ສກຂ ຊຽງຂວາງ ຈັດກອງປະຊຸມປະຈໍາປີ

  ພັນນາວົງຫົວໜ້າພະແນກ ສກຂ, ໃຫ້ກຽດ ເຂົ້າຮ່ວມມີບັນດາທ່ານຮອງເຈົ້າ ເມືອງ, ຫົວໜ້າຫ້ອງການສຶກສາທິການ ແລະກີລາເມືອງ, ຄະ ນະພະແນກ ສກຂ, ພະແນກການ-ກົມກອງອ້ອມຂ້າງແຂວງ, ວິທະຍາໄລທັງພາກລັດ ແລະເອກະຊົນ, ຜູ້ອໍານວຍການໂຮງຮຽນອ້ອມຂ້າງທີ່ຂຶ້ນກັບພະແນກ ສກຂ ຕະຫຼອດຮອດຫົວໜ້າຂະແໜງຮອງຂະແໜງ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ໃນກອງປະຊຸມທີ່ມີຄວາມໝາຍຄວາມສໍາຄັນນີ້ບັນດາແຂກເຂົ້າຮ່ວມຈະໄດ້ພ້ອມກັນຮັບຟັງ, ຄົ້ນຄ້ວາປະກອບຄໍາຄິດຄໍາເຫັນ ແລະຕີລາ ຄາຄືນໃສ່ບັນດາຮ່າງເອກະສານຕ່າງໆເຊັ່ນ: ບົດສະຫຼຸບຜົນການຈັດຕັ້ງປະຕິບັດວຽກງານແຜນພັດທະນາການສຶກສາ ແລະກີລາປະຈໍາສົກປີ 2019-2020 ແລະຮ່າງທິດທາງແຜນການປະ ຈໍາສົກປີ 2020-2021, ຮ່າງບົດວິໄຈປະສິດທິພາບພາຍໃນຂອງການສຶກສາ ແລະກີລາ ແລະການປະຕິບັດຄາດໝາຍຂອງສະພາແຫ່ງຊາດ, ບົດວິໄຈຜົນການສອບເສັງຈົບຊັ້ນປະຖົມສຶກສາ, ບົດປະເມີນຜົນການຮຽນຂອງນັກຮຽນ ມ4 (2019), ການກໍ່ສ້າງຮາກຖານການເມືອງໆໜອງແຮດ ແລະວຽກງານສາມສ້າງຂອງຂະແໜງການສຶກສາ-ກີລາ, ວຽກງານກວດກາ ແລະການແກ້ໄຂປາກົດການຫຍໍ້ທໍ້ໃນຂົງເຂດສຶກສາ-ກີລາ, ການແກ້ໄຂຜົນການກວດສອບດ້ານການເງິນຂອງຂະແໜງການສຶກ ສາ-ກີລາ, ການຈັດສັນຄູສອນ, ການຕີລາຄາຄືນຜົນການເຄື່ອນໄຫວວຽກງານກີລາປະຈໍາສົກປີ 2019-2020, ການຍົກລະດັບຊັ້ນມັດທະຍົມຕອນປາຍລະບົບບໍາລຸງໃຫ້ແກ່ປະຊາຊົນຄວບຄູ່ກັບການຝຶກອົບຮົມຄວາມຮູ້ພື້ນຖານດ້ານວິຊາຊີບ, ຮ່າງແຜນພັດທະນາການສຶກສາ ແລະກີລາ 5 ປີຄັ້ງທີ IX (2021-2025) ແລະເອກະສານອື່ນໆທີ່ສໍາຄັນອີກຈໍານວນໜຶ່ງ.

----

ໂດຍ: ຄານສີສະຫວັນ

แชร์