ຄາເຟ່ ອາເມຊອນ ຈັດກິດຈະກຳຄືນກຳໄລໃຫ້ລູກຄ້າ

  ຄາເຟ່ອາ ເມຊອນ ຈັດກິດຈະກຳສົ່ງເສີມການຂາຍ “ລຸ້ນໂຊກໃຫຍ່ສຸກໃຈໄປກັບບິນຄາເຟ່ອາເມຊອນ” ໂດຍຈັບລາງວັນຄົ້ນຫາລູກຄ້າຜູ້ໂຊກດີທີ່ຮ້ານຄາເຟ່ອາເມຊອນສາຂາໂພນຕ້ອງ ເມືອງຈັນທະບູລີ ນະຄອນຫຼວງວຽງຈັນໃນວັນທີ 30 ກັນຍາ 2020 ເພື່ອເປັນການຄືນກໍາໄລໃຫ້ແກ່ລູກຄ້າຄາເຟ່ອາເມຊອນທົ່ວປະເທດ,ໂດຍມີທ່ານ ມົນໄຊ ບຸນອີ່ມ ຜູ້ອໍານວຍການບໍລິສັດພີທີທີ (ລາວ) ຈໍາກັດ, ພ້ອມດ້ວຍແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.

  ທ່ານ ມົນໄຊ ບຸນອີ່ມ ກ່າວວ່າ: ກິດຈະກຳດັງກ່າວນີ້ກໍເພື່ອເປັນການຄືນກໍາໄລໃຫ້ແກ່ລູກຄ້າທີ່ໃຊ້ບໍລິການຊື້ສິນຄ້າພາຍໃນຮ້ານຄາເຟ່ອາເມຊອນທົ່ວປະເທດ, ຊຶ່ງໃນປີ 2020 ນີ້ ໄດ້ຈັດກິດຈະກໍາຄືນກໍາໄລໃຫ້ລູກຄ້າລວມມີ 4 ປະເພດຄື: ລາງວັນທີ 1 ລົດຈັກ Honda PCX i150 ມູນຄ່າ 35 ລ້ານກວ່າກີບ ຈໍານວນ 3 ລາງວັນ, ລາງວັນທີ 2 ໂທລະສັບມືຖື OPPO A92 ຈໍານວນ 6 ລາງວັນ, ລາງວັນທີ 3 ກະເປົ໋າເດີນທາງອາເມຊອນ 15 ລາງວັນ ແລະລາງວັນທີ 4 ບັດດື່ມຄາເຟອາເມຊອນ 30 ລາງວັນ, ຊຶ່ງລູກຄ້າສາມາດຮ່ວມລຸ້ນໂຊກຮັບຂອງລາງວັນໄດ້ໂດຍປ່ອນໃບບິນຄາເຟ່ອາເມຊອນທີ່ມີມູນຄ່າ 20 ພັນກີບຂຶ້ນໄປໂດຍເກັບສະສົມໃບບິນຕັ້ງແຕ່ເດືອນສິງ ຫາ ເຖິງ 30 ພະຈິກ 2020 ໂດຍມີກໍານົດຈັບລາງວັນລວມ 3 ຄັ້ງຄື: ຄັ້ງທີ 1 ໃນ ວັນທີ 30 ກັນຍາ, ຄັ້ງທີ 2 ວັນທີ 30 ຕຸລາ  ແລະຄັ້ງທີ 3 ວັນທີ 30 ພະຈິກ 2020  ຕາມລຳດັບ.

 ສໍາລັບຜູ້ໂຊກດີໄດ້ຮັບລາງວັນທີ 1 ລົດຈັກ Honda PCX i150 ຄັ້ງນີ້ແມ່ນນາງ ສົມມະນີ ວົງສະຫວັດ ບ້ານນາສາຍຄໍາ ເມືອງປະທຸມພອນ ແຂວງຈໍາປາສັກ,ສ່ວນລາງວັນທີ 2 ແມ່ນ ທ້ານ ແຈັກ ວົງພາຈອນ ບ້ານດົງດໍາດວນ ນະຄອນໄກສອນ ພົມວິຫານ ແຂວງສະຫວັນນະເຂດ ແລະນາງ ມີໄວວອນ ວັນນຸວົງ ບ້ານໂພນສີນວນ ເມືອງສີສັດຕະນາກ ນະຄອນຫຼວງວຽງຈັນ, ນອກຈາກນີ້ຍັງມີລາງວັນກະເປົ໋າເດີນທາງອາເມຊອນ 5 ລາງວັນ ແລະລາງວັນບັດດື່ມກາຄາເຟ່ອາເມຊອນຈໍານວນ 10 ລາງວັນ.

  ຜູ້ອໍານວຍການບໍລິສັດພີທີທີ (ລາວ) ຈໍາກັດ ໃຫ້ຮູ້ຕື່ມວ່າ: ປະຈຸບັນໃນທົ່ວປະເທດມີສາຂາຄາເຟ່ອາເມຊອນທັງໝົດ 67 ສາຂາ, ໂດຍເປີດການໃຫ້ບໍລິການຕັ້ງແຕ່ປີ 2012 ແລະຍັງມີແຜນຈະຂະຫຍາຍສາຂາຕໍ່ໄປຢ່າງຕໍ່ເນື່ອງ, ໃນທົ່ວປະເທດ.

แชร์