ອາເມລິກາ ມອບເຄື່ອງຊ່ວຍຫາຍໃຈໃຫ້ຫວຽດນາມ 100 ເຄື່ອງ

  ອົງການພັດທະນາສາກົນ ອາເມລິກາ (USAID), ລັດຖະບານອາເມລິກາໄດ້ມອບເຄື່ອງຊ່ວຍຫາຍໃຈຈຳນວນ 100 ເຄື່ອງທີ່ຫາກໍ່ຜະລິດໃຫ້ ສສ ຫວຽດນາມ ເພື່ອໜູນຊ່ວຍເຂົ້າໃນວຽກງານປ້ອງກັນ, ສະກັດກັ້ນໂລກລະບາດ ໂຄວິດ-19.

  ຕາມຂ່າວສານຫວຽດນາມລາຍງານວ່າ ທ່ານ ຫງວຽນ ແທັ່ງ ລອງ ຮັກສາການລັດຖະມົນຕີກະຊວງສາທາລະນະສຸກ ຫວຽດນາມ ໄດ້ຕີລາ ຄາວ່າ ນີ້ແມ່ນເຫດການສຳຄັນໄດ້ສ້າງຂີດໝາຍໃນການພົວພັນຮ່ວມມືລະຫວ່າງ ຫວຽດນາມ-ອາເມລິກາໃນຂົງເຂດສາທາລະນະສຸກ ກໍຄືການປ້ອງກັນ, ສະກັດກັ້ນໂລກລະບາດໂຄວິດ-19, ເປັນການຊ່ວຍເພີ່ມທະວີກຳລັງຄວາມສາມາດໃນການປິ່ນປົວຂອງຫວຽດນາມ, ທ່ານ  DaielJ.Kritenbrink ເອກອັກຄະລັດຖະທູດອາເມລິກາປະຈຳຫວຽດນາມໃຫ້ຮູ້ວ່າ ລັດຖະບານອາເມລິກາ ຕົກລົງມອບເຄື່ອງຊ່ວຍຫາຍໃຈ 100 ເຄື່ອງທີ່ຫາກໍ່ຜະລິດມາໃໝ່ໆ ໃຫ້ຫວຽດນາມນັ້ນແມ່ນປະຕິບັດຕາມການສະເໜີຂອງທ່ານປະທານາທິບໍດີ ໂດນັລ ທຣຳ.

  ໄປຄຽງຄູ່ກັນນັ້ນ, ໂດຍຜ່ານອົງການ USAID, ລັດຖະບານອາເມລິກາຍັງໄດ້ໃຫ້ຄຳໝັ້ນສັນຍາໜູນຊ່ວຍເງິນຈຳນວນ 9,5 ລ້ານໂດລາສະຫະລັດໃຫ້ຫວຽດນາມ ເພື່ອຮັບມືກັບໂລກລະບາດໂຄວິດ-19 ຕື່ມອີກ.

----

ໜັງສືພິມ ເສດຖະກິດ-ສັງຄົມ

แชร์