ມາເລເຊຍ ຜິດຫວັງອາເມລິກາຫ້າມນຳເຂົ້ານ້ຳມັນປາມ

  ເອຟຈີວິ ໂຮລດິງ ຜູ້ຜະລິດນໍ້າມັນປາມລາຍໃຫຍ່ທີ່ສຸດໃນໂລກຂອງມາເລເຊຍສະແດງຄວາມຜິດຫວັງທີ່ອາເມລິກາຫ້າມນໍາເຂົ້າສິນຄ້າ.

  ຕາມຂ່າວຕ່າງປະເທດລາຍງານວ່າ ເອຟຈີວີ ຖະແຫຼງວ່າຜິດຫວັງທີ່ອາເມລິກາຕັດສິນໃຈດັ່ງກ່າວທັງທີ່ບໍລິສັດໄດ້ດຳເນີນມາດຕະການທີ່ເປັນຮູບປະທຳມາຕະຫຼອດຫຼາຍປີທີ່ຜ່ານມາເພື່ອສະແດງໃຫ້ເຫັນວ່າມຸ້ງໝັ້ນທີ່ຈະເຄົາລົບສິດທິມະນຸດ ແລະປົກປ້ອງມາດຕະຖານແຮງງານ ປະເດັນທີ່ອາເມລິກາຍົກຂຶ້ນມາທັງໝົດລ້ວນແຕ່ເປັນເລື່ອງທີ່ສາທາລະນະເວົ້າມາຕັ້ງແຕ່ປີ 2015 ບໍລິສັດໄດ້ດໍາເນີນມາດຕະການຫຼາຍຢ່າງເພື່ອແກ້ໄຂໃຫ້ຖືກຕ້ອງ ແລະຈັດເຮັດເປັນເອກະສານເຜີຍແຜ່ຕໍ່ສາທາລະນະບໍລິສັດຈະເດີນໜ້າປະສານກັບສຳນັກງານພາສີອາກອນ ແລະປ້ອງກັນຊາຍແດນອາເມລິກາ (ຊີບີພີ)ຕໍ່ໄປ ເພື່ອໃຫ້ປົດຊື່ອອກຈາກການຫ້າມນໍາເຂົ້າ.

  ຢ່າງໃດກໍຕາມ ຊີບີພີ ຢືນຢັນວ່າ ຄຳສັ່ງຫ້າມນໍາເຂົ້າສິນຄ້າຂອງ ເອຟຈີວີ ຈະບໍ່ກະທົບຕໍ່ການນໍາເຂົ້ານໍ້າມັນປາມ ແລະຜະລິດຕະພັນນໍ້າມັນປາມທີ່ມີມູນຄ່າລວມ 147 ຕື້ໂດລາສະຫະລັດມາຕັ້ງເດືອນສິງຫາປີ 2017.

----

ໜັງສືພິມ ເສດຖະກິດ-ສັງຄົມ

แชร์