ວິທະຍາໄລສະຫວັນບໍລິຫານທຸລະກິດໄຂສົກຮຽນໃໝ່

  ທີ 25 ກັນຍາ 2020 ທີ່ວິທະຍາໄລສະຫວັນບໍລິຫານທຸລະກິດໄດ້ຈັດພິທີສະຫຼຸບສົກຮຽນ 2019-2020 ວາງທິດທາງ 2020-2021 ແລະມອບປະກາສະນີຍະບັດໃຫ້ທີ່ຜູ້ສຳເລັດການສຶກສາລະດັບຊັ້ນສູງ ໂດຍການເຂົ້າຮ່ວມເປັນປະທານຂອງທ່ານ ກິຄຳ ພິມບຸນຍໍ ຮອງຫົວໜ້າພະ ແນກສຶກສາທິການ ແລະກີລາແຂວງ, ມີທ່ານ ຄຳເພົ້າ ພັນທຸລັກ ອຳນວຍການວິທະຍາໄລສະຫວັນບໍລິຫານທຸລະກິດ, ທ່ານ ຄຳພູວີ ວຽງດາ ລາຮອງຫົວໜ້າຂະແໜງອະຊີວະ ແລະການສຶກສາຊັ້ນສູງ, ມີຮອງອຳນວຍການ, ແຂກທີ່ຖືກເຊີນ ແລະຜູ້ສຳເລັດການສຶກສາເຂົ້າຮ່ວມ.

  ທ່ານ ຄຳເພົ້າ ພັນທຸລັກ ອຳນວຍການວິທະຍາໄລສະຫວັນບໍລິຫານທຸລະກິດໃຫ້ຮູ້ວ່າ: ວິທະຍາໄລໄດ້ຈັດຕັ້ງປະຕິບັດຕາມໂຄງການຫຼັກສູດປະກອບມີ: ຫຼັກສູດ ຊັ້ນສູງມີ 3 ສາຂາຄື: ສາຂາບັນຊີ, ສາຂາບໍລິຫານ-ການຈັດການ ແລະສາຂາເຕັກໂນໂລຊີຂໍ້ມູນຂ່າວສານ (IT) ປະ ກອບມີທັງໝົດ 99 ໜ່ວຍກິດ, ໃນສົກປີ 2019-2020 ມີນັກສຶກສາທັງໝົດ 148 ຄົນ, ຍິງ 102 ຄົນ, ໃນນີ້ປະກອບມີຂະແໜງບັນຊີ 57 ຄົນ, ການບໍລິຫານ-ການຈັດການ 31 ຄົນ, ເຕັກໂນໂລຊີຂໍ້ມູນຂ່າວສານ 60 ຄົນ, ສຳລັບນັກສຶກສາຊັ້ນສູງສົກສຶກສາ (2017-2020) ສາ ຂາການບັນຊີຈຳນວນ 25 ຄົນ, ໃນນັ້ນສອບເສັງໄດ້ສົມບູນ 23 ຄົນ, ເທົ່າກັບ 92%, ສາຂາການບໍລິຫານ-ການຈັດການຈຳນວນ 17 ຄົນ, ສອບເສັງໄດ້ສົມບູນ 15 ຄົນ, ເທົ່າກັບ88,23%, ສາຂາເຕັກໂນໂລຊີຂໍ້ມູນຂ່າວສານ (IT) ຈຳນວນ 24 ຄົນ, ສອບເສັງໄດ້ສົມບູນ 18 ຄົນ, ເທົ່າກັບ 75%, ຕະຫຼອດການສຶກສາ 3 ປີຜ່ານມາສາມາດວັດ ແລະປະເມີນຜົນການຮຽນ-ການສອນໄດ້ປະເພດດີຫຼາຍ 3 ຄົນ, ປະເພດດີ 26 ຄົນ, ດີພໍໃຊ້ 27 ຄົນ ແລະປະເພດພໍໃຊ້ໄດ້ 7 ຄົນ, ໃນນີ້ດີເດັ່ນປະເພດ 1 ໄດ້ຮັບໃບຍ້ອງຍໍຂັ້ນພະແນກສຶກສາທິການ ແລະກີລາແຂວງຈຳນວນ 8 ຄົນ, ດີເດັ່ນປະເພດ 2 ຈຳນວນ 4 ຄົນ ແລະຜົນການຮຽນດີໄດ້ຮັບການສັນລະເສີນຂັ້ນວິທະຍາໄລຈຳນວນ 6  ຄົນ, ສ່ວນຜູ້ທີ່ສຳ ເລັດການສຶກສາຊັ້ນສູງບໍລິຫານທຸລະກິດໃນສົກສຶກສາ 2019-2020 ຈຳນວນ 64 ຄົນ, ຍິງ 41 ຄົນ, ໃນນັ້ນ, ສາຂາບັນຊີ 23 ຄົນ, ສາຂາການບໍລິຫານ-ການຈັດການ 17 ຄົນ ແລະສາຂາເຕັກໂນຊີຂໍ້ມູນຂ່າວສານ (IT) ຈຳນວນ 24 ຄົນ.

----

ໜັງສືພິມ ເສດຖະກິດ-ສັງຄົມ

แชร์