ກວຕ ເຊື່ອມຊຶມມະຕິກອງປະຊຸມຄົບຄະນະຄັ້ງທີ 7 ຂອງຄະນະບໍລິຫານງານສູນກາງພັກ

  ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດບັ້ນເຊື່ອມຊຶມ, ຜັນຂະຫຍາຍມະຕິກອງປະຊຸມຄົບຄະນະຄັ້ງທີ 7 ຂອງຄະນະບໍລິຫານງານສູນກາງພັກສະ ໄໝທີ X ຂຶ້ນໃນວັນທີ 18 ກຸມພາ 2019 ພາຍໃຕ້ການເປັນປະທານຂອງ ສະຫາຍ ບໍ່ວຽງຄຳ ວົງດາລາ ເລຂາຄະນະພັກກະຊວງ, ລັດຖະມົນຕີກະ ຊວງວິທະຍາສາດ ແລະ ເຕັກໂນໂລຊີ, ມີສະມາຊິກພັກ, ພະນັກງານ-ລັດຖະກອນ ພາຍໃນກະຊວງເຂົ້າຮ່ວມ.

  ໃນບັ້ນເຊື່ອມຊຶມຄັ້ງນີ້, ໄດ້ມີການເຜີຍແຜ່ເຊື່ອມຊຶມສອງເອກະ ສານສຳຄັນຄື: ມະຕິກ່ຽວກັບການເພີ່ມທະວີການນຳພາແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະສ້າງຄວາມເຂັ້ມແຂງໃນການຄຸ້ມຄອງມະຫາພາກ ແລະມະຕິວ່າດ້ວຍການປັບປຸງຮາກຖານການເມືອງຂອງລະບອບປະຊາທິປະໄຕ ປະຊາຊົນ ໃຫ້ເຂັ້ມ ແຂງໜັກແໜ້ນ, ເຊິ່ງສະຫາຍ ບໍ່ ວຽງຄຳ ວົງດາລາ ໄດ້ຍົກໃຫ້ເຫັນ ບັນຫາ ແລະບັນດາສາເຫດຕົ້ນຕໍຂອງສະພາບຄວາມຫຍຸ້ງຍາກທາງ ດ້ານເສດຖະກິດ-ການເງິນ ທີ່ປະ ເທດເຮົາພວມປະເຊີນຢູ່ໃນ ປະຈຸ ບັນ ໂດຍສະເພາະການຈັດເກັບ ລາຍຮັບເຂົ້າງົບປະມານແຫ່ງລັດ ບໍ່ບັນລຸຕາມຄາດໝາຍ, ບັນຫາໜີ້ ສິນຄຸມເຄືອ, ການຂາດດຸນງົບປະ ມານ, ການລະເມີດລະບຽບວິໄນ ແຜນການ-ການເງິນ ແລະອື່ນໆ ລວມທັງທິດທາງ ແລະມາດຕະ ການຈຸດສຸມໃນການແກ້ໄຂສະເພາະໃນຕໍ່ໜ້າ.

  ໂອກາດດຽວກັນ ສະຫາຍ ບໍ່ວຽງຄຳ ວົງດາລາ ກໍໄດ້ມອບບັດສະມາຊິກພັກສົມບູນໃຫ້ສະມາຊິກພັກສົມບູນຜູ້ທີ່ຄົບມາດຖານເງື່ອນໄຂສົມບູນຈຳນວນ 32 ສະຫາຍ, ຍິງ 17 ສະຫາຍ.

ໂດຍ: ນໍ້າເໝີຍ

• 19/02/2019