ຫວຽດນາມ ເລີ່ມສ້າງເສັ້ນທາງຄວາມໄວສູງ ເໜືອ-ໃຕ້

  ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເນັ້ນໜັກເຖິງຄວາມສຳຄັນຂອງບັນດາພາກສ່ວນໂຄງການກໍ່ສ້າງເສັ້ນທາງຄວາມໄວສູງ ເໜືອ-ໃຕ້ທາງທິດຕາເວັນອອກ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດຊາດໃນໄລຍະຈະມາເຖິງ.

  ຕາມຂ່າວຕ່າງປະເທດລາຍງານວ່າ ຕອນເຊົ້າວັນທີ 30 ກັນຍາ, ທີ່ຕາແສງຮ່າລອງ, ເມືອງຮ່າຈູງ, ແຂວງແທັງຮ໊ວາ, ທ່ານນາຍົກລັດຖະ ມົນຕີ ຫວຽດນາມ ຫງວຽນຊວັນຟຸກ ໄດ້ກົດປຸ່ມລົງມືກໍ່ສ້າງໂຄງການກໍ່ສ້າງເສັ້ນທາງຄວາມໄວສູງ ມາຍເຊີນ-ທາງຫລວງ 45 ແລະກໍ່ໃນວັນດຽວກັນ, ທີ່ແຂວງດົ່ງນາຍ, ທ່ານຮອງນາຍົກລັດຖະມົນຕີ, ຜູ້ປະຈຳການລັດຖະບານ ຫວຽດນາມ ເຈືອງຮ່ວາບີ່ງ ກໍ່ໄດ້ເຂົ້າຮ່ວມພິທີລົງມືກໍ່ ສ້າງເສັ້ນທາງທາງຄວາມໄວສູງ ຟານຖ໊ຽດ-ເຢົ່າໄຢ; ຢູ່ແຂວງບີ່ງທ້ວນ, ທ່ານຮອງນາຍົກລັດຖະມົນຕີ ຈິ້ງດີ່ງຢຸງ ກໍ່ໄດ້ເຂົ້າຮ່ວມພິທີລົງມືກໍ່ ສ້າງເສັ້ນທາງທາງຄວາມໄວສູງ ຫວີງຫາວ-ຟານທ໊ຽດ. ນີ້ິ້ແມ່ນ 3 ພາກສ່ວນ ໂຄງການທີ່ຂຶ້ນກັບເສັ້ນທາງຄວາມໄວສູງເໜືອ-ໃຕ້ທາງທິດຕາ ເວັນອອກ 3 ໂຄງການດັ່ງກ່າວມີຍອດເງິນລົງທຶນກໍ່ສ້າງທັງໝົດກ່ວາ 1,6 ຕື້ໂດລາສະຫະລັດ, ມີລວງຍາວກ່ວາ 250 ກິໂລແມັດ ພາຍຫຼັງກໍ່ສ້າງສຳເລັດ ແລະເປີດສະຫຼອງ (ຄາດວ່າໃນທ້າຍປີ 2022) ພ້ອມກັບບັນດາ ພາກສ່ວນໂຄງການອື່ນ, ຈະປະກອບເຂົ້າກັນເປັນເສັ້ນທາງຄວາມໄວສູງເໜືອ-ໃຕ້ທາງທິດຕາເວັນອອກທີ່ທັນສະໄໝ, ມີຄວາມປອດໄພເທື່ອລະກ້າວ, ກ່າວຄຳເຫັນທີ່ພິທີລົງມືກໍ່ສ້າງເສັ້ນທາງຄວາມໄວສູງມາຍເຊີນ-ທາງຫຼວງ 45, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເນັ້ນໜັກເຖິງຄວາມສຳຄັນຂອງບັນດາພາກສ່ວນໂຄງການກໍ່ ສ້າງເສັ້ນທາງຄວາມໄວສູງເໜືອ-ໃຕ້ທາງທິດຕາເວັນອອກ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດຊາດໃນໄລ ຍະຈະມາເຖິງທ່ານ ຫງວຽນຊວັນຟຸກ ກ່າວວ່າ:“ວັນທີ 30 ກັນຍາປີນີ້ແມ່ນວັນມີຄວາມໝາຍ, ພິເສດແມ່ນສຳລັບຂະແໜງຄົມມະນາຄົມຂົນສົ່ງ, ເມື່ອຜັນຂະຫຍາຍບັນດາໂຄງການກໍ່ສ້າງເສັ້ນທາງຄວາມໄວສູງເໜືອ-ໃຕ້ທາງທິດຕາເວັນອອກພ້ອມກັນ 3 ໂຄງການລົງມືກໍ່ສ້າງໃນມື້ນີ້ ແມ່ນການລົງທຶນທີ່ຫັກຈາກງົບປະມານແຫ່ງລັດພິເສດແມ່ນພວກຂ້າພະເຈົ້າໄດ້ຮຽກຮ້ອງໃຫ້ກະຊວງຄົມມະນາຄົມຂົນສົ່ງ, ກະຊວງແຜນການ ແລະການລົງທຶນ, ກະຊວງການເງິນ ແລະບັນດາອົງການທີ່ກ່ຽວຂ້ອງຕ້ອງສູ້ຊົນເພື່ອສຳເລັດການກໍ່ສ້າງເສັ້ນທາງຄວາມໄວສູງແຕ່ແຂວງລ້າງເຊີນຈົນໄປຮອດແຫຼມກາເມົາເພື່ອໃຫ້ພວກເຮົາມີເສັ້ນທາງຄວາມໄວສູງໜ້ອຍສຸດແມ່ນມີລວງຍາວ 5.000 ກິໂລແມັດ.”

  ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເນັ້ນໜັກ ແລະໃຫ້ຮູ້ວ່າ ການພັດທະນາລະບົບຄົມມະນາຄົມແມ່ນມີຄວາມສຳຄັນທີ່ສຸດ, ພັກ, ລັດພວມມານະພະຍາຍາມເພື່ອໃຫ້ຂະແໜງຄົມມະນາຄົມກ້າວໄປກ່ອນບາດກ້າວໜຶ່ງ, ຮັບໃຊ້ໃຫ້ແກ່ການພັດທະນາຂອງປະເທດ ຊາດ.

----

ໜັງສືພິມ ເສດຖະກິດ-ສັງຄົມ

แชร์