ຕາດໝາໄນ ຈະກາຍເປັນແຫຼ່ງທ່ອງທ່ຽວອີກແຫ່ງ ຂອງເມືອງທ່າແຕ່ງ

  ປະຈຸບັນອົງການປົກຄອງ ແລະປະຊາຊົນບ້ານໂກງຕາຢຸນພ້ອມແລ້ວໃຫ້ຜູ້ປະກອບການລົງທຶນພັດທະນາຕາດໝາໄນໃຫ້ເປັນແຫຼ່ງທ່ອງ ທ່ຽວທາງທຳມະຊາດ ອີກແຫ່ງໜຶ່ງຂອງເມືອງທ່າແຕງ ແຂວງເຊກອງ ໃນຂະນະທີ່ພາກລັດກໍຄືຂະແໜງການກ່ຽວຂ້ອງຂັ້ນເມືອງ ແລະຜູ້ປະກອບການລົງທຶນໄດ້ລົງຊຸກຍູ້ 4 ຄອບຄົວທີ່ມີ ເນື້ອທີ່ທໍາການຜະລິດ 1,5 ເຮັກຕາຢູ່ຂອບເຂດພື້ນທີ່ຕາດດັ່ງກ່າວໃນວັນທີ 30 ກັນຍາ 2020 ນີ້.

  ທ່ານ ພູວົງ ກອງຊັບ ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະທ່ອງທ່ຽວເມືອງກ່າວວ່າ: ກອງປະຊຸມປຶກສາຫາລືໃນກ່ອນໜ້ານີ້ ໂດຍເຫັນດີຕໍ່ເຈດຈຳນົງຂອງຜູ້ປະກອບການລົງທຶນພັດ ທະນາຕາດໝາໄນໃຫ້ເປັນແຫຼ່ງ ທ່ອງທ່ຽວທາງທໍາມະຊາດຂອງ ເມືອງ ໂດຍໃຫ້ພັດ ທະນາໄປຕາມລະບຽບການຂອງລັດກໍຄືຂະແໜງ ການກ່ຽວຂ້ອງວາງໄວ້ ໂດຍຕິດ ພັນກັບວັດທະນະທຳຮີດຄອງປະເພນີອັນດີງາມຂອງຊາດກໍຄືຂອງທ້ອງຖິ່ນ.

  ທ່ານ ນາງ ແກ້ວລາວັນ ແກ້ວລາດສະວົງໄຊ ກ່າວວ່າ: ພາຍຫຼັງ ພັກ-ລັດອະນຸຍາດແລ້ວຈະຕ້ອງໄດ້ສຸມໃສ່ບັນດາກິດຈະກຳເປົ້າໝາຍໃນການພັດທະນາ ໂດຍສະເພາະແມ່ນກໍ່ສ້າງພື້ນຖານໂຄງລ່າງບຸກເບີກເສັ້ນທາງ, ໄຟຟ້າ, ນໍ້າປະປາ, ກໍ່ສ້າງໂຮມສະເຕ ແລະອື່ນໆອີກຫຼາຍກິດ ຈະກຳ, ສ່ວນຄອບຄົວທີ່ຖືກຜົນກະທົບທາງດ້ານເນື້ອທີ່ທຳການຜະລິດກະສິກຳນັ້ນແມ່ນຕ້ອງໄດ້ປະຕິບັດນະໂຍບາຍຕາມຂັ້ນຕອນ ແລະເງື່ອນໄຂຕົວຈິງທີ່ໄດ້ຕົກລົງກັນ, ຕາດໝາໄນຕັ້ງຢູ່ຮ່າງຈາກເທສະບານເມືອງທ່າແຕງ 4,5 ກິໂລແມັດ ແລະທາງທິດຕາເວັນຕົກຂອງບ້ານໂກງຕາຢຸນ ຊຶ່ງໃນເມືອກ່ອນເປັນພື້ນທີ່ດິນທົ່ງນາ, ປ່າຮົກເຮື້ອ, ມີນໍ້າ, ໂງ່ນຫີນເປັນ ທີ່ຢູ່ອາໄສຂອງສັດປ່າຈຳນວນຫຼວງຫຼາຍ ໂດຍສະເພາະແມ່ນໝາໄນ, ກະຮອກ, ກວາງ, ຟານ, ໝູ, ຊ້າງ ແລະສັດອື່ນໆ ສະນັ້ນຊາວບ້ານໂກງຕາຢຸນ ຈຶ່ງໄດ້ເອີ້ນຊື່ວ່າຕາດໝາໄນມາຈົນຮອດປະຈຸ ບັນນີ້.

----

ໂດຍ: ພອນ ບຸນອຸທິດ

 

แชร์