂອງຕົ້ນກໍາເນີດບູຮານລາວທີ່ສື່ຄວາມຄິດ ແລະສັນຍະລັກທາງດ້ານວັດທະນະທຳລາວຂອງ ສປປ ລາວ.

  ທ່ານ ຂັນທອງ ສີຊະນະດີປະທານກຸ່ມໂຮງແຮມພັດຕະຄານດາວຄໍາ, ປະທານສວນອາຫານວັງລາວດາວຄຳໃຫ້ຮູ້ວ່າ: ສວນອາຫານວັງລາວດາວຄໍາມີເນື້ອທີ່ທັງໝົດ 36 ໄລ່, ຕັ້ງຢູ່ບ້ານເມືອງນ້ອຍ, ເມືອງໄຊເສດຖາ ນະຄອນຫຼວງວຽງຈັນ ຊຶ່ງເປັນບ່ອນເຜີຍແຜ່ສິລະປະວັດທະນະ ທຳທາງດ້ານສະຖາປັດຕະຍະກຳທີ່ຊົງຄຸນຄ່າຂອງຕົ້ນກຳເນີດລາວບູຮານທີ່ສື່ເຖິງຄວາມຄິດ ແລະສັນຍາລັກທາງວັດທະນະທຳຂອງ ສປປ ລາວ ເພື່ອໃຫ້ມວນຊົນທັງພາຍໃນ ແລະຕ່າງປະເທດໄດ້ສຳຜັດ ແລະ ຮັບຮູ້ເຖິງສະ ແດງຄວາມເປັນລາວ, ມີສິລະປະວັດທະນະທຳທີ່ບໍ່ໜ້ອຍໜ້າຊາດໃດພ້ອມນີ້ກໍເປັນສະຖານທີ່ສຳຄັນຂອງນັກທ່ອງທ່ຽວທີ່ເດີນທາງເຂົ້າມາໃນນະຄອນຫຼວງວຽງຈັນກໍຄື ສປປ ລາວ.

  ໃນນີ້ປະກອບມີອາຄານໃຫຍ່ 2 ຫຼັງ ແລະຕູບ 70 ຫຼັງ, ມີທັງຕູບຕິດແອ, ຕູບທໍາມະດາ ແລະຕູບມຸງຫຍ້າຂອບເຂດບໍລິເວນອ້ອມຂ້າງປະກອບດ້ວຍວິວທໍາມະຊາດທົ່ງ ນາທີ່ມີບັນຍາກາດປອດໂປງພາຍໃນສວນທີ່ເຕັມໄປດ້ວຍຕົ້ນໄມ້ເປັນບ່ອນຮົ່ມເຢັນ, ອາກາດບໍລິສຸດພຸດຜ່ອງສະດວກສະບາຍເໝາະສໍາລັບແຂກທີ່ຕ້ອງການມາພັກຜ່ອນແບບຄອບຄົວ, ແບບໝູ່ຄະນະ ແລະອື່ນໆມາຮ່ວມສ້າງສັນພ້ອມນີ້, ສວນອາຫານວັງລາວດາວຄໍາຍັງຮັບຈັດງານແຕ່ງງານ, ງານວັນເກີດ ແລະງານລ້ຽງຕ່າງໆ ຊຶ່ງສາ ມາດຮອງຮັບຄົນຫຼາຍພໍສົມຄວນຖືວ່າເປັນສະຖານ ທີ່ທ່ອງທ່ຽວອີກແຫ່ງໜຶ່ງທີ່ໜ້າທ່ຽວຊົມໃນນະຄອນຫຼວງວຽງຈັນ.

-------------

ຂຽນໂດຍ: ແພງຕາ

 

แชร์