ສະໜວ້ຍ ປະຊຸມຜູ້ບໍລິຫານການສຶກສາ

  ທີ 29 ກັນຍາ ຜ່ານມາ ທີ່ຫ້ອງປະຊຸມຫ້ອງວ່າການປົຄອງເມືອງສະໜ້ວຍ ແຂວງສາລະວັນ ໄດ້ຈັດກອງປະຊຸມຜູ້ບໍລິຫານການສຶກສາ-ກີລາປະຈຳສົກຮຽນ 2019–2020 ໂດຍການເປັນປະທານຂອງທ່ານ ຄຳຈຸງ ດວນທະ ວີຈີນ ຮອງເຈົ້າເມືອງສະໜ້ວຍ, ທ່ານ ວັດທະນາ ໜັ້ນວິໄລ ຮອງຫົວໜ້າພະແນກສຶກສາທິການ ແລະກີລາແຂວງ, ທ່ານ ສັນຍາລັກລາດຊະບຸດຫົວໜ້າຫ້ອງການສຶກສາທິການ ແລະກີລາເມືອງ, ມີບັນ ດາກຳມະການພັກເມືອງ, ຫົວໜ້າຫ້ອງການຮອງຫົວໜ້າຫ້ອງການ, ອຳນວຍການໂຮງຮຽນພ້ອມພະນັກງານຄູ-ອາຈານເຂົ້າຮ່ວມ.

  ທ່ານ ບຸນເຫີ້ຍ ເວນສະກຸນຮອງຫົວໜ້າຫ້ອງການສຶກສາທິການ ແລະກີລາເມືອງໄດ້ຂຶ້ນຜ່ານບົດສະຫຼຸບຫຍໍ້ປະຈຳສົກປີ 2019- 2020 ເປັນຕົ້ນແມ່ນຜົນການຈັດຕັ້ງປະຕິບັດໃນແຕ່ລະດ້ານຄື: ການສຶກສາກ່ອນໄວຮຽນ, ວຽກງານປະຖົມສຶກສາ, ວຽກງານມັດທະ ຍົມສຶກສາຕອນຕົ້ນ ແລະຕອນປາຍ, ວຽກງານການສຶກສານອກໂຮງ ຮຽນ, ວຽກງານການບໍລິຫານຄຸ້ມຄອງການສຶກສາ, ວຽກງານຈັດຕັ້ງ-ພະນັກ ງານ, ວຽກງານສະຖິຕິແຜນການ, ວຽກງານກີລາ-ກາຍະກຳ, ວຽກງານກວດກາ-ປະເມີນຜົນ ແລະຮັບປະກັນຄຸນນະພາບ, ວຽກງານພັດທະ ນາຄູ, ວຽກງານ ພາລະ-ສິລະປະສຶກສາ.

  ສໍາລັບແຜນການໃນຕໍ່ໜ້າຈະຕ້ອງອັດຕາເຂົ້າຮຽນຂອງເດັກໃນເກນອາຍຸ 0-2 ປີ ໃຫ້ໄດ້ຫຼາຍຂຶ້ນ, ເພີ່ມອັດຕາເຂົ້າຮຽນຂອງເດັກໃນເກນອາຍຸງ 5 ປີໃຫ້ໄດ້ 76,1%, ເອົາໃຈໃສ່ປະຕິບັດ 3 ຂໍ້ແຂ່ງຂັນ 3 ລັກສະນະ 5 ຫຼັກມູນຂອງກະຊວງສຶກສາວາງອອກ, ສືບຕໍ່ສ້າງ ໂຮງຮຽນຕົວແບບໃຫ້ໄດ້ 2 ຈຸດຄື: ຈຸດເທສະບານ ແລະຈຸດລະຮາງ, ຕິດຕາມຊຸກຍູ້ແນະນໍາການຮຽນ-ການສອນໃຫ້ແກ່ຄູໂດຍຮ່ວມກັບຄະນະພັດທະນາການສຶກສາຂັ້ນບ້ານ, ສ້າງຄວາມສາມາດກັບຊຸມຊົນກັບວຽກງານປຸກລະດົມສຸຂະອະນາໄມ, ລົງຕິດຕາມຊຸກຍູ້, ແນະນໍາການຈັດຕັ້ງປະຕິ ບັດການເລື່ອນ ຂັ້ນແບບຕໍ່ເນື່ອງ, ເພີ່ມອັດຕາເລື່ອນຂັ້ນ-ຈົບຊັ້ນ ມ1-ມ4 ໃຫ້ໄດ້ 88%, ເພີ່ມອັດຕາເຂົ້າຮຽນລວມຊັ້ນມັດທະຍົມຕອນປາຍໃຫ້ໄດ້ 40,71%, ວຽກການສຶກສານອກໂຮງຮຽນໄດ້ຈັດຕັ້ງການຮຽນ-ການສອນປະຊາສຶກສາພາກເກັບເລັມຊັ້ນປະຖົມ ແລະມັດທະ ຍົມຕົ້ນທັງໝົດມີ 40 ຈຸດໃນນັ້ນປະຖົມ 30 ຈຸດ ແລະມັດທະຍົມ 7 ຈຸດ, ໄດ້ຈັດການແຂ່ງ ຂັນກີລາລະຫວ່າງໂຮງຮຽນກັບໂຮງຮຽນໃຫ້ໄດ້ 4 ຄັ້ງມີການອອກກໍາລັງກາຍກາງໂມງຂອງນັກຮຽນໃນແຕ່ລະໂຮງຮຽນ, ສະເໜີປະກາດໂຮງຮຽນ ມຕ ລະຮາງ, ຕະຫຼຸກາງ ແລະອາສົກເປັນໂຮງ ຮຽນປອດຢາເສບຕິດ 5 ປີຊ້ອນ.

  ນອກນັ້ນຕ້ອງລົງຕິດຕາມກວດກາຊຸກຍູ້ຕິດຕາມການຮຽນ-ການສອນຂອງຄູພ້ອມຈັດການລາຍງານສ່ອງແສງປະຈຳເດືອນ, ປັບປຸງແບບແຜນວິທີການເຮັດວຽກງານປະສານງານກັບພາກສ່ວນຂະແໜງການສຶກສາ ແລະຂະແໜງການອື່ນໆຕາມສາຍຕັ້ງສາຍຂວາງ, ໂຮງ ຮຽນກັບການຈັດຕັ້ງຂັ້ນບານ ແລະຄອບຄົວ, ເອົາໃຈໃສ່ສຶກສາອົບຮົມແນວຄິດການເມືອງ, ຍົກລະດັບຄວາມຮູ້-ຄວາມສາມາດຂອງຜູ້ບໍລິ ຫານທຸກຂັ້ນໃຫ້ສູງຂຶ້ນ.

----

ໜັງສືພິມ ເສດຖະກິດ-ສັງຄົມ

 

แชร์